如果一個由細到大一齊大的好frd既frd問你借35萬，你會？
千祈千祈千祈唔好借錢俾「朋友」
首先，如果佢信貸紀錄良好，銀行大機會借俾佢，但佢唔去問銀行借，而係問你借，咁嘅「朋友」你覺得值得借？
如果銀行連35 萬都唔借俾佢，咁嘅人借咗你錢，你點解覺得佢會還？
唔借=冇咗個frd
借=冇咗個frd+35萬
要借可以去銀行
我要知佢係咩人，我要知成件事係咩事，仲有佢喺你心目中有幾重地位。
綜合完先會諗借唔借，或者有無其它方法
我試過
最好方法：
打個折，借一半
唔還 唔會咁肉痛
一個人需要錢嘅時候
就算你借一半，佢都好會感動
有個朋友開餐廳，頭兩個月入不敷支
我借咗一半，
佢而家間餐廳好出名，超多人排
佢還返錢俾我
好感激我 永遠食嘢都有折頭 唔使排隊
好快買咗樓，戥佢開心
我覺得要睇下你地幾多歲、佢咩原因借、有幾大機會還到。不過你問得就應該都係唔想借～咁就唔好借！
試過幫朋友向銀行借personal loan ( 因為佢衰借唔到，又係卡數複利還唔完 )，但係有事先協議好點還＆簽借據，例如借 50,000 分24個月還，銀行要我每月還2,350，佢就每月還我2,500。
結果前後幫了2次共100,000，佢都有按時還＆還清，但 …
第2次清了後，佢就消失咗 …
好多好多年後，好難才從共同朋友揾返佢，問佢做乜消失，佢話因為怕見到我又想借錢 🤪 怕依賴我喎 …
最後，仍是沒有了這個曾經的好朋友 💔
佢問你借35，而你盡借只有5,咁你確實有借，唔會無左個朋友，無晒都係5。
當銀行，財務公司咁理智嘅機構都唔借
作為聰明嘅人應該知點做
借錢如送禮,還錢如乞米😏😏
我偶像話嘅~~~~😉😉
個人經驗~
因為食過好多次屎之後。。
以為自己好醒咁借左d當捐左去都ok嘅錢俾曾經最好嘅朋友
我從來無提過還錢 因為真心知佢有都會拎嚟做其他野先
但佢太心有屎又唔識做 令我好bad feeling❤️🩹
好似借完俾佢就有種睇清楚一個人嘅感覺
呢次之後 真真正正以後都唔會再借錢俾任何人!!!
如果可以 真心唔想無左個fd
俾一筆你當捐左都唔肉痛嘅錢佢
佢要就要 唔要就算啦🥲
35萬佔總資產5%就會諗下借
你問得代表你有
但你有更重要用途
所以你都係唔好借啦
度5000比佢食飯好啦
首先知唔知佢要筆錢嚟做咩？醫病？做生意？醫病有機會借比佢；做生意就未必
之前有冇幫過好大好大嘅忙？（去到捐個腎丶捐骨髓既地歩？如果係，直頭叫佢唔使還）
如果佢係卡數問題，可以做債務重組，個plan係可以整到佢每月還款咁樣。做債務重組都有一啲支出，呢筆錢，或者你可以借比佢，唔建議咁大嚿卡數由你呢個朋友幫佢孭曬。佢滾得到呢條大數，證明佢理財唔可靠，你借咁多比佢，唔太理智。但佢有心想解決，呢個可以幫，建議債務重組
借錢嘅人會用盡一切方法令你相信，仲要個底花晒你都信嘅話，冇人幫到你
我都借左五千比個fd未還，希望佢睇到呢個留言後自動還錢🤭
你咁辛苦儲錢就為咗借錢畀朋友
咁同你做個朋友先啦好嗎
借得錢俾朋友真係想幫佢手， 但係結果往往不似預期， 加上九成九債仔又吾會自動自覺還錢…. 人財兩失
唔會還㗎。我借5萬俾個多年best friend，直頭提都唔提還$。跟住過幾年，又問我再借2萬。呢次我話另一半唔俾，冇借。
如果覺得人生唔夠刺激嘅咪借囉！！好過癮㗎，包你沒世難忘！
看到說銀行credit已經借唔到，我怕借俾佢會還唔到
借錢唔搵銀行搵我把撚咩 無屋企人？
再唔係申請破產囉