📌 唔常識geh中學生求
共 35 條紀錄
唔常識geh中學生求助😭
有冇高級大人可以教我去醫院探病有咩流程。。。
個frd自殺失敗宜家係醫院
我想探佢但係之前甚至連醫院都冇去過
好徬徨唔知道點算 有冇人可以教吓我有咩注意事項或者其他嘢
我同frd都係未滿16 需唔需要家長陪同or what
🥹pls可唔可以提點下小妹
妹妹 你會唔會有frd 屋企人聯絡方式 先同佢地comm好幾時去 因為探病時間都會限人頭 可能要用friend屋企人換位入去
去到ward入面最好唔好用電話
姑娘要做野既時候記得留個拉簾既通道比佢地 以個人經驗就係咁多 希望解答到係既疑問
有個醫生朋友：要問下有冇限制先 最好係打電話問醫院 畢竟年紀細 又係呢d狀況
問下佢家人醫院、房號、床位，check 下探病時間就得，去到醫院靜靜地，唔好騷擾到其他病人。好好陪下朋友！ 
你地好好，好好珍惜呢種友誼🙏🏽
戴口罩，注意衛生，醫院多病菌
其實如果可以嘅最好有大人陪你去，又就算唔係都揾多一個朋友一齊去會好啲，始終你都係一個未成年，如果真係自己去，都話交帶聲比屋企人知，咩嘢探病時間邊間醫院，起碼知你去咗邊.
上網睇下間醫院嘅地圖，交通.
去到醫院，盡量問路盛嘢，揾啲姑娘，阿嬸，探病時間跟大人群，（我唔係想搞到恐慌，但呢家社會太多變態） 你一個未成年少女單獨去醫院，又如果你未試過自己去，真係要小心啲. 不如你都係揾多個人一齊去啦
另一個留言指出重要訊息，同佢屋企人問下睇下夾下，如果人數限制，起碼你有另外一個識嘅人一齊要等都有個照應
妹妹，你探完朋友都要留意吓自己的情緒，有無太低沉或者太上心？朋友係好重要，但是每個人都有自己的路呀，凡事盡心就夠
印象中無年齡限制，只係要喺病房門口登記
精神科探病喺係一個大房進行，各個探病人士佔一張檯進行
1.佢入去會沒收所有嘢，包括電話，所以探佢時可以借電話比佢搵人、解悶
2.每次探病最多只准兩人
3.可以準備即棄內褲比病人，因為醫院唔會提供
4.可以帶零食比佢，令佢無人探病時，都可以有零食時間，有一小段私人時間享受
5.探病可以買啲外賣比佢，醫院餐未必夠飽
6.可以入書比佢解悶
7.佢可唔可以出院要靠親人同醫生傾，所以親人探病都好緊要
諗到再補充
應該唔洗，睇番你邊間院，上佢個網，睇下精神科病房既地點and探病時間，如果搵到ward電話可以試下打過去問下你想問既野
因為有自殘傾向，會入精神科病房可能性高
你個fd會被縛在床上，精神科病房要求比較多
連一樽水、膠袋都唔可以放在這類病人附近
以免再度自殺
正如有人留言所講，建議你真係搵佢屋企人/老師溝通好，才好去做呢件事
一來，你都係未成年 (病房醫護有權reject你)
二來，如果去唔到探佢，呢個年紀最好係靜待時機，唔好跟車太貼，自殘病人入院有好多野要搞，可能在佢settle好晒出院後主動去關心佢會更好
p.s. 經驗之談
建議你聯絡咗對方父母，佢哋話ok先好探，否則唔建議你探佢住，等佢出院先.
睇下住邊間醫院邊一科
上網搵資料睇探病時間
如果兒童精神科，可能只可家屬探訪
打電話問佢家人/醫院睇下比唔比非成人探病（你）
上去病房，寫探病紙，可以買嘢食、零食、日用品等等俾佢
你朋友而家喺咩ward？
精神科可以唔洗諗，入面連睇本書、可以打俾邊個都要醫生approve，朋友唔會比你探（特別係朋友身份）
其他嘅話同朋友夾時間，最同埋對方屋企人講聲，有的啲醫院可能會限人數，同佢confirm房號床位、幾點探etc，身份最好唔好話自己係朋友（tho我諗佢哋唔會過問）
喺入面唔好塞住條路，唔好阻人做嘢，唔好太大聲傾偈阻住人休息，俾野佢飲食同姑娘confirm先
祝你朋友早日康復
未夠18入院 要你frd屋企人先可以加你入探訪名單先可以探
而且都要睇返佢嘅醫生or case nurse比唔比你去探
以九龍醫院為例 每日大概晏晝有個固定時間探訪 跟住去到寫名等先放到佢出來見你 禮拜六日就有上下晝兩場 而且有限一次兩個人
但都係個句 佢未夠18 好多嘢都要睇屋企人同case nurse比唔比
因為未夠18係入面都要同成年人分開區坐
你去醫院病房探病要戴囗罩。你到你友人病床時睇吓她是否正在吊鹽水即內地叫打點滴。小心別碰到此�部醫療儀器。你輕声問候你此位情緒低落的友人。不要追問她為何尋死。如她不想多講話，你就早些離開病床。
首先check下醫院嘅探病時間，如果佢係普通病房，你12歲以上就應該無問題，通常規定同一時間唔多過2個人逗留喺病房探病（但可以輪流入去），最好問清楚你個朋友，你去嗰日有無其他親友去。如果都係好擔心，就上醫院網站睇探病須知。去之前問下你朋友有咩需要，日用品、食嘅嘢、解悶嘅嘢。你自己就帶備口罩（一般入醫院範圍就會戴），消毒搓手液啲基本衞生用品，自己去到注意衛生，怕帶外面啲菌感染到佢
佢會唔會喺精神科病房？精神科病房探病嘅時間同埋有陣時啲要求同普通病房有啲唔同。又或者可能佢而家俾人綁住咗，可能暫時唔探得住，淨係比家人去探。因為怕佢情緒受到騷擾。不如你先去問吓佢屋企人佢而家咩情況，方唔方便去探佢。如果佢哋話你可以去探佢，你再問佢喺邊間醫院呀？幾多樓啊…啊嗰啲啦。我覺得初初去探佢唔好帶嘢食去，因為唔知佢食得啲乜嘢。你可以帶部iPad借俾佢？叉電器？或者你問吓佢有咩想要你帶過去俾佢？如果你真係想帶佢鍾意食嘅嘢咁你就要問吓佢屋企人佢而家俾唔俾食嘢有咩要戒口等等。買摘花如果佢喜歡。不過其實你去陪佢傾偈就已經好好，呢啲嘢講真嘅啫。
先了解佢入左咩科, 因有機會精神科是有探病人限制（有機會只能社工、家人、老師；朋友要審批才可），由其未夠16歲病者。
我16, 17歲嗰陣醫院話只限親人，未成年同朋友通通都唔得，好孤獨……
對方家長需要同意, 但即使如此唔肯定醫院會唔會唔俾探
有啲地方嘅兒科病房係唔俾朋友探，建議叫朋友/自己打電話問清楚先，如果可以嘅話就可以去啦～
我會建議比探病時間早15-20分鐘到，探病時間醫院比較多人，如果真係好多人等嘅話即刻行樓梯～
記得帶口罩、身份證明文件入去，可以問埋朋友仔有冇咩需要買 
1.帶口罩（醫院規定）
2.問家屬（探病既人數、時間、樓層、那Ward、床位）
3.通知家屬你幾時想去探訪，並提醒家屬，通知醫護人員，有機會除左家屬人士（同學）來探病，因為有機會唔比你入去，要視乎同學精神狀況是否穩定，醫生有權拒絕家屬以外人士探訪，這是有機會寫在排簿上的，所以，你要夾家屬，讓家屬帶你入去會比較好些。）
4.病房守則~不準大聲講說話、不準講電話、不準使用病房厠所、不要送花（如果住大房或4~6人房，如果有人有花粉症會很麻煩，所以，即使在醫院，你帶左去轉頭都會被掉在垃圾桶上）
5.去買佢平時最喜歡食既垃圾食物比佢喇！
會§殺又無法做到既時候，會有很混亂既心情及感覺！
會好委屈及無助！
食的鐘意既野會放鬆多一點！
6.買個佢喜歡既公仔去比佢，有公仔陪佢，無咁孤單。
關於探病時間，每間醫院同病房都唔同，係醫管局網頁查吓。
嘗試自殺病人通常會安排精神科病房，可能有額外要求。
網友建議你先與病者家人了解是否適合探訪，這是正確做法。
如果可以探訪，都不用買甚麼，都係先同家人溝通，了解需要。
那些建議勵志書呀，鼓勵呀，就不需要嘞。就你哋平常傾偈就可以嘞。你要有心理準備，對方可能受藥物影響，而反應同平常有別。
探病時間先好去，買的人生既書佢睇，買個公仔送比佢，講的鼓勵說話佢。