外公係香港出世，都可以講係上一代嘅正宗香港人
佢人生可能某程度上都係受英式文化熏陶，佢嘅生活習慣而家諗返都有啲有趣
仲記得佢一到下午4點鐘，佢就會準備下午茶，喺屋企入面有一個多士爐，係以前toast 完叮一聲嗰隻，將預先準備解凍咗少少嘅牛油，輕輕掃一層上去多士上面，同時又準備定一杯咖啡，英式坤士啊！還未夠，偶爾會從收音機傳黎Carpenters 嘅歌聲，多美妙嘅旋律
外公身形高且瘦，節日時都會穿上恤衫西褲，天氣涼點時，會穿上開胸背心，外面加上西裝褸，十足桌球手，如果大場合更會打上領太
如果你今天還活在應該差不多101歲了，念
依家過百歲而會聽 Carpenters嘅話，你外公都算係比較潮嘅人
我爸還在的話都是101歲。 我爸是個mechanic，修車的，但因應場合也是西裝筆挺的。 爸媽都是around 49年來香港的，你描述的生活是我從小到大的日常，週末不用上班我媽早餐也開茶。 出來工作公司都有tea lady開茶，早上和下午都有。 這是我這個年代的人的日常吧。
是的，不過那時無知，爸爸講時我發夢，不懂珍惜 🤦🏻♀️
公公以前做地盤
喺我有記憶嘅時候已經退咗休
佢日日都去冰室食下午茶
有時鮮油多，有時西多，有時蛋撻
配奶茶
堅持每日著恤衫西褲皮鞋戴錶
雖然窮、學歷低
但活得有氣質
我記得細個我阿公整親toast 俾我食
搽完牛油仲要加砂糖
我以為咁樣食係正常嘅
點知去到外國讀書先至發覺
冇鬼佬咁樣食Toast法㗎🤪
係，我家都係呢個生活教育。我阿爺個阿爺都係香港出世，我個年紀都做得阿嫲。我家如果食白粥油炸鬼係放假，平時係麵包同雞蛋鮮奶。無下午茶個日會週身唔舒服好似有野無做好，就算係一杯咖啡一兩塊餅乾都係要「有吃個tea 」，到我呢代依然係咁。仲有會有復活節concept，一定會過聖誕。去重要場合（包括去人屋企食餐飯，去睇場show )都係會執正自己。家裡會插瓶花，會有個玻璃盤放一些鮮果，甜品有甜品匙叉碟，冷飲用玻璃杯，熱茶有全套西式茶具，一絲不苟。
佢地有佢哋嘅生活節奏同品味，可惜呢種生活方式未必咁容易能夠傳落去
我家成員比較多散住世界不同地方的，我早年也常跑四處，我覺得香港人最大特色就很簡單那「完美中西合壁」，不完全是英國人生活習慣（當然佔比很高），也不沒了中國人習俗，而且不會單單是廣東（跟老廣東又明顯不同），很多上海人的老生活習性也被融化在香港文化中。這其實是非常有趣。現在說的老香港，其實也很多只不過是我這代50+後期所見。早年的香港，很多在歷史中流失了。現在大家很積極把「食品」廣東話在「承傳」，但是，生活文化呢？生活小習慣呢？
我見過以前過啲長啲輩係喜歡著西裝出街。
但生活港式style.
我細個由細睇到大嘅一位老中醫以及另一位跌打醫師。次次見佢哋都係著恤衫西褲蠟頭，著皮鞋
所以都好影響到我大個好堅持一出街就要企理，盡量著恤衫/有領衫
我公公都係！西裝+髮蠟😍以前佢識英文係啟德機場做，weekend就拎住份報紙同細路去粉嶺高爾夫球場附近食早餐。連頭髮都要搵上海理髮鋪🫢對生活好有要求既人
係喎，你唔講都唔記得，我嘅外公有把好似阿飛正傳嘅梳，好密嘅梳，之後佢會用紅色髮乳，印象中係好油好軟嘅
阿公舊時喺軍營幫手去學英文，之後去半島做 bellboy，同埋去咗D大班屋企做管家。
生活好有規律，對自己好有要求，高高瘦瘦出街一定會著恤衫西褲。
阿公留低嘅英式pound cake recipe 到而家我哋都仲整緊，真係好好食。每次整cake都會懷念阿公
啊! 你好! 我爺爺以前也是!!!! 如果還在生的話好像也一樣差不多1百歲了 (笑) 畢竟當時要跟外國人一起工作真的不多…… 他也一樣老年很會生活, 會自己煮紅茶﹑焗多士等等, 我也是從他學到很多西方禮儀, 雖然已經不在了, 還是很懷念他Q Q
他們生活好有規律，有自己節奏，自學英語（為生活吧），真心厲害
清明節係一個慎終追遠，懷念逝去先人的日子，緬懷他們的生活點滴和習慣，總是歡笑多於唏噓。
我阿爺都係 佢生前最鍾意食英國 Jacob 餅 送奶茶
小時候我阿爺出街仲會戴毡帽的；我老爸就衫褲都要熨的及一定要吃下午茶。
我父親也是很崇洋，經常去太平館飲咖啡食多士！我都學咗佢成日鍾意食下午茶☕️