壽司郎part-time好唔好？
之後考完DSE暑假冇嘢做，諗住返壽司郎part-time。我上網睇過啲人講儀容要求好麻煩，同埋使唔使戴口罩（我見好多員工都有戴）？有冇人可以講吓平時返工流程🙇🏻♀️
https://youtu.be/6brlc76lE_c?si=4JKx0Fu79tk26HvZ
之前mm佢地試過做一日員工 可以睇下佢地條片
除咗人工幾高 唔洗太用腦
時間可以好彈性 冇乜特別優點
利申：做過一年半
做野前要洗兩次手
換衫後洗一次 戴完圍裙再洗一次
要跟拍子機 數出聲
如果想自己洗第一次手冇人睇
就要考試上堂（人工包嘅 好似係）
考完試可以自己洗第一次手 加幫人睇第一次洗手
但第二次都係要嗌人睇嘅😂
如果炒場忙冇人理你就繼續等下啦😂
入廚房一定要戴口罩 外場就可以吾洗
廚房唔可以偷食嘢
朝早開朝會要嗌口號
每半個鐘（好似係）
就有廣播話衞生檢查 抹枱換手套之類😂
收工要講我收工喇 辛苦晒（日文）
總括嚟講 所有野都好機械式冇乜變化
簡單易做（睇咩位）不過就有好多以上既規矩
返工，食完飯，去完廁所都要洗兩次手，同埋指甲唔可以過長，過長就會要你即場剪， 口罩基本上一定要帶基於衛生問題
以前做過三個星期 我做廚房c區 要每個星期至少返兩日 返到公司先換衫換鞋（佢地會提供俾你 不過鞋唔知有幾多人著過）然後入去洗手 會有人教你洗 要分八個步驟洗手同埋要跟住佢嘅拍子機嘅節奏洗 每次返工洗手都要自己去叫一個有洗手牌嘅員工睇你洗手 然後戴帽戴圍裙戴口罩戴手套 戴好之後要攞個碌塵嘅掃你衣物 完成曬先可以打卡 咁所以係要俾實際上班時間早到 之後會有個員工同你介紹壽司郎唔同部門負責做咩 當你要入去工作之前仲要講一句日文要全世界都聽到嘅（唔記得係咩了） 然後裡面嘅人就會教你個區要點做啦 咁我嗰陣時就係負責煮烏冬 第一日就要記住煮烏冬要落咩配料啊同埋食材 一開始未記得嘅時候呢就會做得慢啲 啲舊員工呢就會喺度嫌棄你做得太慢啦 最黑人憎係個啲經理同老闆 做得唔夠快直接入黎問候 離職原因竟然係因為我有個星期淨係報左一日 冇報到兩日就話我唔洗繼續返了
有冇銀行戶口？ 好多公司都需要有戶口先至俾你返工 有時間就去搞個戶口先啦
返過廚房 儀容要求係好多 洗完兩次手之後會check儀容 唔可以戴耳環 耳針都唔得 唔可以gel甲 指甲唔可以過長 唔可以攞手機係身 做飲食就一定要戴口罩 但最主要叫你快逃嘅原因係冇得休息 雖然做飲食都預左冇得唞 但壽司郎就真係得lunch係可以休息同睇手機 去廁所都唔可以攞手機 晚市多人嘅時候 可以唔比你去廁所 或者去廁所去耐少少 啲經理就會有微言 一企就企到收工冇停過 同埋啲舊同事通常都係啲煩到仆街嘅阿姨 明明大家都係做同一個職位又唔係上司 但都會對你指指點點 叫你幫佢做依樣個樣 不過好彩係我做個間嘅經理同店主都幾好人 人工真係比其他食肆高 接受到嘅話做幾月都okay嘅
好多規矩要遵守囉
瘋狂洗手
同埋日資 返工前都一定要叫口號
之前朋友去見工，填完表等咗30分鐘至見到主管，主管問有無做過嘢，答無，就即刻面試完走得，無請
每間嘅流程都一樣，做嘢好流水線，基本上新人正常一個禮拜三四日，好快都上手，我覺得麻煩啲係做清潔，不過慣咗都可以接受，OT係有錢計嘅，兼職按時數俾錢。我覺得其實每間分店唯一區別就係同事西唔西，飯鐘旺唔旺，如果你返油尖旺就一定做死你，兼職冇餐補，但係有車補
壽司郎話就寫無需經驗，其實你無做過餐飲經驗，一般店長、副店長都唔會請你。
聽講呢間每日返工前要嗌唔知咩口號😂 之前有kol拍咗條片，可以參考下😂