尋晚去咗Space Club做show，個場喺好多手之前係叫做Edge，亦都係我當年第一次喺蘭桂坊表演嘅場地，而家喺網上面應該仲搵到啲片，我仲記得當時候主持介紹我係Rap廣東話，台下已經係噓聲一片，喺嗰個年代，大家都唔係好接受Rap廣東話，甚至覺得Rap廣東話係柒嘅，到今時今日不特止有我哋呢啲local rapper喺台上表演， DJ都可以打廣東話嘅Rap，雖然香港嘅Hip Hop到呢刻都仲未形成到一條成熟嘅產業鏈，但唔經唔覺都行咗好遠，我自己都係，我最後想講我真係好鍾意rap，好鍾意Rap廣東話。