📌 好想知係咪得我一個後
共 83 條紀錄
希望呢個po某啲留言都會安撫到情緒不穩嘅新手媽媽，大家一齊努力捱🫶🏻
如果你係啱啱生完我真係要幫你打下氣，因為呢個階段對我嚟講係最艱難。唔生小朋友當然唔使辛苦，但同時亦都體會唔到嗰種開心
大癲，發現喺呢個po留啲好極端言嘅人佢哋喺其他po留言都係特別厭世撩交嗌😂除咗表示認同之外都唔想曬口水同佢哋爭論，希望佢哋無生小朋友喇！
生b 衰撚過破產
破產捱4年又一條好漢
生b 好似怨魂野鬼纏你一世
好命就報恩 唔好命就報仇
睇你前世做過咩嚟😆
唔係呀，不過唔會個個都咁勇敢講出嚟，所以你只會見到好多人話生咗bb好開心，然後呢個假象又呃咗好多人去生bb，覺得生bb先完整。
You are not alone
初生個時：後悔
見到成個ig啲都係啲朋友周圍去旅行個時：後悔
好想放假可以耍廢既時候：後悔
呀囡望住我笑既時候：唔後悔
呀囡好努力咁用奶音講嘢：唔後悔
呀囡叫媽媽個時：唔後悔
見到佢又unlock新技能：唔後悔
總結：間中會有一絲後悔，但整體而言冇後悔🙂↕️
我係男人
我後生嗰陣唔鍾意細路仔。
有咗小朋友我開始鍾意自己嘅小朋友。
後來鍾意埋人哋啲小朋友。
你睇到佢長大會越嚟越想佢健康快樂。你而家嘅諗法會慢慢變。就算而家幾焦慮都要記住只係暫時。
你數下人生有幾多件大事（係真係影響一世嘅大事）係覺得完全無後悔無㨂錯，你數到10件我話你叻，人生就係不斷後悔不斷迎難而上，你問到個話無後悔生BB嘅媽媽真係唔難，你要搵個睇住小孩成長到老至少50年黎都一句怨言都無嘅媽媽就真係難，所以後悔生BB就好似將來仔女激心時歌句「生舊叉燒好過生你」一樣咁平常，唔使咁介懷，人生會後悔嘅野又點指咁少呢
我有一個小朋友。初生嗰排，無數個無眠夜晚，我真係好崩潰，完全唔知之後嘅日子點樣捱落去。但原來時間好快過，好快佢就識自己瞓天光，好快就識自己食飯，好快就識自己行路。到你發覺嘅時候，就會想好好珍惜同佢一齊嘅時光。
所以我成日諗，人生每一個決定都有取捨。選擇生小朋友，放棄咗自由自在嘅生活；選擇唔生，就體會唔到養育下一代嘅家庭樂。每條路都有人後悔，但同樣每條路都有人覺得值得。關鍵係，當你行咗上去，就試吓望返嗰啲「好快就過」嘅美好時刻。
如果揀唔生，最多老左後悔冇生小朋友。
如果生左大把野後悔
可以後悔自己冇多D陪佢，後悔冇比佢更多物質同教育，後悔管得太嚴，後悔疏於管教，後悔發脾氣鬧佢
做左父母先發現永遠覺得自己做得唔夠好
所以成日會後悔
呢幾年社會氣氛係差d, 少d睇新聞, 多d同小朋友相處會開心d
跟住吾生嗰啲去到70歲咪又係覺得
自己好孤獨冇人理 跟住又後悔冇生
其實揀邊條路都會後悔
唔好美化冇行個條路
行咗落去就唔好後悔
行好佢等自己無悔
呢個係我嘅諗法：
唔生 10年後已經生唔出 呢個後悔係無得返轉頭
生咗 後悔 捱多18年盡責後 又一條好漢 到時供好佢讀書 叫佢咪再煩我
🤣
我！我小朋友好得意又乖，但我鍾意自由多啲。小朋友病又要擔心，學業又要擔心，好煩。AI 取代好多工，生㴝托咩？除非好有錢啦，我真係勸無乜錢嗰啲唔好生。
稍為有啲良知
會知道生bb係一種自鳩私行為
除非你好有錢可以留好多錢比你仔女享受
咁就可以蓋過呢種自私
我覺得後悔暫時冇咗自由應該喺每對湊初生嘅父母嘅必經階段 特別喺每個崩潰的夜晚1🥹
但見到佢（被迫）成為自己唯一小粉絲又覺得好幸福 同bb多啲玩唱歌睇書見到佢笑騎騎幸福感🆙️🆙️
眨下眼就識行識走頭也不回講byebye 加油🥳
唔係 好多人都後悔
主因係無諗過生左小朋友咁困身
仲有太細個時唔係平時同朋友相處咁輕鬆
所以香港好多父母係生完先發現理想與現實係咁大分別
我曾經聽過朋友問：
生左係咪好似我平時養寵物咁每日陪佢兩個鐘 其他時間佢哋識自己玩？
除非你好放得開交底俾工人/長老湊就會輕鬆好多
頭一年係會架，好似攞苦嚟辛咁，明明之前放工可以hea到訓，放假可以訓到自然醒😵生完呢幾年每日就係服侍個公主😂😂
不過一歲之後佢開始慢慢變成一個人，多左好多快樂既回憶就無再後悔了，比多揀多次都係會生
加油，到佢地五六歲嘅時候，就舒服好多，我女而家六歲，放假我地周圍去，我陪佢去公園，佢又會同我行旺角買衫🤣去high tea 影相，好似同個fd出街咁，好開心wor！
一啲都冇後悔，只係想時間過得慢啲，我老得慢啲. 陪佢多啲
我只會後悔同個女老豆生，呢個男人唔適合生小朋友！唔適合做老豆！唔適合做老公！
但我愛個女🤣
10月就5歲，感覺仍好漫長
如果經常淨係睇到自己失去d咩，你做任何一個決定，都會後悔。相反，如果學識睇到有咩得著，做人會開心好多。
呢樣野唔止生小朋友，任何事都可以套用落去
正常嘅諗法
培育一個小朋友係好難好難
但既然生得出 就係自己責任
不完美但盡力就好💚
讀小學先開始嚟料，跟功課，温默書 温測驗，温考試！
自己無啦啦重讀小學！嘔血噴血！
個個3月尾4月去睇櫻花 ，11月去睇紅葉！
你 ，温書啦！
後悔 因為Bb只係痴住佢老豆 未生前以為會好唔得閒但原來唔會 又以為會生左個好愛我既人點知會只係攬住佢老豆
羨慕 我老公得紅日多啲時間陪到bb
平時我都係247湊🫠
我幾乎每日都咁唸，點解要結婚生仔，但個女一攬住我，我又覺得有佢真好
damn…好沉重嘅話題，hope you're doing fine🥲
我覺得個世界變得好痴線（小朋友10歲，當時唔覺） 。如果早d咁痴，就唔會生 ！
不只香港，全球都顛左 ！
得閒吸下個b，我覺得生b唔會後悔，你應該係岩岩生，最辛苦係剝奪你睡眠
我講，後悔既係…生佢之前唔做多d自己想做既野，同做到自己返工個位係無咁易取代。
懷孕前後岩岩發展緊d生意，但無諗過生完4-5個月都唔可以落返手做。畫畫都半停狀態。
返正職就俾老闆轉左去做其他自己唔太喜歡同識做既野。返到去樓下十幾個人跟我既轉哂俾人。個下咪有覺得生小朋友要咁咩….
我都有段時間有啲後悔，大概係阿仔2、3歲時，真係成日崩潰。我仔已經係朋友口中嘅天使寶寶，但做阿媽始終係好多嘢要照顧、擔心、安排準備，回不去🫠 不過有時會後悔係因為我用心做媽咪，我有工人，大可以俾姐姐湊，但我都好多嘢親力親為又高要求，所以先後悔。
多啲探索 搵啱自己做媽媽嘅方式都好重要，俾其他人湊而令自己舒服啲、提高親子時間嘅質素都得㗎，最緊要自己舒服！
如果長老鍾意湊 都可以有啲時間俾佢哋湊啊，不過好多朋友嘅育兒觀念同上一輩唔同 反而多拗撬
新手老母 無陪月無工人
啱啱捱過咗餵夜奶階段
暫時未後悔仲好幸福☺️
無話後唔後悔既，只係我唔識做人阿媽，亦做人阿媽唔係咁啱我
生小朋友之後幸福感滿滿！
只要有一日唔使勞氣都已經感到非常幸福！
食到一餐飯唔使勞氣又會覺得好幸福！
幸福嘅門檻會因為有小朋友大大降低！
佢戒到夜奶，但一甩奶嘴就喊要食返，我啲睡眠係咁中斷好辛苦🫠
我呀妹都成日喺度話後悔
不過個囡有時攬住佢話好鍾意媽咪，好掛住媽咪，你又會覺得乜都抵啦
我係後悔結婚多啲， 生左b 我老公好似神左甘， 日7 日就話乜乜對個仔好， 又成日罵9 佢
不如直接打去搵專業人士開解下你？
聯絡社署綜合家庭服務中心：
打你居住地區的綜合家庭服務中心（Integrated Family Service Centre），講明情況，社工會評估需要、提供輔導，並幫手轉介住宿服務。
你可以先打社署熱線查詢地區中心電話：2343 2255（社署24小時熱線可作初步查詢）。
保良局相關聯絡（但唔可以直接送）：
新生家（緊急兒童住宿，銅鑼灣禮頓道66號）：個案轉介熱線 2882 8787（可由警方或社工轉介）。
嬰兒組（0-3歲）：電話 2277 8194（只接受轉介個案，一般查詢用）。
保良局總部：2277 8888（可問點樣轉介）。
強烈建議：即刻打電話求助，愈早愈好。社工係專業人士，會保密同以BB福祉為先。你唔係一個人面對，香港有好多家庭支援資源。
如果偶有呢種念頭都正常
始終照顧嘅路上一定有好多困難
但長期都帶住呢種情緒就要小心
會唔會係自己太緊張？ (唔食嘢？唔夠瞓？唔讀書？)
可能有有啲位放鬆少少 唔好太執著
大家都舒服啲
小朋友有時都需要自己面對佢自己嘅課題
我同老婆雖然自由時間少左，二人世界又少左，但我地無悔生兩個小朋友，換黎既係另一種滿足感。
我覺得生命裏面
做任何一個選擇都會有後悔嘅成分
只不過係多同少？
唔會有一個完美嘅選擇
生小朋友當然有佢嘅好處啦 亦都有佢個壞處
唔生小朋友都係！
不過既然生咗
就keep going啦！ 加油
絕對唔係😂
只可以同你講 既來之則安之 一步一步行💪🏻 唔好要求自己同小朋友太多會開心輕鬆啲
加油！好多同路人同你一齊行！
我個女就黎9歲，面而家同佢出街好似同朋友一齊咁，幾好....只係煩佢學業都夠晒