唔想男朋友出去同frd通頂飲酒係咪正常。。
（聯u party有男有女 六十幾個人 得十個佢識）
我喊左好耐 同男朋友講咗唔鐘意唔想佢去
佢話點解唔想 我又答唔出。
佢一尾係度講咁樣有咩問題

佢同我講佢想去係因為想玩
佢亦都話我可以跟埋
但係佢哋次次去都係去bar包括今次
但係我未夠秤🙏🏻
佢明知我去唔到仲係度扮叫我去😂
我唔想佢去係因為
我係驚佢出軌 我好冇安全感
佢之前呃我瞓覺點知出左去飲 斷埋片
我唔想佢識女 話就話唔係男就係女 但係都唔想佢識。

其實我最撚想知嘅係真係會有女仔唔會因為男朋友去通宵飲酒而唔開心㗎咩😂

其實最大嘅問題係年齡問題
我未出去玩過所以可能腦補咗好多嘢
我到咗佢呢個年紀我可能都會同佢一樣
我知對住一個要出軌嘅人我點綁住佢我都阻止唔到佢出軌
你哋講嘅嘢我全部都知 我全部都明
我唔係唔俾佢玩
但係佢出去玩係完全唔會覆我msg
呢一點我係好冇安全感
佢又唔識氹我 一嘈交就走咗去
佢試過喺條街度抌低我直接返咗屋企




咁已經證明 佢未玩夠.
但你唔怪得佢 佢依架正正係「想玩」既年紀.
佢想玩 唔一定會做越界行為
過來人經驗 只可以話
一個會嬲就扔底另一半係街既人 愛極你有個譜 .
你以為你依架好愛佢. 佢係你既全世界. 係一件青春得黎好傻豬既事.

建議分手⋯⋯呢啲總有一日會出軌，或者已經出去食左女你都唔知，與其日日擔驚受怕，不如盡早分手，長痛不如短痛🫂

分手啦
佢未玩夠，妳內心又唔夠強大
一句講晒，你地唔夾

掉返轉，如果妳專注返系自己身上，令自己又叻又靚，隨時都勁多高質男追既，佢一步都唔夠膽離開妳啦

我細個個時都好似你咁，男朋友一話去飲酒就覺得佢一定係溝女出軌😭
但其實之後我都有出去飲嘢，就發覺唔一定係咁壞，可以好正常，只係你未試過，腦補咗好多嘢嚇自己🥺
咁要正視嘅係，你點解咁無安全感，點解成日亂諗嘢，如果唔係你男朋友每次去任何活動，你都擔心佢會出軌無咗佢㗎啦～

我反而相反，就係因為自己會出去飲，所以更加唔會想個男朋友出去飲酒🥹

最主要睇吓果個人自我控制同人品係點😆

唔信任佢就唔好一齊，你限制佢，就算佢唔出軌都遲早頂你唔順。係會出軌嘅就算你鎖佢喺屋企，佢都可以喺網上flirt女。

第一，好明顯，你唔係佢心中的前排位置（朋友高過你）

第二，你地咁年輕，佢又咁年輕，啱啱先開始出嚟玩，你就管，佢睬你都傻。

你又唔洗喊嘅，讀好d書先啦。
唔拍拖又唔會死嘅。
出去識下人都ok嘅，建立人脈，將來有用，但又唔需要劈酒嘅。

你正常，唔係你小氣。

佢呃過你、飲到斷片、嘈交掉低你走
呢啲先係問題核心。
佢明知你去唔到酒吧，
仲話「你嚟吖」係假邀請，唔係真心。

你唔係唔俾佢玩，
而係佢玩到唔覆機、唔理你感受。
你喊完都講唔出原因，因為你根本冇安全感，
而呢個安全感係佢親手整爛嘅。
唔係party有女嘅問題，係佢冇心俾你安心。

明白你既不安，都好明白你男友想玩既心，睇黎佢仲係好中意玩果種，呢啲年紀出得去玩，一定係溝仔溝女，唔通真係識朋友咩。

然後你話你未夠秤，佢就聯U party，呢啲party好似都幾精彩架wor😀聽落大家個世界已經有啲唔同，冇對與錯，咁樣落去只係雙方都辛苦，就算今日為左你唔去，長遠佢會覺得冇自由

到你夠秤，你又聯U party，你一樣可以玩，到時見既世界都唔同晒，又何必只放眼係呢個人呢

分啦，搵嗰個唔鐘意出街架啦

晚晚去就話姐。

要接受依個世界係平等但係脆弱👍🏼

方法同方向可以好多，但係離唔開水向低流，留唔住就係留唔住同正唔正常冇關係🤷🏻‍♂️

讀u唔識朋友，唔玩幾時玩？ 你接受唔到，係你有問題，因為你嗰世界未去到呢個階段，想繼續呢段關係，你都要長大去返佢個處境，或者靜靜收聲

咁你識朋友一定要通頂去飲酒識？
佢全晚唔覆msg我驚 擔心都正常啦

但呢個係佢喜歡既方式，如果你信任佢，我覺得要學識尊重佢，唔覆msg 係正常到不得了，去玩邊有人回msg
你未成年，未入大學，中學生未接觸過大人既世界，佢要走你留唔住，放手啦小朋友

PS 我係老女人，我都係放手比男友／老公去做任何野，女人唔係要管男人，係要令佢更喜歡你，離唔開你

你對自己無自信，定佢呃過你

都有

唔健康了，消耗感情，放手啦

成年人同未成年嘅人一齊、一律視之為變態

唔係囉 我哋同校識㗎。。
一齊咗三年幾

要出軌朝早九點都出到。

年輕氣盛嘅男仔…未玩夠、想見識多啲，所以先無視你嘅感受

阻得一次阻唔到第二次 一係換人 一係換心態

因為佢有前科呃過你，所以你對佢嘅信任度不足
分手係遲早嘅事。完

唔正常，特別你哋咁後生

咪由得佢 佢想點就點

乜佢好長咩？

佢都未玩夠....

你講唔出原因
係咪你自己搵吓個原因先
你抽起條根唔俾人呢樣嗰樣
你當人係乜嘢

佢係想玩，呢個年紀點會係吾貪玩，你綁住佢都無用，衣家佢只會覺得你好煩，如果啱啱拍拖，或者都會聽你一次兩次，但之後可能會背住你去happy，然後同你講，佢好忙吾得閒理你。分手吧。

建議你分手
一個中2去落bar玩 你唔會控制到佢
你預左佢會識好多都會成日去玩既男/女性既朋友
佢亦比唔到你想要既安全感
你仲要未夠秤 真係專心讀書好過啦
唔好為左個男人 情緒咁大上大落

分手啦 佢出去都係食女🤣

唔介意，唔會理，因為我唔驚對方出軌

你唔ok就唔ok
佢一路問點解係唔想自己開口話唔去
一係就你企硬 佢怨你唔比去
一係就問到你唔答 佢照去

唔出軌都殞能有互抄野同打車輪

安全感同信任問題，要自己諗開點自己會否做出同樣行為，答案只有自己知

答案：安全感

咁都唔分

分手啦
你對佢冇安全感，佢去圖書館你都唔會想佢去
搵嗰個對你千依百順嘅算啦，做乜難為大家

分啦
放過你男友

一句講完，佢仲想識其他人，識其他可能性，你永遠唔夠佢玩