好攰，想登出
好多思緒湧上嚟，我又失眠
講真，有抑鬱真係唔好受
可唔可以鼓勵同支持吓我⋯⋯
已經好努力控制，盡量比自己開心，人點都會有情緒，我接受但係好難受
唔好放棄呀，大家都係同路，會唔會試試做運動？
我試過失眠去跑步（落街跑/會所跑）
失眠打開youtube跟片做下運動出下汗，
再沖個熱水涼心情會舒服啲💪🏻
唔一定好好專業去做只想出下汗分下心
聽下歌吖😽陳蕾-《念》
很想偷走你內心的暗 讓我
輕輕把光放入你心
不會再孤身
面對悲傷苦困准我陪著你 耐心等💪🏻
不需急切一息間變好
悲觀心態 並不是多糟
撐不過就去哭別強裝歡笑
准許悲傷使你 內耗
加油好多人會陪你一齊渡過🙂↕️🙂↕️🙏
多謝你，放工返屋企，依家又返番上床，感覺好咗少少，一時之間可能諗錯嘢，唔緊要啦條路係辛苦，希望我同你都可以一齊撐過去🤍
人生梗有低潮期一齊捱過
我相信除左登出仲會有好多方法
一齊加油💪🏻💪🏻💪🏻
你好，我都係抑鬱症病人
嘗試過兩次登出，但都失敗
曾經有人同我講，
如果今日出到呢個門口返工
我已經勝利✌️
跟住又有人同我講
我見到明天的太陽
我已經勝利✌️
我想講
好多人叫我哋做多啲運動
或者聽下歌
其實我哋做咗好多嘢想幫自己
但抑鬱呢隻怪獸好恐怖
佢就係令你做乜都會唔開心
我只會講，我係一個運動人，好多朋友
在別人心中永遠都係好好先生
但最後，我發現，如果我為小事感恩
日子會好過一啲
希望同你共勉之
我嘗試登出過三次，唔知點解登唔到，上天俾我嘅考驗就係咁，其實我天生樂觀，只係可能琴晚瞓唔着個人有啲忟憎，變相亂諗咗好多嘢。。。
多謝你，起碼我知我唔係一個人，加油啊🧡
🫂🫂🫂
抑鬱症好難受
我捱咗抑鬱廿年，雖然康復咗
但間中都要面對復發嘅問題
每次知道想復法時
都要自己匿埋唔想影響人
搞到自己愈來愈孤獨
如果需要樹窿可以搵我
我都希望我可以咩都開口講，唔知點解係都要收收埋埋收埋，係咪真係可以搵你傾？
驚騷擾到你咋😢
似乎你嘅思緒失控。但思緒係你內在嘅嘢，你越用力去控制佢就越失控。
所以你唯有觀察你嘅思緒，嘗試唔帶任何judgement同emotion咁觀察。完全唔好俾佢影響，你只係觀察者，所有嘢唔關你事，直至思緒平伏落嚟
冇嘢係容易，每日逐少逐少咁進步，有時可能會退步，但都唔好氣餒。
終有一日你會不經不覺咁發現自己已經比以前好好多，雖然未變返最初咁，但你見到希望，咁就足夠你活落去
人生本身出世，就係經歷傷痛10常89，唔登都登入左地球online，反正登入機會只有一次，老左某年紀就自然登出，唔洗專登登出，因為10常89卑傷事，發生一見開心事先覺得珍惜重要麻。油加吧～
我都試過登出，不過而家仲喺度。以前好多著緊嘅嘢，而家放低晒，唔再關心.......暫時好返好多
辛苦晒你，唔講加油，因為你應該一早已拼盡全力，你有無胃口飲到少少熱嘅，甜嘅？朱古力？牛奶？
失眠左幾耐呀？
本身係打算12點之前瞓嘅，放低電話及埋眼之後個腦係咁湧啲負面思想，最後2點半頂唔住就用一陣電話
嘢我就唔食啦，一嚟太夜，二來我連起身嘅力氣都冇
明白，師姐如果唔介意，有兩個方法你可試下有無效
1. 禁下神門穴同內關穴，禁入去會有少少腫痛咁，每隻手禁3-5分鐘
2. 試下426呼吸法，吸氣4秒，hold 兩秒，呼晒啖氣6秒
唔使逼自己即刻做到，唔抗拒當玩下試下咁，1同2一齊做就最好🫶
之前睇過篇threads 咩南極蝦毛有450萬億粒，登出之後往後唔知幾多世人都只會繼續做南極蝦毛
好大個情緒勒索喎師兄～
首先依家我唔係話想點
但係要我顧佢地點傷心，點解唔處理一下自己情緒？簡單嚟講即係「你叫我尊重佢，但係邊個嚟尊重我」，一樣意思。
可能你會話處理個方法唔啱，但我冇必要諗通咁多樣野去勸自己收返嘅，越諗其實越辛苦，越覺得自己責任重大，但係承受唔到。

唔明白情緒病嘅事唔緊要，希望你可以多啲理解。
好攰嘅感覺我真係明白
曾經都有十年憂鬱躁鬱 想唔開
一路行過來 知道有個人陪住朝個目標行會好得快啲
唔使即刻改變 只想陪你行陣
會好㗎 短則十五日 長則三至六個月
我都係躁鬱，焦慮，好返嘅厭食同社交恐懼，之前係搵到一啲方法同呢啲怪獸共存，但係過一排又失效，又要再搵個新嘅共存方式，其實好攰，不斷咁搵，好彩我天生樂觀，先可以撐到咁耐
登出唔係你唯一選擇，你唔開心，我可以陪你飲酒，之後送你返去，你結咗婚未？生小朋友未？仲有好多地方你未去過，咁多嘢未試過就登出？你甘心？！
聽到你嘅經歷好不容易
欣賞你嘅堅持
咁多年嚟每次行一小步咁走過嚟
依個係一個好大嘅成就
過去每次嘅堅持嘅一點一點地留到今日 值得我地欣賞你
。
有個一個小小嘅諗法
如果你未必好講到/有空間去表達你嘅感受，歡迎你係到同我地分享之餘。
可能可以試下搵一種藝術表達內裏嘅思緒，畫畫、影相、音樂，或者用支一筆寫出嚟/畫出嚟。就算無其他人睇得明都唔緊要，亦唔一定要俾其他人，但你會係裏面可能會搵到啲力量？言語上嘅失語下，有時藝術會講到更多。
I will pray for you
Btw,見到好多人建議你做Mindfulness（正念） ，但唔一定適合係所有人到。希望你搵到一個啱你嘅方法，好好活着，相信善良
我也曾患抑鬱症，雖未必完全明白你感受，但好想鼓勵你，你已經很努力，如果想傾下計可dm我，有人同行好重要，you are not alone.
當患咗抑鬱症，好多時以為去個旅行，或者進入新社交圈子就會冇事，但腦內總會不時出現好多侵入性思考，當呢啲被闖入嘅念頭，因為發生某啲不能控制的事情，在短時間積聚到一個份量，就不由自主咁舊患復發。
感覺係生不如死，但係冇人可以控制。20年前第一次確診，都起碼復發過四次。
無限量支持你,祝福你,你唔係一個人,放過情緒,放過自己~
唔好咁諗啦人，但真係咁諗嘅話，不如先同我食過飯，再去益下我先再諗啦，唔想益下我，你就唔會想諗登出
知道講幾句唔會太幫到你但都係度講聲你撐住！支持你！
你做得到既，你只係累啫，每個人都會有累而亂諗野既時候，接受尼個觀點，你就會感覺好d 㗎啦，聽日又係美好既一日。