📌 喺澳洲搵工，我投過幾
共 68 條紀錄
喺澳洲搵工，我投過幾十封履歷。
幾乎全部石沉大海。
後來我先明白，
喺呢度，搵工靠嘅唔係CV，係人。
第一份工係因為去學咖啡拉花班，
喺課堂上識咗個同學仔。
聖誕節後佢突然WhatsApp我：「你搵到工未？」 我話：「仲未。」
佢話：「我幫你問吓麵包工場。」
就係咁，我入咗行。
每朝五點起身，六點前去到火車站，
七點準時換好制服入工場整蛋糕。
我係冇經驗嘅新人，
所以每日都係備料、混合、甩模、清潔、執工具，
一做就係朝七晚五，38個鐘一週。
體力上？
坦白講真係好攰，但係撐得過。
但係最令我意想不到嘅，係呢個工場嘅溫度。
做咗唔夠一個月，師傅話我做嘢企理乾淨，
之後每朝開工前，佢都親手做蛋糕仔請我食早餐，
仲一齊唱七八十年代嘅廣東歌，
過時過節，QC過唔到賣唔出嘅糕點，唔係抌咗，係留低俾員工一齊分享。
嗰段時間我學到：
喺澳洲搵工，人際關係係你最大嘅資產
去上課、去參加活動，唔係淨係學嘢，係去認識人
第一份工唔需要完美，重要係踏出第一步
如果你諗緊去澳洲，但唔知從何準備語言、課程、搵工方向，呢啲我都可以同你一齊釐清思路。
歡迎同我傾計喔😊
@lucasssss_c 你加咗限制，直接覆唔到你message喔。喺呢度答返你問題，麵包工場份工作係喺悉尼喔。
加油啊，我都知道唔容易，有喺布里斯本嘅台灣朋友分享喺嗰邊真係好難搵工
恭喜囉！
個人覺得 又唔係話 識人好過識字嘅！
咁你肯學各種技術, 咁介紹你工作嘅 同學仔 都要睇到你 待人接物 OK、肯學嘢 咁先至夠膽介紹你工作㗎！
Any肥, 再恭喜恭喜喇！
🍰🍰🍰
多謝支持🙏🏽 所以我都好感恩係澳洲遇到嘅人事物
之後會再分享多啲開心嘅事
哇，看到你這段經歷真的很有感！💪 澳洲找工真的靠人脈，你遇到的師傅人好好，這種溫暖的工作環境超難得的！😊
識人當然重要，不過都唔好抹殺自己既努力。加上你無能力無心態既話，就算識幾多人都無用。讚下自己啦💪
加油！你能搵到第一份，就會容易搵到第二份工，我想問你個麵包工場，係唔係個中文名有個包字？？？
Yes! 好多謝果時有同學仔介紹我，我地只係係咖啡班認識，但佢都好有心，過完聖誕節仲send msg follow up 我近況，再介紹我返工。
香港人又一個暖心嘅post。呢啲先至係我理想中嘅香港人，勤力，互助，溫暖。🫡
多謝你呀，你嘅一個留言都真係好重要！ 多謝你嘅鼓勵🙇🏻♀️
其實呢個世界不嬲係咁，無人脈先盲摸摸，有人脈人工高啲，做個位置又好啲
當年澳洲工作假期，住墨爾本，印一叠履歷表去餐廳派，再同步網上喺甘痴搵
你好叻吖！我最大嘅夢想就係去澳洲working holiday🥹🥹，希望我得
你都得嘅，support 你💪🏼 我之後會再分享多啲我呢段時間嘅經歷，希望support 到你實踐嚟走轉喔
崇洋既唔係不嬲都強調白人世間搵工講實力，係華人文化講人脈
幾時都識人好過識字架啦，重點係 你要識到［有用既人］
因為根本唔會請working holiday ,除非好等人用又有熟人推薦
朝7晚5、一週38個鐘？點計出來？返4日？月薪制？
岩丫，時薪計，部門主管好人（香港人），比我返4日，所以留尾收工做清潔，咁就可以返少一日工，可以抖多日（但其實果時仲報咗個Cert IV讀，所以休息果日都係去返學）
英語有云：It's not what you know, it's who you know
hihi, thx for share, 想問下你諗唔諗住入藉?
又唔使諗到咁灰，只係冇人脈嘅話，可能需要啲時間先搵到份工。唔好有太大期望一到埗一兩個星期就有工可以返吧。
應該咁講，有啲職位直程都唔會流出市面請人。不過又咁講，睇吓係咩工種咩行業。好難一概而論。
但係我當時係Workingholiday，就算依家喺學生身份，都確實有少少難搵工。但都可能因為係簽證限制影響。
低技術個啲應該會被人睇到，而且有好多。至於話有啲職位唔會流出面個啲就通常係獵頭公司或指定／特定要請嘅人。
我好明白嗰種心情🫂 嚟緊應該會多啲casual工作🤔？ 即將又來half-year sales 同七月聖誕🤔
所以見到學校有實習機會申請就申請咗先，搏個local experience 機會都好。
好老實，我成個Workingholiday時期，都係靠朋友介紹工作俾我，直到學校實習同埋依家呢份工作先係用自己嘅CV搵返嚟🫂
確實係，實習公司嗰度一有人走咗就搵某經理老婆嚟返工🙈 最慘嘅係佢唔駛做嘢㗎，真係成個Office冇晒人佢先會幫手聽電話，淨係返嚟坐喺度霸住個quota ，我介紹兩個同學仔入去都冇回覆🫠
多謝支持💪🏼 珍惜鼓勵人嘅Threads 友，希望將來有機會介紹到friend搵你整地板、裝修。
難得過到嚟呢邊，緊係撐返自己人啦。其實我都同你一樣，啱嚟嗰陣搵工都幾難，最後都係靠朋友介紹入行，而家先慢慢一步步行緊上嚟。
，只要你用心工作，就會有人欣賞👍👍 大家繼續一齊加油努力💪🏻👏🏻