同男朋友去旅行，男方畀晒錢....是否正確？
我唔係貪心，係真係真心問大家，其實好唔好問佢畀返少少錢佢，因為都駛咗成萬蚊....
如果男朋友自願俾曬，就好好珍藏🤣長長久久落去，多數都係一個買機票一個book房
如果係我 我唔會要佢比哂錢 轉頭又比返啲錢佢 佢一定話唔要
我會例如機票酒店錢佢出左 咁旅行途中洗錢 食飯 搭車就我出 或者機票佢比左就我book酒店咁
視乎閣下男朋友財力，如月入十幾萬或以上或手揸幾百萬或以上基金/股票甚至有物業就無謂問。
我會比返
人地返工都好唔容易
都有自己屋企人要養
除非佢真係好有錢 根本唔care就請佢食野，送下野比佢
唔好存有老馮既心態
男既自願比曬就由佢啦，同埋洗左成萬蚊好小架炸呀妹。
男女朋友嘅話，你應該主動比反佢，而五係去問佢使五使比反佢
禮貌問吓佢要唔要夾返囉～佢話唔洗起碼你個心又好過啲，佢話要夾咪俾返錢佢，到時分手起碼冇機會俾佢拎返出嚟講你壞話
我一定會問，share 番，
除非佢拒絕啦， 如果佢又搵多你好多，咁咪食飯錢你出囉，
如果你問呢條問題時去完旅行啦，佢又唔肯收，請佢食餐好好既加買份禮物俾佢囉.. 我覺得主要係俾佢知道，你好感謝佢..
我係男，我用返男角度諗男好簡單，其實你比佢感覺你愛佢就ok，旅程大家都快樂，1萬幾千沒問題，完左開心旅途，回去本來生活地方，放工有機會抽時間接下佢一齊返屋企咁就超快樂
如果男朋友自願出晒機票酒店，正常應該係去到當地你請返佢食飯
我就係過來人 所有都我比哂 最後跟埋仔走 完全0良心
冇絕對正唔正確，睇對方財力與意願啦~
唔好問比昇幾多佢，旅行期間請吓佢食野或者買d佢鍾意既野比佢咪好囉~
大家心照，happy，sweet sweet 就夠了~
請佢食餐好，或者主動買份禮物仔。或者最簡單，真誠的多謝男朋友一句 !
唔出聲，睇吓佢有幾大方，等到叫你比番份嘅時候，聽吓佢點樣表達，就知道跟唔跟得過下半世。
睇對方能力囉，如果大家都冇乜錢咁咪大家都出下錢，但一定男既出大份，女既出細份（情緒價值要到位，大家都happy）
如果對方有經濟能力同條件，梗係男嘅俾晒啦！你唔用佢啲錢唔通俾第二條女用？（你嘅付出應該應用喺其他方面上 而唔係錢。）

男嘅都好現實，你自己冇「配得感」，就唔好怪男人唔使錢喺你身上。
唔好講埋啲咩男女平等，嘥氣。
好歹都夾返份，旅行始終係大數，下下咁其實唔係幾好，除非佢主動話請曬你
通常一個訂機票，一個book酒店咁
喜歡很簡單，他心中很簡單，有沒有財力都好，只是想照顧你
如果認識不久，又陪玩陪吃陪睡，沒關係吧！反正你都不在乎！
問吓無壞～ 如果你真心想俾，可以照問吓 睇佢想唔想夾返
唔想俾 問都無謂😂
如果另一半的一直無工返，或無心搵工，一拍拖無耐就已諗住我將來養另一半，所有錢都我出，對唔住，我會要求佢快搵工充實自己，去旅行都要各自比部份錢，等女朋友學識自己都要有野承擔，唔係完全依賴對方，將來出錢比例還將來的事，有時過份寵有機會將來會寵壞對方
首先好認同你，因為你愛佢錫佢先想同佢分擔！ 而佢亦何嘗不是愛你而為你付出！ 好好珍惜！
其次， 男仔出哂佢係想證明你知佢有能力！ 你可以用其他方法報答佢，或記錄低今次既花費， 將錢秘密地儲起佢！ 日後真的有需要時可以拿出來解決問題！
最後祝你地一齊既路愈行愈遠！
忠告： 無野係老馮既， 要感恩同珍惜！
價值觀唔同結局都好大差別。我見過男人分手之後追返佢洗嗰啲錢。有好多男人為咗扑嘢，開頭洗好多錢，搞到之後就冇事。睇清楚為人再決定俾唔俾返佢
若你系性工作者，去系提供性服務
直頭要收錢啦
若果吾系，就比返自己果份啦
咁你系收錢定比錢呀？
Don‘t take it for granted