📌 大家好 我是will
共 64 條紀錄
大家好 我是will🤠
人在日本扮旅居已經差唔多一個月
呢幾個星期日本新聞頭條
唔係美伊戰爭
而係京都有個11 歲男童安達結希
喺上個月23號畢業禮果日至今下落不明
而且每日追落去 件事走向亦越嚟越詭異🤯
以下係目前幾個重點：
1. 消失於校門前
3 月 23 日畢業禮嗰朝
爸爸（繼父）話親自開車送佢去學校
喺離校門得 200 米嘅停車場放低佢
點知佢根本冇入過校門
CCTV 亦影唔到佢
完全冇人見過佢
2. 離奇現身嘅「乾淨書包」
失蹤一個禮拜後
親戚喺離學校 3 公里嘅山路搵到佢個書包
最奇怪嘅係
嗰個位警方之前已經搜過唔止一次
而且書包竟然係「完全乾淨」
冇淋過雨、冇泥污
好似係有人事後特登放喺嗰度咁
3. 校方反應遲鈍
老師喺朝早 8 點半已經知佢冇返學
但竟然等到中午 12 點先通知家長
呢 3 個幾鐘嘅黃金時間就咁浪費咗
4. 搜救擴大到住屋後山
警察由前幾日開始
突然轉咗去男童屋企附近嘅山林同埋別墅區
做大規模地毯式搜查
仲封鎖咗現場
係咪警方掌握咗啲咩不可告人嘅消息
5. 最新消息
警方拎埋啲剷上山搜索🤯
唉
仲未有結果
但睇嚟都係凶多吉少
個人覺得佢繼父非常可疑🙄
首先 佢同失蹤男童媽媽聽講係新婚不久
原本諗住一家24號出發去台灣旅行
但係聽講喺 3 月 23 日（事發當日）朝早
呢位繼父向公司請假
理由係「家裡有啲事」
然後佢聲稱 8 點放低咗結希
但 10 分鐘後抵達學校嘅其他家長表示
成條上學路得一條
佢哋完全冇見過結希
點都好
希望小朋友只係匿埋咗
可以無事出返出嚟🙏🙏🙏
我都有留意呢單，個爸爸好大嫌疑，一開始就話車個小朋友，喺一個完全無cctv嘅地方比佢落車行返學校
日本果邊吹緊個繼父係中國人，但又話計劃去台灣旅行，究竟個繼父係咩人？
我喺英國學校教，佢哋safeguard係做到如果學生遲到點名，一分鐘都好都要即send alert email，然後同事會即刻聯絡家長監護人
唔知有冇人諗起以前香港單大角咀弑親案
兇手殺完自己父母走去報警同報東張
個人都覺得繼父好可疑，但感覺如果繼父有問題，佢媽冇理由唔知🤔
同埋其實好想知搵到書包既「親族」係邊位，好似冇講過咁
我都覺得係佢繼父，根本就從來都無學校放低佢呢件事，可能一出屋企門口就直接帶佢去山邊殺咗
希望佢只係收埋咗佢，小朋友可以平安返嚟
我都覺得無，同埋家長過沿路都無見過車同人
因為係單程路，所以有出現一定會有人見到
如果係假期果3日出事，老母一定有份，個仔失蹤點會冇反應，如果係23日先出事，個老母有可能係唔知情，唔敢下定論，但個人偏向3日假期時已經出事，要掩埋咁大個人，朝早4個鐘未必有機會做到。
4月8日拎咗行車紀錄儀，警方回應新聞都係講，唔會有可以透露嘅資料，而唔係直接話冇進度。
係啊
成件事我覺得已經係向緊事件方向發展
警方好似好多嘢唔透露
總覺得日本警方做野好冇效率，車程距離1個鐘嘅木津市，發現有車入面燒焦、未知年齡性別的遺體。2日啦都未知性別，年齡估算都冇。聽聞平均每位法醫要負責20個都道府嘅工作，睇嚟係事實。
明顯繼父有問題，啲垃圾日本警察就一味喺度拖。
捉番去通幾晚頂逼供就實爆曬出嚟啦，真係on999。
又唔係第一次發生繼父/母嫌啲細路阻頭阻勢就搞掂咗啲細路。
反而想問點解日本警方要查咁耐先查到去繼父個度？
其實X上面（普通市民）一直已經覺得繼父好可疑，但偏偏警方就唔向繼父個邊查🤔
有咁大段時間繼父已經可以將所有證據毀屍滅跡
我估：
呀媽係兇手
繼父埋屍/掩人耳目，例如事後放個書包喺山
最後條屍一直喺屋企收埋，23號前已身亡
其實好簡單可疑2點都仲未講
1:有冇記錄到小朋友真係上咗車，同埋架車係咪真係去咗所謂嘅盲眼位？
2:深山背囊本身好似話係親戚發現，但係後尾睇返所有報道好似係話搜救隊搵到的。
Btw如果真係親戚發現嘅話，點解親戚會去咗嗰度搵人

我刨咗日本新聞，1）4月8日繼父親母提供咗所有行車紀錄儀影像，但之後警方回應記者就話：冇可以透露嘅信息。2）書包係黃色嘅，係家屬發現喺一面斜坡度通知搜救隊。個書包乾淨冇濕冇血跡，前一日落過雨，所以係人為放出嚟，有前刑警指係想誤導調查位置。
咁個旅行trip可能係原定殺人計劃🥶 但唔小心提早咗
係台灣殺完人再返去香港都唔駛坐監，唔知返日本駛唔駛喇
https://youtu.be/6em_2Nnu7AU?si=hX8D1wlydT3oThjM
根據睇咁多凶殺案嘅經驗
屋企人一定係兇手 尤其是係繼父
睇翁靜晶新片講舊case 感覺動機會幾似 有可能繼父覺得油艇仔阻住佢同老母感情生活
疑點 係繼父自稱朝早上小朋友返學
但沿途無車經過影到
附近商鋪都無？
咁繼父一定行過幾條路線frim邊一條係無cctv
另外 個老母同繼父12月已經有左bb
呢個都有可能係觸發點之一
睇日本網民喺度講個繼父係中國人，唔知真定假🥲🥲🥲仲要好似平時係自己搭校巴嘅，又會係嗰日咁啱送返學。
繼父好可疑呀
日本小學畢業典禮會有父母出席嗎？
如果有，為何請了假又不出席
應該係繼父做嘅！但未必係後山，因為個書包完全乾淨係引人去個度搵！
今日睇到有日本網民講繼父之前做嘅工作係要整啲設施嚟分解野生動物
即係骨頭同內臟都消失得一乾二淨
好大機會係個繼父。。。。 不過唔知個媽咪有冇份隱瞞
繼父啦。。基本上10成係佢。。只係而家點令到佢講邊度埋
3月20-22 係日本假期，可能係依段時間落手，趁返學日子扮失蹤
媽媽都有可能，應該唔覺意殺左。。。。。再講大話話失踪
架車冇cam? 如果落車向前行實影到，同有車內對話
我有留意呢單新聞
上個月報警嗰時以為好快會搵返
點知老遠搵得返個乾淨書包
呢幾日見到日本電視台好多新聞報導警方派多咗人喺附近山頭搜尋
但宜家都仲係未有消息
希望小朋友冇事就好
應該用香港既手法，由佢後父出門口果刻開心check cctv應該會睇到啲野。