好痴線嘅澳門之旅-後編。
完場諗住去埋個洗手間就去排發財巴出去港珠澳橋。點知攪咗勁耐，去到見到打哂蛇餅，隊尾個職員話得返4班車去大橋，而目前睇應該都爆滿無位。叫我哋後面嘅人去搭的士。（OMG !唔係話有通宵車嘅咩？明明上網查話有通宵㗎？）
一個人搭的士好浪費，於是，我諗搭101X巴士。問個巴士站係邊，個職員講完我都分唔到東南西北，傻下傻下又行返去星影匯，見到的士站仲猶豫緊搭唔搭的士，係我左左右右咁走個時遇到一位好人（唔記得問名，又唔記得留聯絡。）佢問我係咪要去港珠澳大橋。我話係，於是我哋一齊搭的士。好多謝佢。因為我第一次搭金巴返香港，完全唔識買飛又冇支付寶。佢好好人搭完的士仲幫我好快手咁買咗張金巴飛。因為佢用e道好快我哋又分道揚鑣咗。（真係好感激佢。）因為佢嘅幫助，我可以好快咁上到金巴，然後返到香港又好快咁過關趕得切尾班A車，返到屋企樓下地鐵站。又趕得切地鐵未鎖電梯。個揸鎖電梯匙嘅職員只喺係我前面。最終令我可以係1點40分返到屋企。（唔洗搭貴價的士或者等一個鐘頭N車。佢簡直係我恩人，唔係佢，我可能仲係新濠諗緊點返屋企。）

有以下小建議
1）下次過澳門時預多少少時間整咗自助過關先
2）join 包車返香港

我頭先發現咁既情況，即場同爵屎神徒去W酒店夾的士去港珠澳大橋。97蚊4個人。同埋買金巴飛去機買可以用八達通，唔一定支付寶，八達通冇錢就用手機即時增值（連銀行app），希望幫到你下次唔使咁慌。

信用卡、Cash都可以買金巴車飛

可以，但要排隊。

唔急，排吓冇所謂

101x/102X喺1月嗰陣時 改咗冇x 但係google map可能未有更新資料
新濠影匯有102可以直達港珠澳 但係要留意尾班車時間 101先係24小時服務路線

發財車會加班 但不設通宵服務 請留意相關賭場嘅官方宣佈

101/102甩x果陣除左新城a加左站之外無大改過，所以其實google map有無更新都好資料都唔會差好遠

只係唔熟既會誤以為另一條線,本身甩x對遊客接近冇影響

下次記得做定plan B

散場一定多人，但會場唔會因為咁而加班
境外萬事都要小心

今次第一次過大海睇show。下次會做好啲功課。

1. 101係24小時但條線只在澳門半島
2. 新濠影匯如果唔坐發財巴最快係去輕軌站坐輕軌去氹仔碼頭然後落樓下巴士總站坐103（尾班車11點半開）

因為氹仔冇101(而家冇左x)..
氹仔去港珠澳既102(又係冇左x)印象中唔係通宵
行去巴士站都未必有用
同埋已經有人提左下次可以留意返金巴可以用八達通買

102 尾班車 去到 半夜12點正。如果想坐102 。個巴士站 係正巴黎人花園對面坐。不過需時要1個小時 零15分鐘

八達通都買到金巴車票

4/4 當晚我等咗八個字發財巴，最終11點鬆去到港珠澳口岸，搭完金巴趕得切最後尾班A車，返到屋企剛好一點。

喺澳門我唔識打的，下次去會夾其他人打的慳返成粒鐘。🥹 多謝分享。

btw 澳門打的有冇得支付寶？

其實排隊中的粉絲，都可以夾車的。
這两天來回的車程，我都是用這個方式🙂

每次散場我都即去排金巴，去到口岸先去廁所，金巴近鉅記嗰排機可以用八達通買飛