📌 好蠢淘咗塊滅火毯返
共 53 條紀錄
好蠢
淘咗塊滅火毯返嚟
頭先開箱拎塊毯出嚟睇吓幾大
打開個陣feel到勁拮
我打開一半就收返埋了
然後雙手好似比好多針拮咁
睇返原來塊毯係玻璃纖維做
幣在我完全睇唔到纖維拮咗係邊
而家用膠紙係咁痴手睇吓有冇好啲
感謝各位關心同建議，我冇事了，各位嘅建議好有用
淘寶個商家就咁用膠袋笠住就送咗我到，警告或提示卡咩都冇
不過責任最大係自己，以後淘寶都要小心，有關人身安全嘅產品都係搵返有關專業嘅商舖買
而家可以日常活動同返工，好彩事發係幾日假期可以緩衝下
之前宏福宛大火後我都買咗防火氈，當時都做咗少少資料搜集：
- 防火氈基本上都係玻璃纖維造，唔拮嘅可能加咗層silicon（但耐熱程度會降低）
- 玻璃纖維係好好嘅防火物料（耐熱300-500度）但佢真係會噴玻璃纖維🤪我幫人買完都提醒佢哋，除非真係火燭，唔好立亂拎出嚟，就算拎都要戴手套（外國買有時會送埋手套）
- 防火氈有歐盟認證，分EN 1869:2019同EN 1869:1997，要買EN 1869:2019
- 香港消防署有晒合資格名單，外國amazom 買唔到，最後我係hktvxxll 搵香港專賣防火產品嘅鋪頭買… 淘x我唔sure 個認證係咪真🙂
希望你冇事啦🙏🏻下次睇真啲，我諗淘x 都會提你唔好亂咁摸⋯？
樓主已經好慘，開 post 都係想提醒大家啫，因為好多人都未必知道玻璃纖維嘅恐怖，更加冇留意原來防火毯有玻璃纖維 😰 我都係之前睇 Threads 見人分享先至知。
除咗防火毯，之前有人分享有種淘仔速乾抹布都有玻璃纖維（形容詞：咩咩黑科技），嗰個樓主係搽膠水等佢乾後一嘢黐番啲玻璃纖維出嚟。
玻璃纖維滅火毯係最平最常見嘅款式（耐高溫、唔易燃），但原材料就係玻璃纖維布。
如果想買新嘅，考慮氧化纖維、陶瓷纖維或者矽膠塗層款，會少啲呢種刺激（雖然貴啲）
平時儲存都唔好亂摺亂拉，減少纖維脫落。
大陸個邊都好多人討論緊呢個問題，因為前一排有小朋友玩到成身都系玻璃碎。我覺得可以參考下呢個科普視頻，有講解同示範點樣用滅火毯💪 【灭火毯正确的保管和使用是这样的！-哔哩哔哩】 https://b23.tv/61f3uv2
條片入面提到其實張毯要掛係火源附近，甘一有意外發生就可以即刻拎起張毯冚落去啲火度。
我之前都試過比玻璃纖維拮到
好似慘到刺咁
可以係暗啲嘅地方用電筒
照下被拮嘅位置（會閃令令）
試吓用鉗夾出嚟
或者用強力膠痴輕輕癡出黎
去到醫院都係咁樣同你做
過幾日就冇事
希望你都快啲好
其實防火毯唔suppose你拎出黎做開箱開心share，
玻璃纖維你沖唔走佢地或者已經發炎既話好盡快睇醫生！
最後再講多次！淘寶/拼多多 你買擺設或者唔等駛既野係可以，
但真係要拎黎用或者安全野就咪係度買啦！
我都試過，因為宏福苑事件之前都冇見過防火墊，唔知道係玻璃纖維諗住收到打開睇吓，點知成手其勁吉，後來上網搵先原來係因為佢上面有玻璃纖維，後來就收返埋佢無再掂，拮咗幾日之後就冇事。
我之前係去呢間 有個叔叔好好 解釋同教哂滅火筒、滅火毯同埋煙霧感應器點用
唔親身去都有online埋再送貨，有英國製滅火毯：
https://www.firexfire.com/product-page/jactone-%E6%BB%85%E7%81%AB%E6%AF%AF-%E8%A2%8B%E8%A3%9D
本身唔淘宝。如果識嘅人有淘，都會勸佢哋唔好淘食物、衣服、電器同所有同條命仔有關嘅嘢。
喺firexfire.com買過幾張防火毯，英國製。
我唔係專家，亦都無得自己測試，不過斷估都穩陣過淘啩。
試吓用洗面嗰啲磨砂膏捽下，我老公份工有時會接觸到，我買萬寧出嗰隻磨砂膏，大量搽患處，跟住大力捽佢，然之後用熱小小啲水沖，可以減輕八成，佢同佢啲同事都係咁做，希望幫到你。
其實。。。。。正常係買硅膠防火墊。唔係直接買玻璃纖維。。係平啲但未滅火就成手都傷哂仲要睇住吸入肺呀。。。係買來有用就唔差在果十幾廿蚊啦。又耐熱啲又安全啲。
坊間好多都係玻璃纖維，唔係唔想買第二款，見親都係玻璃纖維就照買左先，買左再搵再買都得。
不過真係要留意自己買個張係咪玻璃纖維，唔好亂用手掂
其實全香港既學校十幾年前都已經係用硅膠防火墊。。係防火硅膠包住玻璃纖維。550度耐熱起跳。價錢其實都係差十幾廿蚊。如果就咁買玻璃纖維一開果下好易整到周圍係。又易吸入肺又好易整親
epsom salt, 加暖水浸20分鐘，仲痛再重覆。
以前杉刺、杉玻璃都係咁浸。
上網search 邊到買，我好耐之前買過唔知咩green，但應該好多地方都有。
正常以前做汽車維修成日都會用到，每次完咗都會用膠紙盡量黐走佢冇咁痕，雖然都係好痕😑，之後返屋企先熱水沖涼
滅火墊之所以叫滅火墊係因為佢係用喺火上面，唔係你😀唔關淘寶事，可以search下玻璃纖維係好好嘅滅火材料
唔係架 去咗九龍灣一間賣消防用品鋪 解釋得好詳細 有事都可以包住自己 兩用架~
sorry，唔小心睇錯咗鬼滅毯🫠仲喺度諗點解鬼滅毯點解會有玻璃纖維，睇留言先知原來係滅火毯🙈
咩牌子?
之前想喺Hktvmall 買，都見有人留言話玻璃纖維拮手
最近跟屋苑訂咗，你提醒咗我要小心 🙏🏻
一定要睇醫生啊，同埋抌呢塊嘢要黐張紙，提醒啲人唔好執！ 香港有冇地方抌呢啲危險物品呢？
淘寶野～用黎救火
🤣🤣🤣🤣不說啦，你懂的！
你的生命有幾重，
救火物品有幾有用
之前拼多多一蚊攞咗兩張,一直都掉埋咗一邊,
返去都係要提下家人唔好亂多手攞嚟玩!
嗰期佢災難行銷玩補貼,
一蚊可以買到滅火氈同埋滅火筒
長知識😮我都買咗一塊但係冇開過
你睇吓使唔使去睇醫生？
希望你快啲冇事。
用熱水沖涼加比力捽佢
男朋友做嘢間唔時會接觸到
佢平時係咁樣同我講
咁都幾誇張😂amazon買過中國製2塊，其中一有一邊少少外露純粹痕痕地
乜都淘寶然後出事唔係即刻睇醫生而係上網問 死咗都係natural selection
用熱水沖身就會好，有次去玻璃纖維廠做野成身痕，D 工人咁教我
😂😂😂我不敢打開
之前$1 我都有買
但我係一張香港一張大陸
快啲去急啦 仲上嚟問 嗰啲玻璃纖維好細好幼 入咗眼肺好大獲
會入血 然後入肺 有機會會死😥😥😥
快啲去醫院睇醫生😵
玻璃纖維拮手，試吓浸熱少少嘅水
擴張毛孔等佢走番出嚟
小心處理千祈唔好入眼 最好去睇醫生 玻璃纖維唔係講玩笑
吉親係唔蠢 但係淘寶買防火野同宏福苑火災有咩分別？？
嘩，我都試過，淘左件垃圾支架隻手勁拮，但原來咁嚴重
我係HK 買左張英國製造，$360 定$380 一張。打開過 吾吉的
防火或滅火？又係玻璃纖維，係咪石棉？要立刻dump‼️