📌 好記得8歲嗰陣突然有
共 59 條紀錄
好記得8歲嗰陣突然有日意識到人會死，嗰陣有排好抑鬱，飯都食唔落，仲有一日攬住阿媽問佢會唔會離開我🤣🤣🤣雖然聽落好幼稚，但呢個問題真係糾纏我到依家，有時候都會諗依家既我有一日會消失就會好sad，有冇人有同樣嘅經歷？想知自己可以點面對死呢個話題？認真問，唔準笑我傻
有一日收工返屋企同老豆吹水突然間醒起老豆老母都已經60抑鬱咗成個禮拜
有啊 成日咁樣諗 一諗到身邊嘅人有一日就會唔存在係呢個世上就覺得好sad好抑鬱 雖然知道呢個事實但唔係好面對到 一樣想知道點樣面對/接受🥲
我13歲嗰陣媽媽中風走咗，嗰陣因為佢已經喺醫院幾個月，每日放學去醫院探佢，已經習慣左佢唔喺屋企，到佢走嗰日係好傷心，但好快無事，可能仲細個
我今年40歲，爸爸早幾年前都走左，嗰陣佢喺醫院嗰段時間睇到佢好辛苦，本身已經好瘦，嗰段時間食唔到野再瘦啲，我每日處理好小朋友之後就煲湯拎俾佢飲，因為佢有機會隨時走，所以醫院有恩恤探訪，隨時去，去到幾點都可以，有時佢會神智不清，有時會清醒，清醒嗰時同佢傾下計，到佢真係要走嗰日當然會傷心，但其實個心都會覺得對佢係一種解脫，做左父母之後就會知父母最唔放心就係小朋友，我嗰陣時捉住佢隻手，同佢講我地大啦，唔使掛心，如果阿媽接你走就走啦，希望佢唔使心掛掛，我覺得自己喺爸爸在生嘅時候已經盡左子女嘅責任，所以我當下係好快釋懷
我之前睇過一段野，佢話人生係一個牢籠，死亡係出獄，所以應該要戥佢哋開心
我細個都有一段時間會咁樣諗，當時媽媽同我講：「呢個係人類自然嘅生老病死過程。」
我諗咗好耐，先慢慢走出嗰種抑鬱。雖然父母總有一日會離開，但我嘅身體承載住佢哋嘅 DNA，我嘅腦亦承載住佢哋嘅人生智慧。只要我可以將呢兩樣嘢延續落去，就已經足夠。
慢慢長大之後，我開始明白，死亡其實唔係最可怕；最可怕嘅係離開之後，乜嘢都冇留下痕跡。人類所喜愛嘅音樂、書本、電影，好多都係由已經離世嘅人創作，但正因為佢哋嘅作品仍然存在，我哋唔會覺得佢哋真正消失。所以我相信，創作其實係一種將靈魂延續落去嘅方式，可以將自己嘅一部分傳遞畀其他人。
你諗得好透徹啊！有機會既話你可以search下或者睇下有套動漫叫葬送的芙莉蓮，你同佢講既思想既一模一樣！😮，不過我睇完都冇你咁識諗😭
我五歲時諗到死亡突然喊，話俾阿哥聽，阿哥直接話我黐線。而家靈魂觀唔同咗，唔再害怕死亡。
而家觀念，靈魂不滅，每一世就好似打一舖機，每一世玩唔同嘅主題，唔同嘅難度而已
我以前一遇到咩挫折唔想面對，都會覺得人生就係一場game，嗰啲係關卡
有冇人試過係全黑房 幻想自己死亡？
（世上一切與你無關 個人好似昏迷無知覺）
第一次咁諗時 個人係勁恐懼
（唔好問我諗嚟做咩 😂😂
😮有啲似有時由日光日白瞓到6點咁上下，個天黑曬，屋企又冇開燈就會有呢種feel
我都係，小學開始接受唔到自己會從呢個世界消失，到依家都未諗得通🙂↔️
有 我幼稚園就開始有 呢種内耗都維持咗一段時間 但又唔夠膽問屋企人講 因為實會俾人鬧
當年紀大啲開始意識到身體既負擔/極限，會有一種新角度開始思考死亡可以係脫離物理世界既束縛
細個6、7歲嗰陣都係，瞓吓瞓吓突然好驚爸爸媽媽會死，嚇到喊曬口，然後我老竇喺我大嗰咗成日攞返呢件事笑我，成日話我細個好孝順識擔心父母，依家點解變成咁🤣
基督教幼稚園已經有講死亡，不過會教你人死後返去耶穌身邊
5/6歲果陣有親人過世，係喪禮上面我屋企人係咁叫我去見先人最後一面，我唔知點解唔係好明咩事但覺得好驚，一直扭計話唔去睇。
儀式完哂我返到屋企瞓，瞓瞓下覺得死亡原來好恐怖，係咪人死如燈滅，然後驚到喊咗出嚟。
到而家幾十歲都覺得死亡其實好可怕，有時一諗深少少，就會陷入焦慮。🙁
我仲以為得我係咁，一啲都唔幼稚呀，我細個都試過，本身睇緊卡通片，但唔知點解好sad 仲喊…諗到有一日爸爸媽媽會….唉…總之記得好好珍惜可以同屋人相處既時間，好好對佢地🫂💪🏻🙏🏻
以前睇過本書
講今世遇到的人
都是上世上上世 x N 世 都係識㗎
只係大家每世角色都不同
今世我係阿女
上世我可能係佢姑丈
今世佢係我同事
上世佢可能係同村嘅人
睇完本書知道「關係」其實一直都係到
只係用不同方式呈現
我對「死亡」就無咁恐懼同傷心
因為我珍惜嘅人點都會「重遇」
到時個關係都唔同，咩都變哂，到時唔再係自己，諗起都sad
有，十歲左右突然明白死係咩一回事，驚到食唔安訓唔到，唔敢訓著驚自己訓著失去意識之後會醒唔番
後來睇得多哲學相關嘅漫畫(屋企人有一堆蔡志忠漫畫)就開始識得接受同暫時放低左。呢樣野應該人人都經歷過？
我爺爺老人病/機能衰能走，我婆癌症復發走，2個都係唔同既辛苦幾年先走，以前狗狗1x歲有病控制到但突然一朝惡化就走左
我嫲4年前，本來好精靈活動自如無大病，好輕微血壓高only，突然有朝有個電話話佢係屋企無左心跳，我仲以為食食下早餐暈左，因為疫情高峯期，我公司飛的翻去嫲嫲屋企仲快過救護車，係的士我仲諗翻去有咩可以做-我本職醫護相關，去到見到，我已知已成事實，救護黎到指定程序要做急救，我一眼都無睇，消化唔到，知道不可逆轉唔想睇住佢被”急救”
慢慢咁有心理準備走，定突然走比較理想？好矛盾好難答，走果個痛先，定在世果個慢慢痛好？
4年喇，如果話我100%無事就一定呃人，我喪失左一覺瞓天光既攻能😂但我可以好平靜好輕鬆咁提起嫲嫲既野，生活如常
幻稚園就有死亡教育
對死亡冇這個深刻的頓悟
反而六歲的時候發現自己其實好細個
不過是一個小孩子 有排都未大個
我都有，應該差唔多年紀。之後阿媽買左啲佛經錄音帶畀我聽。應該係我有印象最早接觸佛法
細個有一排都有！日日喊住話唔想媽咪死😂😂
而家大左好多，媽咪爸爸都老左好多，身體都少差
而家只能夠盡量珍惜㗎咋
我真係面對唔到，之前試過入醫院未知咩事，等緊照CT
我以為自己有嚴重病，原來真係會驚到腳震腳軟不自覺流眼淚，覺得我好後生唔想死😂最後冇事，但發覺我自己係完全面對唔到死亡
都唔明點解啲人可以咁坦然，我真係好驚
(所以果啲難超脫emo 話死亡好解脫果啲，well 真係去到病床醫生話你要死你都冇後悔唔怕先好扮超脫😂)
好彩你冇事！！其實我哋都面對唔到，真係要定期bodycheck盡力保命算🤣
聽過人講死亡就同瞓覺一樣，唔驚瞓覺，點解要驚死，其實又好有道理。但都係會糾纏喺咁真實既人死後會完全消失既loop
到而家有陣時臨訓教個陣都會諗，係喎我會死架喎，之後驚一驚就決定唔再諗，就選擇訓教算。 活在當下好緊要🎈
🤣🤣🤣我都係咁，通常瞓覺前先錢突然emo，但驚驚下又覺得諗唔到就唔好諗，然後昏迷
我都會 特別係踏入3字頭越嚟越驚父母會走 理性知道驚都冇用 但就係會驚
我小學拜山個時問個人點擺落嗰啲一格格嘅骨灰龕位？然後我媽同我講係燒完磨粉，夜晚諗起嚇到飆晒汗瞓唔到覺（其實我依家都驚☠️☠️
之前睇過美劇《The Good Place 》
死後去左Good Place嘅人會有永生
但主角最後發現佢哋即使有永生享盡一切但都唔快樂，原來因為人嘅生命一旦沒限期，人就唔會珍惜生活中嘅人同事亦都唔會感到快樂😞
睇完即刻點通左我，生命嘅脆弱同期限就係要我哋珍惜眼前，畢竟我地真正唯一擁有嘅就只有當下，沒人知道我同你下一秒仲存唔存在，所以都係好老套咁講把握當下，想做咩就做啦，同埋好好珍惜每一次同人嘅告別啦🙏🏻
我記得我係4歲開始！然後不停問我媽明知我會死做乜要生我？
但係好明顯佢冇預期我咁快問哩種問題，所以佢答得唔好！往後我都久唔久問佢，佢仍然唔識答！所以當我一知道自己有咗BB就不停諗一個最街答案！然後我兩個小朋友都分別喺4歲同6歲問哩個問題！好彩佢哋好滿意我個答案！冇再問，不過仍然會好擔心有一日要分開！😢
細個睇真人版Peter Pan意識到人會長大變老離開，睇完喊咗半粒鐘
我仔4,5歲有斷時間都係咁，到而家十歲之之作文寫夢想就係研發長生不老藥🤭🤣
大家對死亡只是存在未知既可怕，死亡其實未必大家諗得咁可怕，返而在生既人對死者既不捨之情就會令人感到抑鬱獨單
反轉想想， 人總要一死， 不死的話， either 你係神， 或者鬼， 或者殭屍😅
所以還是做會死的人比較好吧
那好好享受死亡前的人生好了
細個既時候，都會好驚啊媽死
但當自己建立一個家庭，又成為左媽媽之後
就唔會再擔憂呢件事，因為有其他寄託