報一次警有兩個Case No. 好扺🤣🤣🤣
事緣我哩邊啲電車站有兩個唔係路邊亦無月台，乘客上落車要跨越一條行車線。而有條友响電車落客嗰陣「涉」入嗰條行車線，期間仲聽到Horn聲，抬頭一望見到兩個落緊車嘅乘客明顯受到驚嚇並作出閃避行為。我咪即刻拎起電話影佢相，佢見到我影相，竟然俾油踩去我前面落車截停我作出恐嚇同騷擾，我哩啲咁瘦弱細膽嘅梗係即刻報警啦。條友見我報警係咁响我同999講緊嘢嗰陣大聲講嘢作出騷擾，搞到裡面嘅接線員以為我有即時危險，警察幾分鐘內響哂Siren 咁到🤣🤣
結果警察開咗一單「求警協助」同交通Case Number。放我走嘅時候嗰個司機仲未上返車，唔知佢會點呢🤣🤣
BTW，條友只係司機，車主同佢唔同姓，唔知咩關係呢～

電車站必須停車並讓路予電車乘客

恭喜隻傻西瓜，如無意外應該會被控告老危

呢啲站真係要睇真啲先行過去, 好多假日司機個牌都唔知點考返嚟, 又有啲喺第二度南下落嚟嘅司機亂衝亂撞, 要顧咗自己安全先.

有次對住傻閪司機， 我住港島都入到沙田交片篤條友，開頭仲要話唔認， 去到最後係個官面前咪又係認罪

由一單未必告得入嘅老不變成老危，仲有機會孭多條刑事恐嚇，真係聰明仔🙂‍↕️🙂‍↕️🙂‍↕️

泳池定堅城中心站🤣

如果單純巡邏經過，見到有事鬧兩句，件事完咗阿蛇可以當咩都冇發生過 。
今次999台錄咗音佢兇你，然後派車過嚟，件事有晒程序，到場人員點都要交代返點樣收尾 。太多人知冇得唔做。

呢單野最神奇唔係個故事內容，而係你竟然報警可以成功落到案？😱

定你其實有好猛後台，所以警察肯花時間招呼你，簡直超越奇蹟，係神蹟呀😮😮

做得好！👍🏻
啲人咁鍾意講惡，就搵啲而家香港最惡嘅對付返佢就啱。🤭

如果警察有需要，記得做證人。唔好講就凶狠、做就碌L。

嗰兩個乘客有無留資料？好關鍵的證人，如有，危駕走唔甩 👍🏻

Well done

👍🏻

呢啲真係傻鳩來...

控制中心對話有錄音，
加埋人証接綫員口供加錄音証物，
如果涉及恐嚇睇怕佢都幾大鑊。

樓主做得好
呢啲仆街唔好放過

長官聽到你報交通 勁hi唔洗做轉交交通部

lm等後續

Well done

只要對方行為令你受驚，已經構成普通襲擊罪

果條友一定係大劣人

其實而家呢種站塊地都寫左 留意乘客
咁都唔識停係智障