寫下第一次睇完《我們不是什麼》見倒嘅小細節，應該冇咩劇透

1. Ike喺畫面中第一次賣畫時，提到臨摹左張相嚟畫，嗰到叫「浴德池」，而浴德池係早年著名嘅男同志尋歡場所，最後喺2006年結業

2. 暉仔老豆返工嘅地方係官涌街市，有趣地附近嘅官涌街公廁90年代同樣係著名嘅「漁塘」，不過同樣喺00年代清拆

3. Ike提到想去蒙馬特，呢個諗得有啲遠，但的確令我諗起好出名嘅女同志文學《蒙馬特遺書》，邱妙津1995年嘅作品，最後作者喺寫完後同年自殺身亡。手錶紀念嘅hide都曾被指自殺，不過呢個講法存在唔少爭議係後話

4. 幫襯一樓一確實合法，但畀傳媒影倒自然會被大做文章，所以從事政府首長級或敏感工種的公務員以及主要問責官員進行品格審查嘅時候，會問你是否同性戀、有冇長期包養情婦，而審查工作由警方負責

5. Thor飾演嘅「鵝」固然好出色，而邱禮濤亦都拍過唔少題材係性工作相關嘅戲，《性工作者十日談》、《性工作者2：我不賣身，我賣子宮》以至《雛妓》，應該都令導演好熟悉性工作議題

6. 翻用舊歌做主題曲都唔係第一次，2007年嘅《性工作者十日談》，都揀左1986年嘅＜最後一夜＞做主題曲

袁富華係叔叔嘅男主角，叔叔裡面有提到浴德池

唔只浴德池，公廁都係官涌街公廁🙊只係拆左唯有去附近嘅公園拍

補充第一條：明哥曾經與何韻詩在浴德池拍攝禁色MV

係呀，都算係浴德池嘅最後印記，拍完冇耐就拆啦

邱導資料搜集得充足

3. 我都係即刻諗到《蒙馬特遺書》

希望呢套戲可以去到外國電影節，因為值得，但好多文化密碼外國人唔會明

嚟緊會去烏甸尼遠東！
你地唔講都諗唔起《蒙馬特遺書》🥺🥺

估唔到會用龍sir條故事線講職場歧視

係咪影射緊菜蛇？

多謝你分享啊😲 你好博學👍🏻

「鵝」是否服務男性嘅性工作者？

不得不提，邱導本身都係rock友，所以唔難想像點解揀呢隻錶串連故事

浴德池現在變成了中資機構員工宿舍／都匯。

多謝分享，長知識🙏🏻

4.嗰度 諗起好多年有位處長級官員俾傳媒影到尋歡 然後過咗一輪佢就退休了