呢幾日見到各位師兄姐戰況慘烈，都真係冇計，成百幾萬人走咗出去玩，攞車嗰陣仲要落大雨，本身都預今日應該冧到仆街，初段手仔接手仔帶咗我出九龍，叫做有嘢做吓，去到晚飯時間就真係開始靜，兜嚟兜去都上唔到客，呀爸好似啞咗咁，斷斷續續做吓雞腳，又做咗兩支醫院旗積吓陰德，好過冇啦。

今晚有朋友約咗十二點接機，好彩撳到支千足青衣，叫做幫補吓，一入到機場，發覺唔記得熄Uber，係咁彈單出嚟，車完老友返天水圍，本身諗住近近地就直接入機場，又好彩撳到兩枝呀爸正咪由天水圍帶到我落屯門，之後就頭也不回入屯赤，同樣都係一到機場範圍就響，P1直頭越夜越精彩，凌晨1:30塞到要去十幾號位先上到客，做咗支正價兩站美孚沙田，呢支就真係救全家。

落客之後仲猶豫緊入唔入機場，聽啲師兄話有幾班機delay，入面仲好熱鬧，點知就喺河畔上咗隻手仔，一男一女睇落正正路路，一開車聽到佢哋啲對話，就知道仆街啦，個女仔應該好醉，唯有快快手，盡量揸定啲車佢出去，可惜最後都失手，嘔咗落啲膠地氈度，好彩個男嘅仲清醒，即刻擺低清潔費落車，諗住揸去紅磡大班洗洗佢，點知去到先知冇開，唯有死死地氣揸去自助洗車，自己清鳩哂啲嘔吐物，真係好嘔心的。

洗完都四點幾，去果欄氣站入埋氣就交車收工算，唉屌😪

個男擺抵幾錢🙃

五魚🙈

收幾多錢清潔？

擺定個膠袋係車啦，饒倖到依家未瀨過野，我上次仲要街客上水去北角咁長途

平時替開嘅車多數都有，老奉咗，今次大教訓了🥲