大把細個欺凌人嗰啲人最後變身做社會頂流， 畀人欺凌嗰啲因為心理創傷，最後搞到大左一事無成。
見過太多細個畀人欺凌大個好慘 ，但係細個成日欺凌人但係大個事業有成好幸福嘅人， 甚至做咗社會嘅精英階層， 香港嘅中上流階層，就係呢班細個欺凌人嘅人你話好恐怖？
所以人類社會係永遠都唔會變好， 因為個社會對衰人嘅容忍度實在太大，對好人嘅保護實在太少， 調返轉你做好人去保護被欺凌嗰個，都一樣會畀人欺凌。
細個全班都欺凌一個女同學， 最後得我同佢做朋友， 佢亦都唔知點解好鍾意接近我， 我哋會一齊傾計，一齊放學。
嗰啲同學會改好多花名畀佢同我， 不過大過咗都唔知佢而家點樣， 最後好似都係好慘， 成長的天空都幫唔到佢， 以前小學又未興社交媒體， 畢業咗之後就等同係永別！
同埋長期被欺凌嘅人，通常有一個問題就係連佢屋企人都唔支持佢 ，甚至佢哋喺屋企都係畀父母欺凌嗰啲人， 包括唔同嘅言語暴力情緒勒索 ，或者有兄弟姊妹嘅就會偏心。
連屋企人都唔幫自己， 咁出面嗰啲嗰一班豺狼就更加有持無恐， 其實學校就係社會，只不過成年人通常隱蔽同埋唔係咁直接， 小朋友只不過係將現實成年人內心嘅黑暗直接釋放出嚟。
唔可以天真咁幻想世界上 啲人都係善良嘅 ，實際上現實社會同網絡世界一樣大部分人都係好自私好無情， 上網睇資料香港幸福家庭嘅比例都係十分一，就已經知道 其實好多人心理根本唔健康，就算係親人都未必無條件幫你。
愛情友情親情如果都講條件 ，真係唔知係咩恐怖嘅世界， 但係我哋亦都要學識自強， 既然唔可以期望其他人善良，咁唯有識得反抗同埋保護自己囉
最後就係畀人欺凌嗰啲，十個其實有至少七個都唔係大家諗嘅本身都有問題或者好衰嘅人， 當然有一啲人本身都係自己有問題的確係事實。
但係我發覺其實好多畀人蝦嘅人， 佢哋只不過係太善良或者某一啲習慣同其他人唔一樣 或者生得太好睇或者唔好睇，都會畀人蝦。
真係要欺凌人，乜嘢理由都可以成為理由！
好多人真係唔明，有一啲人佢未必係弱者都會畀人蝦， 應該咁講佢係叫做屬於唔同， 古靈精怪 。
人哋冇直接攻擊佢，但係會排擠佢笑佢， 但係佢都可以原諒嗰啲人 ，衰啲講句係有啲左膠大愛待人， 但係佢哋唔係你想像中仇恨世界嘅弱者，反而好積極咁樣繼續生活。
如果你睇第五集哈利波特露娜羅古德就會明， 小學見過嘅自閉妹就係類似咁嘅， 佢哋唔係軟弱，係根本唔在乎嗰啲人所謂欺凌， 佢哋會喺自己嘅世界入面，佢哋唔識表達情感，但係其實又好好人。
連啲話幫人既NGO
包括社工
都帶頭欺凌人啦
自己就攞5，6皮以上一個月
再叫班弱勢社群幫佢哋做低過最低工資既工作/賣旗
美其名係幫人
實際只係利用佢哋呃飯食
衰啲既直頭言語暴力欺凌恥笑玩9求助者(eg童樂居)
都唔係, 好多欺凌霸主都係社會低下階層。至於被欺凌, 真係要自己識爬起身, 冇人一世都陪到佢地, 呢個世界亦唔係烏托邦
大把band1學校都會有欺凌，亦都有好多欺凌人嘅屋企係有米。
低下階層欺凌人嗰啲，係因為佢哋欺凌嘅手法太過直接，同埋冇好勁嘅父母撐腰，所以你先捉到佢。
真係中產以上嗰啲人欺凌人係好陰濕嘅， 佢哋唔會咁蠢直接打你，係用好多唔同嘅方法去整蠱排擠， 有時候可能老師都覺得只係玩玩下 又或者唔想得罪佢哋家長，而 去放過佢哋。
佢哋大個咗唔係做醫生就係做政府， 或者做返老師本身！
我更正返, 我意思低下階層唔係講父母, 係佢地而家。不過講到屋企都岩, 其實band1a 係多呢種由父母都小朋友層壓式既欺凌。我慶幸自己係band1c 冇見過。所以見到欺凌既人都冇好結果。
最後想講唔好認為你報左比老師聽會幫到你幾多, 我寧願教我小朋友還手, 我沒見過老師教訓壞小孩直至唔再出手。
沒錯，基本上校園欺凌，老師係唔會企喺被欺凌者立場
佢哋就算唔係明顯偏幫欺凌者，感覺都好似嗰啲中立撚咁樣， 懶係想大事化小，但係實際上蝕底嗰個就係被欺凌者
有時候靠老師，不如自己自強直接反擊， 但係最慘嘅係當你反擊嘅時候，欺凌者就會話你打人話你欺凌佢，然後老師就會罰你
所以反擊都要醒目
打架係兩個都罰😁 要教佢地還手, 我都曾經比佢地盯上, 敢還手只少唔會對你繼續動手
只能講現實社會弱肉強食 制度幫唔到你幾次或者幫唔到你 操拳健身還拖係必須
我係男人就話啫 ，咁啲女仔點樣？
而且有好多欺凌其實唔係直接暴力
我喺學校俾同學排擠，喺屋企又俾老竇嚴重打壓，媽咪又處於無助(佢都係俾我老竇打壓)，同時亦遭受到親戚嘅冷嘲熱諷。
當年排擠我嘅賤種同學，有人做(黑)醫護，有人嫁鬼佬，有人做保險做到風山水起，而我工作不順，亦冇朋友，更冇拍過拖。
中小學啲老師都有份欺凌我，佢哋反過嚟話我「排擠同學」。
因為自細都唔感受到愛，所以我變得冷漠無情，獨來獨往。
陪着你呀
多謝你咁有勇氣話俾我哋知🫂✨️
有需要可以過嚟我主頁個度，睇下個tg chat link，一齊過嚟傾計抒發感受
樓主 我唔認同
有否被欺凌 同埋一個人係社會上有咩成就 冇絕對的 我明你嘅意思 可能係覺得被欺凌嗰啲人因為由細到大嘅自信心不足 所以出到嚟做嘢都比較鵪鶉（自然做唔上去…）
但你諗吓仍然係有好多被欺負嘅人 後來因為堅毅 承受困難嘅能力比人強 所以做到上去🫶🏻🫶🏻
咁呢一班人又代表啲咩呢？
傻啦，爛制度下嘅好人一樣係邪惡。一隻手掌拍唔響，你咁驚俾人罰，仲妄想自己係善良嘅，會有好報嘅，根本就係自欺。
首先，好人同弱者係兩回事。其次，比起好人或弱者，我依家覺得幫自己先係最緊要。
但係兩樣嘢確實可以重疊係一個人身上！
有啲人唔係唔敢反抗，佢哋係太過為人著想， 有少少太大愛， 唔肯對嗰啲人恨。
所以我都唔明 ，點解嗰啲人可以容忍？
不過其實亦都可能係因為 ，佢都費事睬嗰啲 無聊人？ 有一啲自閉症佢有自己嘅世界同埋佢哋好聰明 ，根本就唔會理嗰啲無謂人， 唔係真係暴力欺凌嗰種，其實佢地唔會理嗰啲人係好正常。
你亦都冇可能因為人哋排擠你或者講幾個花名就打人。 調返轉反向無視佢哋可能都係一種辦法。
不過留言區好多人對欺凌嘅理解好片面，好似以為我講緊淨係得打人嗰啲！
依個世界變壞，就係因為濫好人太多。如果多啲勇者，敢去反抗，世界就有得救。
咁我都幾肯定嘅，中學有一班mk仔， 聽講係入黑社會
但係通常坐監嗰啲都係最愚蠢嘅欺凌者， 即係直接打人嗰啲， 陰濕詭計嗰一啲通常就唔會
唔好等咩善惡報應，自己戰勝恐懼，做人生難關嘅勝利者更實際
質疑緊現世報係咪唔適合用係香港人度
Btw人在做，天在看
若然未報，時候未到
欺凌者一定有報應
咁你咪做高級過欺凌者嗰個Position欺凌返佢
本身人類社會就係淘汰留強弱肉強食,打從原始人時代已經係咁。
偉大的Trump就完美示範左俾你睇，世界上邊個拳頭大就係邊個話事，公平只係弱者攞黎做逃避的籍口
個社會係咁㗎啦 嚟嚟去去都係嗰個規則
喺小學有用嘅 出社會會更加有用
你小學有返啲良心唔玩隻game
但你出嚟做嘢有份糧你玩唔玩啊？