呢排真係好挫敗(´･_･`)…
學車第三堂第一次出街被呀sir屌到飛起
但佢一輪嘴講好多嘢我一路揸車根本反應唔切
（對上嗰堂係三星期前…佢復活節放假所以上唔到堂
工作上又無太大成就感
臨時接到d唔係我做開嘅project
因為唔熟手又急要所以好多careless mistake
(打漏字/唔係好要緊但會顯得唔專業嘅問題…
挫敗到一個點…
係咪駕院呀？
其實佢地成日咁多野講果時
人地唔熟真係好煩好心浮氣躁
即係好亂果時佢又係咁講
我覺得最好你記熟左條路先
熟左你知道自己咩位要做咩
然後先有能力應付其他野
因為唔熟就乜都會好怯
跟住佢又會叫你做乜乜乜乜咁
但自己又做唔切😌
同埋有唔明就問。。
佢話去到某個點要做A，我個腦連A要做咩動作都未load到，又要留意路面，但接住又講B同C，幾秒後去到嗰個點時，我已經唔記得A係咩，努力想回憶+想配合動作嗰陣，佢又繼續話「頭先同你講咗你有無聽咖？依家要A呀，你識唔識聽人講野呀？
我個腦係一片空白，完全反應唔切，仲要做咁多動作…😑
係呀，我諗出完一次街再記就好好多啦…本身又無乜點渣過車，未實戰過真係溫完都唔知溫咗d乜…
我明呀 我開頭都好屎
手腳協調唔到
成日放腳時 我話我sense唔到架車有無郁
我只係可以靠景物去睇
但係腳踏度feel唔到
啲人仲講乜鬼放輕隻腳少少
大概咩兩塊芝士既厚度定a4紙厚度既腳力
聽到一頭霧水
我覺得有時佢講完果啲點
你覺得自己做唔切既
就自己調教返你做得到
或
遲左做但教得返既點
因為我自己係跟唔到佢啲點
要自己調節
另外就係
唔出街就無概念
無概念我就就唔入腦
不過你第三次就出街已經好好架喇
我果時個師傅話唔想再係場內
我揸得差都要我出街🤣
你係元定沙定鴨？
我係沙駕呀！
😭佢哋好多自己嘅舉例…但其實無人聽得明
記得上理論堂
有個ah sir話 揸車最緊要係你自己個節奏
唔好比其他人影響
我覺得呢句好啱
但真係好難🤣🤣🤣
要比多d鼓勵自己繼續努力先得…
我明，我果時個呀sir教我乙部ok
但丙部唔得，平時揸出去好似rap咁
打燈望鏡擰頭過線
果時未做得切佢把口又唔停好煩
同埋果時我有買特惠補鐘🫠
老呀sir果時話我ok
佢地教完我識轉彎
變返本身個老師就唔得
所以呢樣真係靠自己🫠
但我克服唔到 我最後驚左呢個老師
我考左兩次沙駕逃走左出去考🥲
希望你個師傅好
唔會令你變成我咁
每一次返屋企都要寫低自己錯啲咩，同埋需要注意嘅嘢
跟住揸揸吓你就會可以邊揸邊同阿sir傾偈
多謝你🙏🏼我琴晚sad完有即刻咁做呀
我未出街渣之前溫路線都唔係好入到腦，連停車一定要拉手制轉波d動作都唔係好熟（因為喺場內練乙部唔太需要停車等候…
出過一次街之後，琴晚再寫低，就覺得有信心咗d，但一日未練到真車一日都唔知有無進步😭
琴日有個彎轉得幾順，我讚咗讚自己，嗰師傅即刻話你咁樣唔得咖，多數你咁樣都唔會考得成…
不過師傅係吹得嘅，希望可以越練越熟，可以邊渣邊吹水啦
已經有進步，我覺得最主要係可以大膽啲
啲細節位可以慢慢練
控制到架車先
加油！！
我5月頭考試，已經買咗補鐘+同個師傅約曬d時間
不過嚟緊星期四會練下一次，我會嘗試記熟少少d路線，如果我表現好咗，佢都仲係咁，我就會轉師傅了..