📌 大家公司有冇啲偷情同
共 81 條紀錄
大家公司有冇啲偷情同事😂
我地公司唔算太大但都有3pair或以上的偷情同事
每一pair都係各自有伴侶
我地啲小薯就係每日睇佢地啲互動當飯食🫣
多得佢地我工作先無咁苦悶😂
Shit 琴日比我講完今日就少左1 pair😵💫
有個低調辭職今日last day
少左花生食添😮💨
以前有個算靚仔嘅中佬男同事，當時佢老婆有左2個月，有日佢department請左個後生靚女，2個星期左右就日日一齊返工放工用情侶杯同情侶錶喺後樓梯打茄輪開會偷偷拖手仔，但一直以為冇人知但其實好多人都知。
事緣係清潔姐姐同我地講佢地用情侶杯。而我坐佢地對面，所以我專登觀察佢地，有日我執嘢周到佢地喺枱底對腳撩嚟撩去。hr同事有日喺公司樓下見到佢地好似拖手。之後it同事幫出軌男整電腦見到佢開住個page係訂左間尖沙咀嘅房喺當晚，同一日我聽到二奶女WhatsApp 同佢條仔講今晚約左同事喺尖沙咀食飯。然後我地3個8婆互通情報就即刻約左嗰晚喺嗰間酒店附近食飯，目擊住佢2個拖住手入酒店。同一日我地3個各自同自己department嘅同事講我地見到乜，然後開始好多人都知。
而另一個男同事係佢嘅大同，呢個男同事老婆同出軌男老婆係親戚。
我地gossiping唔止要避開出軌男同二奶女，仲要避開大同男。
有日我地smoko緊嗰陣有個唔醒水嘅fg冇為意大同男喺上半層樓梯食緊煙，一輪咀講哂出軌男同二奶女頭先又拖手仔又偷睇到佢2個揀緊酒店同機票。
最後嘅update係出軌男搵緊關於離婚嘅嘢。
老闆食秘書，然後佢兩個仔當時好似係九歲同六歲上到黎公司好大聲叫: Michelle , 你係咪鐘意我daddy 😂😂😂
舊公司同部門個女同事（已婚有小朋友）好欣賞剛入職男上司（已婚有小朋友），有次部門男上司萬歲，男上司飲醉酒走返宿舍休息，我哋各自散，點知果女同事老公走嚟搵人，最后保安打電話俾我有冇見(果位女同事），嚇到我飛起食完飯都成個幾鐘喎，點知當我搵保安睇CCTV ，見到女同事係男上司宿舍房門口出，仲整理緊衣服😅有50 like有後續
MNC好撚多呢啲。。。。
試過出trip同有老公既同事扑野😂
兩位主角喺醫院做admin部門：
兩個喺大家同事眼中係所謂嘅
「好女仔」「好男仔」
出緊軌嘅男女主角各自都同另一半同居緊兼去到談婚論嫁嘅地步
出軌女個現任男友定期要出差 所以完全無察覺 每次返黎香港仲勁廿四孝日日由紅磡入醫院（起碼一個鐘以上車程）陪個女仔撐枱腳 食完再自己出返紅磡
出軌男就日日lunch time都會影相send俾女友 嗰個同事都讚佢好好仔 女朋友實好放心
其實出軌男女雖然唔同部門 但每日會準時6點一齊消失個幾鐘
出軌女直頭同出軌男講到明：唔會同現任分手㗎 因為現任對自己好好(. ❛ ᴗ ❛.)仲話就算結咗婚都會繼續出軌
出軌男嘅現任女友其實懷疑兼打過電話俾出軌女對質過一次 但最後都係成功俾死口唔認嘅出軌男氹返掂 又繼續行落去 依家傾緊結婚添
出軌男無內疚㗎 好享受繼續左擁右抱 話晒出軌女以前做過空姐靚靚女女 又一齊返工偷食偷到咁方便 無理由唔食呀
利申：渣女男朋友嘅朋友
要stalk佢哋其實唔難 香港好細 咁肆無忌憚 當人白痴架 嘻
以前有，有對男女各自有家庭，成日lunch一齊放工放假一齊
後來分左手，個女既搭上另一後生男同事，精彩過tbb既劇😂
其實仲有對類似，因為office大，多人又多部門，好容易搭上
日日冇野做就係食花生🤣
我有撞過 係地鐵月台 男嘅已婚做IT 女嘅做HR 撞見拖手 果下我覺得好尷尬 我仲掉頭走 但時候諗諗下 錯嘅又唔係我 點解我會覺得尷尬同掉頭走😂
有個女同事同拍拖多年嘅男朋友分咗手，之後就日日夜夜同個有女朋友嘅男同事傾心事，然後佢哋就好快撻着咗，個女仔話要搵地方搬，個男仔仲主動提出同佢同居，呢段期間呢個男仔仲同佢正印正常拍拖扮冇嘢，每星期仲會上個正印屋企過夜幾日，就連放大假都係陪正印去旅行，佢哋同居咗半年後，最後係個女同事嘅前度發現，然後話俾個男仔嘅正印知，後來仲發現原來個男仔仲有其他SP添
有 我完全唔理解點解佢地會咁光明正大
唔怕正印發現嫁咩🙂↕️🙂↕️
舊公司有婦之夫偷食隔離team有夫之婦 兩個成日返返下工消失成個鐘 (個女人住公司附近) 有日個男嘅喺公司group問<邊個係XXX(女人全名)> 原來係大婆發現咗仲要喺加拿大返嚟捉姦
跟住個男人就即時賠錢走咗🙂↔️🙂↔️
某公營機構Department head個女秘書，個女秘書有兩個女，老公做私人健身教練，黎公司無耐已經同部門head搭上。之後，部門head外調，佢下屬升上，女秘書又同新升個經理搭上，之後入職一年就已經好快升做senior。而家部門head又調返黎，但兩個男都好唔知對方同女秘書有一腿。
有個大陸女人靠結婚落嚟香港 然後黐住啲高才周圍刷存在感R金主 開頭未知佢食到我前老闆已經覺得個女人Kam 對唔同人有唔同嘅人設😂😂😂like 又北京人、又廣東人、又滿族格格 笑撚到我傻
其實無咩特別 又係嗰啲爆房比記者影到 老闆老婆同條女老公都敢怒不敢言🙂↔️主要係觀賞條女充滿自信嘅表演 到依家都仲係我快樂來源之一😽😽😽
完全唔識廣東話但扮廣東人真心好笑
問佢點解唔識廣東話就話去留學所以唔識
但英文又係一pat屎咁😂😂😂😂
好鍾意聽佢講嘢 每日都唔同 好fun
太多花生，尋晚到而家追唔切。我前公司都有花生，但我追唔切就又打唔切😂
我自己就冇故仔。但以前舊同事既時任老公就係舊同事好朋友既前任老公。最正係，佢地3個當時仲可以keep住聯絡😂😂😂跟住舊同事生左小朋友，認左好朋友係契媽🙌
以我既記憶，舊同事做左對方第三者冇一年都有半年。點解我地知，因為果時成間鋪同事都有見過呢個所謂男朋友，係有帶過正印黎嘆咖啡仲話接舊同事收工一齊去玩（鋪頭近老蘭）。玩下玩下..就從兩個人等收工變一個人等收工😂仲要從客客氣氣到拖住手仔走，正印從此冇左影！跟住隔左成年幾兩年，正印先上返水，仲要同舊同事有講有笑，我地個嘴賤男經理果時仲串舊同事：點呀？宜家到佢搶返你條仔呀？
舊同事果時先講出豪語：唔係呀！佢地離左婚喇！宜家佢黎係約傾我同xx結婚既plan咋！
我屌！！我地果一刻先醒覺，原來對方從前唔係正印女朋友，係正印老婆😂😂😂😂
好記得我同男經理果時候聽到真係O撚左嘴！！！😮😮
有，2個各自有家庭, 試過喺公司大打出手🙈 之後續繼返工
唔算大都三pair!
係咪ABC三個，咁樣三pair:
AB
BC
AC
🫣
之前公司老闆同佢秘書好明顯有路，我嗰陣時仲信咗個秘書講佢絕對同佢老闆係冇可能，仲話個老闆樣衰。
個個同事都話佢哋有路得我一句話冇乜可能唔肯信。
之後見佢哋每朝前後腳到，一齊出差嗰陣時我自己一間房，佢哋話就話分開房瞓，但係我幫個秘書搞收據嗰陣時就淨係見到我間房同另一間房，即係佢哋一齊瞓？？慢慢慢慢就開始將信將疑。老闆另外開咗間細公司，佢秘書成日拋低大嗰間公司走咗去細嗰間公司嗰度打理。
最後係公司啲親戚講返俾我聽，秘書之前大時大節都會去同佢哋成家人一齊食飯。
我嗰陣時仲話咁老闆個老婆都喺度啦，冇理由可以一齊食到。所以應該係冇嘢嘅
之後真係確認咗係因為老闆忽然之間高調咁同一個奀星拍拖，秘書係停晒之前同老闆一齊做嘅嘢，佢最尾轉咗去幫老闆呀媽做嘢。
我出左黎工作20年, 如果我將周邊的同事, 老板, 同學, 朋友以及他們的圈子所收集到的個案, 應該可以出到一本好厚既書. 淨係我工作嗰間幾百人既集團, 已經亂到七彩. 有人又會互相交換玩. 好顚.
隔離department個男中層同個女基層地下情係7樓到19樓都知嘅公開秘密
我仲試過星期六下晝返office途中撞到佢兩個膊頭貼膊頭咁一齊走
後來佢哋department有同事過咗嚟做
大半年大家熟咗之後 佢講俾我哋知
原來個男人一直都有老婆 公司嗰個係偷食對象
之後仲開個男ig俾我哋睇佢老婆個樣
我第一個反應係
：點解個情婦個樣生得咁似大婆
因為佢老婆個樣後生同靚過個女基層好多
女基層睇落係一個肥嘅auntie
而佢老婆就係正常身形 35歲左右嘅女仔
新同事話 佢哋department每個人都知個男人有老婆
但同時又每個人都當個女基層係佢條女
有 仲要光明正大出雙入對
老細大婆二奶 3個都同公司
老細仲要升二奶職
仲要見到大婆同二奶有講有笑做到朋友
呢個世界無奇不有😂
做學生個陣，成日都覺得某d男老師同女老師一定有d嘢
大個咗出嚟社會做事，見過有同事食同事另一半🙄
唔系公司，but学校教授，佢同佢个学生偷情（两个人都各自有家庭），相约离婚后再结婚，学生离左婚之后，教授反面唔认，学生就持刀上佢office捅左佢几刀，最后冇生命危险并且和解。
以前公司有，有婦之夫搭上有10年男朋友之女，突然撻著，去埋日本旅行，著情侶裝返工，重要lunchtime 去開房，食完飯返黎頭髮濕哂，扮哂無野話出面好熱，所以去咗salon洗頭，但一個星期有3-4日都係喎，咁熱咩，哈哈😆 另一對係各有家庭嘅鬼仔鬼妹，男嘅太太重剛剛生咗bb，2個又係打得火熱，以為我見唔到，行轉背入會議室打車輪，我就特登開返房門話轉頭有人用，請盡快離開，男嘅扮無野話ok，女嘅嚇到行開扮講電話，笑死我🤣🤣
有！
有個四十幾男同事 有老婆有仔女 一野偷食隔離team後生90後女同事
老婆知道左之後癲左 打哂電話去公司唱衰女同事
最後男同事同老婆離婚 女同事自動辭職 男同事繼續拼博佢事業
舊公司HR 男上司同女下屬偷情，男上司老婆以前都係同部門，仲識得女下屬，而女下屬男朋友係同公司 Acc 部門🤣 最後男上司同老婆離婚，女下屬同男朋友分手，幾年後女下屬同第2個男人結婚，女下屬係公司sell 純情天主教徒🤭
以前有份工，人人皆知既有3對出軌男女，1對女既剛結婚，男既單身，女既天真到想為左男既離婚周圍問人意見。
第二對男女各自有同居談婚論嫁對象，玩左一年個女既突然見肚聽講4個出黎對左質，最後出軌男認左投同出軌女結婚生仔，男既本身高大靚仔結婚後變左核突大叔。
第三對女既單身男既有個好好女朋友但無同居，女既當時18-20，男既起碼35-45，見住佢地玩玩下玩埋番屋企，條女日日都係度好似曬命咁話比人食左，但男既就好想收埋，最後男既同本身女友分手同左條靚妹一齊，好似無幾耐搞大左後續大因為佢地太嘔心無再跟落去

有, 舊舊公司, 個已婚女上司介紹左個細9年既小鮮肉入黎做.
成日搵藉口出雙入對。
小鮮肉後來失戀, 成班人一齊賠佢唱k 飲酒. 亞姐就乘機又攬又錫, 最後成功攪上小鮮肉 , 仲同老公離婚, 但小鮮肉一直都無同佢結婚, 只係利用亞姐向工作上幫佢升職, 同分晒d 野比人做, 自己就打機, 後來間公司執左, 唔知佢地後續如何勒！
有2對
第1對本身我唔知係偷情開始
我入左公司冇幾耐男方就離左婚 到第2年年底就宣佈同女同事結婚
之後有前輩語重心長咁叫我哋千祈唔好問人點開始幾時開始…
又有個同事話有個客話曾經喺車站度見到佢哋欖埋一齊 問佢點解🫠
（男方前妻 據聞以前好恐怖 育兒放棄同男方瞓醒會發現隔離有把刀咁）
第2對就全程睇住🌝
男方已婚 女方入職派左去男方dept當男方師傅咁
成日都成雙成對出出入入
女方放工男方又會跟住走
女方去韓國男方又會去韓國咁
而家2個都resign左 男方離左婚 好似同居緊
啲故仔精彩過tbb劇情，睇黎專一既人好快好似恐龍咁，絕曬種
副業既事情：
有個上一級既男同事，一直以為佢同一個女同事（同佢同一級）係夫妻，而呢個女同事生完仔之後返到黎，呢pair同事都唔係幾好老黎咁。突然間個男同事無啦啦發我癲，我起正式寫信投訴佢之前，想確保無殺錯人確認一下佢地係唔係夫妻，呢位男同事發癲係唔係因為育兒壓力。點知得返黎既結果係：「假夫妻，只有起公司既夫妻」😂⋯⋯我好在意個BB係邊個既。但我結論係無咩事減少同呢級人所有接觸，真係亂到呢….btw 男女都係唔可以叫靚仔靚女既人
之前有人同我嘈咩無拖拍結唔到婚既人有問題，人生閱歷多左，發現個事實根本係「有問題既人先會拍到拖同結到婚」😂😂😂😂😂
……用「普通樣」黎形容已經好比面。😅
理解唔到，乜人類真係有咁多情感需要咩？
你懂我😅😅😅😅
佢哋似係玩玩下咋嘛 唔算「需要」 其實同邊個玩都一樣 just a game
好恐怖啲人，其實未知真相之前我覺得男女都幾老實幾好人添，唔係點會郁手之前了解清楚…所以超shock.
所以避免捲入無謂既是非我有殺錯無放過全部人隔離，連招呼都唔打，當睇唔到咁處理。
我無見但聽過
上司同下屬出地盤巡，兩個坐公司車後座，被司機係倒後鏡見到佢地拖手！仲會係某個位一齊落車扮去巡地盤（果度邊有）個幾鐘後先返黎！
後來女主大肚……默默離開間公司，但個肚唔知係邊個經手，因為女主自己都有男朋友！
前公司跟前前公司都有偷情的男女，前前公司 男的已婚有個女， 不知怎樣跟公司一個女搭上，有日男方太太剷上公司等男方搵女方，嚮門口𠝹手 成地血，mgr 報警送太太去醫院。 男方最後離左婚同公司個女同事同居，男女相差1x年
前公司就就比較普通，雙方都有 穩定交往象，而且交往左10年 偷食ge雙方最後結左婚
某會計師樓女審計服務主管知道男同事有未婚妻，仲不知廉恥引誘男同事，男同事離職前成日出雙入對，用大肚搶咗個男，最後聽說流產，公司同事都傳喺報應
以前舊公司男會計同秘書有路，兩個都喺有另一伴同小朋友。佢地喺公司扮到好低調咁，但做嘅嘢勁明顯。
例如襯老細唔喺度，兩個一齊食Lunch 兩、三個鐘先返嚟。男會計成日唔喺位原來就入咗秘書房。佢哋望大家之間眼神好含情脈脈，熱戀中嘅情侶。見過秘書同個男傾計喺零隔離，一個手踭位距離都無，勁貼身咁講嘢。
聽過有人係新公司同人望多幾眼，一星期內就whatsapp 對方去開房。兩個都係婚內出軌
有，試過喺IFC撞到，佢哋即刻彈開，我扮無見到佢哋拖住，點頭微笑走開
舊公司老闆有婦之夫同同事好多年啦 兩個成日前後腳返工放工 。日日如是 慌死冇人知 食飯又一齊撐枱腳 。同事生日食cake 時 。小三同事就會同 舊老闆 share cake cake🤮🤮. 只有與大婆同場 。小三同事就永遠離遠坐 。