因為念念不忘嗰碟好好食嘅蝦腸，所以我哋都堅持行20分鐘，都要去嗰間酒樓飲早茶，由於太好食，所以一人叫一碟，而又真係冇令我哋失望，食落非常之好味，韭黃同蝦嘅比例係2：8，可想而知蝦嘅量係幾多，另外，今日點咗排骨，同埋個香蔥燒肉車輪鮑，又係好味到嗯嗯聲，包有啲類似生煎包嘅口感，但係裏面係叉燒包嘅餡，外皮脆蔥味好香，廣州飲茶真係與別不同，蝦餃又係爆曬餡裏面係中芹粒，略有新派意味，因為一般都係用筍粒，中芹粒我好鍾意，因為又好清新又好爽口，成個早茶非常滿意，加埋今日坐窗口位喜上加喜。

之前睇過個訪問，話廣州依家好多新派酒樓，或者老字號改革，都係轉用唐芹或者露筍，傳統用筍尖，比較毒同難消化，唔太適合俾上咗年紀嘅老人家食。唐芹我接受，不過露筍真係唔太夾

您好！已經很久沒有到廣州飲茶了，麻煩講個價來聽下啦~Thanks!

睇下有無需要北上消費。

其實我北上廣州五日渡假，周圍搵下嘢食，咁點都要喺嗰度消費嘅，都唔關係咪需要北上的事了。