📌 呢位Ching 講晒
共 49 條紀錄
[系統警報：集體恐懼劫持事件] 🚨
最近見到好多類似「30歲無100萬就含撚」嘅惡毒留言，專以大家嘅恐懼為食物。
係，外面個世界真係變得好癲。AI 既發展快到痴左線，世界既另一邊又打仗打到七彩。呢D 時勢，的確會覺得揸住 100 萬咩都唔係，因為內心嗰份不安點樣都填補唔到。
當呢D 留言不斷挑動我地既恐懼同焦慮，大腦既杏仁核 (Amygdala) 會被強制啟動，然後負責理性、長遠規劃既前額葉 (Prefrontal Cortex) 就會強制熄機。點解要買末日期權？點解 Podcast 要 2 倍速播？我哋越行越快、越嚟越急，其實只係因為
‼️我哋根本唔知自己要去邊‼️
當時代嘅海嘯殺埋嚟，如果你內心只係一間小木屋，想單靠嗰 100 萬嚟搵番安全感，你當然會驚到傻，日日驚俾人淘汰——但其實你咁驚，仲點有空間諗長遠？顧好眼前一餐已經偷笑啦！
但如果你內心係一座「富士山」呢？當你有自己堅實嘅信念同底層邏輯，清楚自己嘅價值，任由外面風吹雨打，你都可以如如不動。
要由「木屋」變做「富士山」絕對唔容易，而其中一樣你可以做既、好反直覺既事就係
😌 外面愈快，自己既內心就要愈慢 😌
如果你想去觀塘，你喺尖沙嘴愈向西跑，你只會愈跑愈遠。容許自己停落嚟係為左搞清楚自己喺邊，決定清楚自己想去邊。睇書睇得慢唔緊要，Podcast 聽唔曬唔緊要。自己控制唔到既事，諗黎都係哂gas~
將你大腦既算力收返埋，留返俾自己。落街曬下太陽，飲杯水，感受下自己既呼吸，做一日乜都唔諗既海豹 😌😌😌
其實歷史上無數偉大嘅科學同哲學發現，都係喺發明家最 Relax 嘅時候誕生嘅：
阿基米德 (Archimedes) 浸緊浴缸攤抖嗰陣，突然諗通咗浮力定律，大叫「Eureka!」。
哲學家笛卡兒 (Descartes) 攤喺張床度發白日夢，望住天花板隻烏蠅飛嚟飛去，反而俾佢諗通咗「直角坐標系」。
化學家凱庫勒 (Kekulé) 喺火爐邊恰眼瞓，夢見一條蛇咬住自己條尾，醒返就解開咗困擾科學界極耐嘅苯環 (Benzene) 結構。
呢個就係莊子所講既「無用之用」。當你個腦唔再被「要有生產力」嘅焦慮綁架，大腦先有空間去將真正有用既 Source Code 重組。當你唔再被恐懼驅動，你先可以真正攞返大腦既 Root 權限。😌📖🧠😌
係，其實大部份人都係出身平平凡凡，父母都係認知有限的基層小人物，自己出黎做野都要跌下撞下俾人跣下，從中拎 exp 去成長。
網絡發達係好事，但太多人將 D KOL 呀鱔稿呀 IG story 當左係真實、社會常態，忘記左芸芸眾生先係大多數。
BTW，衣食住行基本生活都有困難，固然難受，但當基本需求解決（例如食兩餸飯、住公屋、返份勉強掂到或差少少掂到中位數的工），咁快唔快樂就睇自己。有人覺得歐洲遊輪旅行係 basic，有人放工返到屋企可以上 youtube 聽免費歌已幸福。
因為資訊發達
有比較有傷害
個個都想過有錢人嘅生活
而現實數據話俾你知
唔計一夜暴富哩啲千萬份一嘅機會
靠積累財富而過到「中產」無憂生活嘅人
都幾乎係越早有第一桶金就越好
連最無儲錢習慣嘅鬼佬
近年都越來越多人識得複息效應理論而想盡早滾大個波
如果講香港買私樓（居屋另計）
有能力一定係越早上車越好
後生仔供得辛苦啲都唔怕
如果年輕無負擔都買唔到
人到中年，有老有嫩要養的話，只會仲難上車
其實唔係社會嘅同病咁簡單，
係本身帶領嗰班人已經係有病，見你快啲就想你再快啲，見你㩒多兩下可以再快啲嘅時候要你去到最快，其實唔會停㗎。
呢啲咁嘅情況除咗老細喜歡之外，最主要嘅原因係世界上嘅主管普遍都有好勝心，同埋要有面子。喺呢兩樣嘢嘅情況之下，就會催谷啲下面嘅人，做得快就係贏。贏咗面子，贏咗自己所謂嘅挑戰性。有啲人做大佬就真係純粹要呢啲快感。
試下咁樣嘅解釋
可能幫到你諗得明
你而家睇緊嘅social media
其實都係表達緊自己最美好嘅一面
但係以此同時，
有冇諗過其實生活嘅環境嘅等等
係唔對等之餘 仲要唔會fit得到落去
二元本身，就最容易吸引 engagement
因為互相表達立場嗰陣
其實都係創造緊互動
但係呢啲互動又係唔係真係有用
又係唔係真係應該要咁做
呢個等大家一齊，同行者諗下
Frankly , 係toxic
某DM 老闆同我傾過計
IG既興起同青少年自殺率有某個correlation
問題係當有research, 豬閪已經將啲平台再推快啲，shame…
從人來無咁多野真係要咁快，而真係要快既事，好多要執行既人根本follow 唔到
甚至一件事係需要multi skill 先完成到，但太多大只係結果論
想講乜都好，「開個BR，請一個人，run一年」先講…唔sustainable 快都無用
不如買六合彩啦
唔知幾時開始有30歲要咩買樓 結婚，甚至生仔嘅講法，其實中學畢業直升大學再畢業距離30先得8年，如果唔夠分要讀幾年asso之類再上就8年都無，8年聽落好長，但其實又唔係咁長，個個都咁叻一條直線咩？唔係，但社會上製造咗30歲焦慮出嚟影響人。
不過家庭問題，其他人有更多資源，投資嫌慢，思考唔夠，太想速成，其實係唔同嘅討論嚟
2000年個陣都已經開始有人講
啲電視劇都成日教啲人咁樣
久而久知令人愈黎愈壓逼
依家有埋咁多社交媒體
啲人就愈不停咁比較
成個氣氛都好差
俾一個人因為焦慮而走完所有所謂成功方程式，到 60 歲時究竟覺得自己咁辛苦係係為乜？有錢消費到網紅推介嘅美食、旅遊景點？買到人地眼中嘅靚車，揸出街有面？
咁其實自己真正鐘意乜，生命中有邊件事係有熱情，真正想光陰點樣過、同咩人過？
聽youtube podcast係有啲內容講極都唔知講咩全部廢話嗰陣唔2倍真心嘥時間
但有內容嗰啲講嘢嘅人又會講得慢
真係要減返速但都要1.25
但係
調返轉咁講
人少咗耐性係真
其實香港好耐之前已經開始咁
只係呢個風氣而家全世界都有
social media將只屬於5%人嘅精緻生活無情地「分享」俾底層人睇，好多冇家底冇能力嘅人就好自然會焦慮破防，因為唔好講富豪級，只係計頂層果5%中産嘅生活都已經係好多平民窮極一生都冇機會體會
我又唔反對窮人唔好生仔 因為佢哋嘅仔女真係要攰啲辛苦啲 但係呢個世界啲人真係心急咗好多係真 同埋乜都要aim to 幾多歲之前就要點點點 係好panic嘅一件事🤣🤣
岩呀，30歲買唔到樓，儲埋啲錢，平平地租多十年，拎住舊錢all in 美債去 加拿大/英國/澳洲/日本，退休享受好過
香港人去到日本做大富豪不知幾爽皮
一部分啦 以前上車難度同依家上車難度又係另一件事 以前上一兩代真係好多人30歲前做業主 都要睇好多嘢 唔係咁簡單 成個環境都唔同 根本無得比
以前年代好多鐵飯碗 基本上穩穩定定供到樓
到左而加 就算而加有份首期係手 過到壓測都唔敢買
今日唔知聽日事 轉下頭工都無埋 樓都無得供
到轉投資下 錢搵錢 發大左再諗下 輸左錢最多輸份本
你睇而家某啲KOL成日講到月薪10萬都係好平常咁就知，質疑佢就話返你見識少。鬼唔知好多香港人係好撚有錢咩，但普通/冇乜錢嘅人都佔唔少。
因為連登只係啲十幾廿歲嘅人玩 。佢地以為三十歲要好耐 。其實去到三四十歲先買樓 or 重新開始嘅人係好多。 佢地未去到個個年紀係未見到
其實啱架 結婚前靠自己比首期買到樓真係好難除非靠父幹
細個冇諗自己屋企點上車 ching寫完諗番自己父母好似成35,6歲先買第一層樓得300尺🤔
除咗投資買樓之外都認同
你望下19年之前的樓價每年升幾多
你人工升幅永遠追唔切物價升幅，就算3倍ETF都追唔切，係現實迫到香港人冇得揀
其實呢個現象冇問題 家下至扑街係啲反駁隊吹奏撚護航撚同埋上面啲離地撚吹到香港係追夢嘅好地方 塊餅仲大過人地嘅美國夢 就over曬囉
大部分認同
有時真係要慢活讓自己安靜下來
急唔來
可以慢就慢
無就無
宇宙浩瀚無限大
可以躺平是幸福
買樓依啲好閑嘅啫，我過多幾年都30 ，而家咪又係完全冇儲過首期，買唔到樓咪等屋企人嗰層囉
我有朋友仲一諗要買3房新樓
因為想結婚生小朋友
但只係讀普通science科 又唔係有投資開
點做到呢？
咪證明左啲資本消費娛樂主義有幾成功
人人都追逐物欲 生活方式單一化
永遠trap係個matrix到 做齒輪
去吓歐遊 如果旅行都冇令人視野廣闊
咁嗰啲人 都有啲係自己選擇咁生活？
所以 樓主講香港人only?
速食文化令到大家思考嘅時間減少 唔夠時間考慮太倉猝就容易做錯決定
但係流行文化係咁冇計
所以只要肯定落黎慢慢睇書慢慢學就已經跑贏九成人
全部人都知要點做
但真正做到只有5%人
因為財自先係真正自由
唔財自你一日都係俾啲垃圾公司垃圾Policy垃圾規矩綁住自己
典型嘅販賣焦慮
根本每個人的時間timeline都唔同，做咩要set 定幾多歲要做咩
老老豆豆 因為社交媒體而家太容易塑造到成功既形象 焦慮係緣於有比較
本身香港都係講求效率、快嘅地方嚟
速食文化同香港根本一拍即合
咁事實上真係好多野都有deadline，例如最佳生育年齡係35之下～
講開又講，其實一直都唔太理解睇片點用2倍速睇😂 我太老了
你有你生活，我有我忙碌
小啲比較，多啲珍惜（學習中）
唔製造焦慮 個個都去躺平
對上位者嚟講無人幫佢做野嘛
最後得益唔會係我哋小市民:)
我哋嘅得益咪就係三餐都未必飽
有啲人租平工廈 同有情緒病囉
大部分都認同 不過有時podcast 2倍速真係因為講野太慢