唔知點解每返一份工就會俾人針對
比人恰 一係比客鬧 搞到好大壓力
但自問好畀心機學嘢 做嘢
（雖然做得唔夠好 學嘢唔快
每遇到呢啲情況就quit一次
Quit quit下 都quit咗好多份了
每次quit最大原因都係同事問題
我覺得我真係唔適合做人😂
我想躺平 或者做一份唔使對人/冇同事嘅工
但呢個世界冇得咁樣比我揀
唔好blame自己，呢個社會係有病既，好多霸凌既人淨係藉住令你對自己價值出現懷疑 欺凌你。
我。。。。唔知咁樣寫你啱唔啱聽！🥹🙈
不如試下寫低，過去咁多次返過既工作類型、崗位（duty）、離職原因（人事問題就寫清楚咩事~eg.我覺得被針對~事件A,B,C）
然後，寫低每一份工作/公司裡，你學會了的新技能/軟件上or硬件上 3樣技能提升。
再寫低你覺得有待改進的3個技能。
然後，將呢張你寫低既資料，跟你一些相熟既朋友傾1~2位（不要太多人，越多人比意見越亂越無焦點，順著感覺/直覺吧！）😅。
再找唔識既人，要在做管理層既人傾下，你睇下會唔會有新既認知。
🥹🫶🏻😆
做人要對自己的有耐心！
你能有多大的耐心，
都不是對別人，是對自己的。
你是有勇氣面對自己的人，加油！🫶🏻🤟🏻
多謝你，我試下先！我回憶返，我之前9成返嘅parttime都係對客嘅/多同事嘅，好似淨係得一份係自己做嘢？我做嘢諗嘢比較慢，溝通能力差，適應能力差，個人好在意人哋睇法/面色，容易焦慮/緊張，過去好多被人否定/嫌棄/冷落嘅經歷。唔知係咪因為咁所以先做得唔夠好+ keep住郁啲就quit。上司成日將我同其他叻過我嘅人比較，直接鬧我話做得差，或者就真係單純唔鍾意我，我做啲咩佢都唔滿意。啲舊嘅，甚至新嘅同事恰我，比說話我聽。但係我至少仲有幾年需要返呢啲前線對人既工，而家啲唔需要經驗嘅工得返呢啲。🥲
自己個人經歷
通常有威脅性嘅人都好易畀hea返工嘅人針對
其實工作中往往都是因為同事問題而想離職，一係一入公司第一日草草咁講工作點做，跟住就話佢好忙，如果每一間公司可以整個一至兩日有薪或無薪
培訓班幾好，讓新人了解公司運作一來不用常常干擾內部同事，兩來可以初步了解公司運作。完美
你要知道做得嘢嘅人、好人、有責任感嘅人，全部都喺職場死得好慘，呢個社會係愈賤嘅人愈生存到
默默做自己嘢 都會比人攪
好努力都無用
啲攪屎棍會好識擦鞋
我都做到頹哂
見到啲雙面人喺職場攪是非就覺得佢哋好好笑
啲上司往往最鍾意呢啲人
覺得佢哋好主動好做到嘢
其實往往唔出聲嘅做哂先真
希望大家以後都唔好遇到呢啲賤人😭🥲
無論出唔出聲都會恰我🥹但我發現我講多啲嘢嘅話個後果仲慘 因為佢哋會用呢啲嘢嚟背後講我壞話🥲
你係米做零售業....
我之前都係咁, 發覺d人係覺得你氣場易恰就會咁... 因為試過默默做自己野又係咁, 想試下多d野講又係咁, 最後都係忍吾住吾做🫂
Yesss🥹🥹🥹exactly 講咩都唔啱咁。唔講啲人都會照恰我！我承認我真係好似睇落好好恰⋯因為本身唔夠自信，又唔係特別識同人交際
零售賤人係特別多, 因為我以前都係呢行同好似你咁樣諗, 其實你點改變人地都恰到你,我以前都覺得係自己問題.
但其實真係環境問題....雖然咁講好灰,一係升職一係轉行... 因為我諗你比人個vibe就係易話為果d..
所以d人先食住你🥲
如果經常都係咁有冇review下所謂既問題會係咩野？ 你講得好啱生活工作都冇可能冇人，嘗試搵個答案出黎？ 🫶🏻有需要可以搵人傾下，攞d唔同angle既意見先。
好明白你嘅感受，其實好多人怕加重負擔，就算有新嘢學都唔肯試，但轉頭又會眼紅人哋升職加薪。講得難聽啲，佢哋係心態唔平衡：『我冇嘅嘢，你都唔可以有』，結果就係夾埋一齊排擠上進嘅人。呢種職場通病周圍都有😔，一係就考慮自己創業，一係就搵啲人際關係簡單嘅細公司（同事比較少）。
不過，我真係好欣賞你好學嘅心態👍🏻。學得慢少少唔緊要，最重要係你有呢份心，請你一定要保持落去，唔好俾環境打擊到你🫂。
Same 所以keep住做part time🙂↕️
唔鐘意啲人就報少啲更
過來人，被同事diu就diu L 柒翻佢哋，久而久之就會變frd, fr no cap
我都係咁，因為唔想俾人覺得我係冗員，所以好落力做嘢，點知做到熟手喇，公司就請啲乜都唔識又hea做嘅人返嚟迫走我。
做得唔夠快唔代表你無價值嘅，只係個制度太單一。或許你做D比較貼近自己性格同節奏嘅工會適合你多D 🫶🏻 加油