家庭聚會，奶奶抱緊B仔話「你爸爸真係好錫你啊」。 在場每個人都笑緊。 但冇人留意到媽媽剛自己搞掂咗兩粒鐘：餵奶、換片、安撫喊、執碗、抹枱、氹瞓。 冇人讚佢。 但同一個人轉個頭會話你「嫁咗個好老公」。 我真係想問：佢「幫」咩？ 照顧自己個女係佢份內事，唔係恩惠。問題係整個社會默認咗湊B係媽媽嘅崗位，媽媽做晒就係應該，爸爸做一單就大吹特吹。 媽媽係隱形嘅。爸爸係值得表揚嘅。 好笑嘅係，呢個世界對爸爸同媽媽嘅要求，從來都唔係同一套標準。
家庭聚會，外母抱緊B仔話「你媽媽真係好錫你啊」。 在場每個人都笑緊。 但冇人留意到爸爸剛自己收工入門口：俾老闆西面、俾客問候、擔抬托、收上司工作、教下屬做嘢、收客投訴。 冇人讚佢。 但同一個人轉個頭會話你「娶咗個好老婆」。 我真係想問：佢「幫」咩？ 照顧自己個女係佢份內事，唔係恩惠。問題係整個社會默認咗搵錢養家係爸爸嘅崗位，爸爸做晒就係應該，媽媽湊仔就大吹特吹。 爸爸係隱形嘅。媽媽係值得表揚嘅。 好笑嘅係，呢個世界對爸爸同媽媽嘅要求，從來都唔係同一套標準。
母親節商人就叫你買保健品、康乃馨俾老母，電視台、電台成班藝人就吹奏母愛幾偉大。
父親節就只有商人賣廣告提大家，買個爛鬼電鬚刨俾老豆。傳媒從來唔提父親，就算把父親功勞，只係當晚冇避孕，送咗一泡濃痰出嚟你先有機會出世。
你做乜要做晒所有嘢？做乜要執碗抹枱？你將個B掉比俾老公，一個眼色你老公應該知咩事，如果你老公見到你嘅眼色都唔識做嘅話問題就係你身上，即係你平時訓練佢不足。
唔係計得盡…只係媽媽做咁多野都唔會得到一句讚美，因為呢啲係媽媽應份。
但爸爸做少少就好似拯救左世界咁🤡
媽媽其實都唔需要人讚，但佢需要一個共同負擔育兒責任的另一半。
99讚你都唔稀罕啦，其實你老公應該都好好，可以再比多啲野佢做，同時我覺得你都要識得欣賞個老公，肯做又識做既爸爸真係唔多🫶
出街尤其見男家人一定係隊個仔比老公 等佢抱去同佢屋企人social 我自己安安靜靜食飯
你都識講 個個default 晒老母做係應份 你仲做？！反正係咪都讚個男人 緊係比晒個男人做啦
真 唔好講生仔 淨係講普通家務或者煮餐飯，男人都可以比人讚到天花龍鳳好老公，呢啲應份同正常成年人會做嘅嘢嚟喎大佬 真係心理好唔平衡
我生孖仔同個女 我湊我教 佢放假帶吓佢地出去玩佢買玩具俾佢賣 阿媽覺得佢係無敵 對仔女最似佢 咩都係話我老公好 個女同我一樣樣 佢都可話好似我老公 嘥鳩氣
呢個世界真係好愛蝻 癲哂 所以女人真係要識自保同出聲 唔好咩都忍 佢哋只會變本加厲 更加老馮
好笑既係，你咁介意人地讚你老公
更好笑係，你呢番心聲做乜唔係家庭聚會大大聲講出嚟既？
唔係媽媽係隱形，同被默認，而係你自己都講出嚟
叫「爸爸」先，就可以同老公講「你個仔叫你呀！仲唔去湊佢？」
我老公係會做埋家務，餵奶，換片，執碗，洗碗，洗奶樽，冲涼同埋BB玩，真係好睇個老公係點嘅人⋯
每個阿媽都只會鍚自己仔女,所以奶奶咁講正常,你都唔好太在意,話晒只係人地阿媽,你都無謂介意人地阿媽讚人地個仔,因為就係咁偏心,無幾多個奶奶識做會讚自己心抱的.阿媽眼入邊只有自己隻"BB"
不過我覺得個重點係你老公唔識做人,感覺唔舒服就小返去就係,唔好勞氣.
好有畫面教材👍🏻
好適合俾D結咗婚又未生BB嘅人睇
返娘家叫阿媽讚返自己
奶奶哩樣野真係最好一年見兩次，每次佢講乜都得啖笑就算
不需要外人確認媽媽的地位！在bb心中妳永遠是no 1
又唔係既，呢個世界都冇父親節，得母親節先多人重視同歌頌。
https://youtu.be/Zpwbyrpzi4Y?is=VTh9BnkCiXFfgvLr
我完全唔介意讚我老公🤣 我老公都自己讚自己！佢確實有一齊湊，而且唔介意抹屎，直頭有幾次雙手接住BB屎🤣 啲仔唔知係咪恰佢！🤣🤣 可能你奶奶俾啲成功感佢等佢多啲自信湊仔啫
唔洗理人，你地愛bb會感受到，好快佢知媽媽有幾愛自己的🌈
明呀！
但有時又會平衡得自己安撫到BB喊😂
起碼俾人抱走咗都要搵返媽媽
家務嗰啲記得要多啲掉俾老公做
唔需要得到全世界認同，到你仔女大啲，佢哋會知邊個付出最多，小朋友只係會重視 Mother's Day，世上只有媽媽好
啲女人係咪要好似狗咁成日有人讚佢地good girl 俾粒朱古力佢地食先會滿足？
Sorry ，狗食朱古力會死