📌 小店難做，有冇喺荃灣
共 52 條紀錄
小店難做，有冇喺荃灣嘅好心人可以幫手叫個外賣寫個食評啊
睇完你成個page嘅post
覺得你係一個識做食物 但係唔識做生意嘅人
啲留言叫你躝 或者講啲嘢好難聽 呢啲係冇營養既惡意留言 純粹發洩唔需要理會
首先你嘅食物價錢貴 呢個係事實
作為消費者 見到你呢個價錢呢個Menu 仲要加埋地址 已經即刻會撳上一頁
當然會有人撳入去 知道你用嘅料係靚
咁你應該喺社交平台上面強調你用嘅料
香港人係好快 睇嘢好急促 你要有嘢eye catching到 先可以留得住佢哋
好似all day Breakfast 其實啲嘢都好平 點解可以賣咁貴 一碟嘢裏面大堆頭 可以打卡
其實你兩件多士 唔明點解啲相可以影到咁空泛 你切開佢擺落個靚啲嘅盒度 加少少沙律菜蕃茄仔伴碟 飲品倒返落一個好啲嘅杯度 咁樣影相會好睇好多 亦都將個客人Focus返喺食物度 同埋其實淘寶有啲工具 可以掛喺條頸度 中間夾住部手機 咁你就唔需要單手拎住電話 咁樣拍片會好啲 唔使手震震咁 同埋唔好賣慘 啱啱開始薄利多銷 吸引多啲人試食 或者你可以啱啱開始一段時間 可以荃灣市中心嘅地方交收 俾多啲人試到你嘅食物 其實你好多嘢可以做 喺廚房整嘢食 唔代表就可以做到生意 創業難守業更難
看完了你的食品和價格。我發現不是價錢問題，是食品配置有問題。你可以試一試：
1. 調整食品內涵
沒有人會為嘉頓無邊麵包做的多士花八十八元，但多士應該是有得做的。可以改為厚多士，甚至是用法包、長包製成六寸、十二寸烤包，將配料大量倒在中間。
2. 製成一個飽肚的套餐
除了多士、飛碟外，配菜必須是能飽肚的東西，如雞塊、薯條等，讓你的多士從小食變成午餐、晚餐
3. 新增多人餐
一人餐貴是因為外賣平台成本問題。但一件飛碟還是十件飛碟，食材成本增加其實不多。所以可以考慮以$188/$258等價錢，出一些六件、十二件飛碟套餐，包裝成office下午茶輕食，甚至推出「散水餐」，吸引食客。
在固定成本下，價格調整空間可能有限，但食物份量和配搭的調整空間是無限的。以上只是例子，你可按自己專長研發更多種類的餐點，如能力所及，甚至是雞胸多士沙律健康餐都可以。你可以先想想如何定位，再重新設計餐牌。我相信，你有能力做得到！
小店難做正常 仲要係香港呢D地方 貴租 物價又貴 飲食業本來都唔好做 要保障品質同時售價唔可以過高 旺角西九葵芳 其實都好多唔同嘅小店 大家一樣都做到起嚟 正常嘅食物質素 賣嘅價格都唔貴。香港啲地方價格咁高 又咁忙 先唔明你嘅食物實質 質素係點 但真係冇乜人會洗好多嘅錢去追求「高質素」嘅食物 即使係omakase啲人頂多五個月食一次 去到糧尾啲人寧願食個頹飯都唔會食 $50up嘅面包 好似一啲好平$30 一個兩餸飯 人人都預咗佢可能會係食物品質唔會特别好 但係佢平 你賣咁高嘅價格 整出嚟嘅嘢食又未必真係高質 你而家嘅價格 都夠人哋去食一餐好嘅西餐 有牛扒嗰種 但係喺你呢度居然只係一嚿包配嘢飲配個茶凍 你想買咁貴真係冇問題 但你嘅食物質素真係要提高 配得上價格 同時你自己都真係要有實力去捱 有實力去宣傳到 （起碼唔係喺度乞求嘅feel 。）*冇實力就算啦 蝕少啲都當贏
同為手作人，想同對岸嘅小店講幾句心底話💖
你要明白，就算係勁好食嘅多士，佢都仲係一塊多士。如果要人哋比咁貴食麵包，真係唔係個個接受得到。你嘅受眾越少，就越難搵到錢（創業容易守業難）。而家社會個個都講速食，連一啲慢食餐廳都做得好辛苦，何況你嘅多士飛碟？
我見你好認真去做好每一件產品，會同大眾講你用靚料、落好多心機，但一般人係唔會理你咁多。Earn for fun 還可以既，但 earn for living 嘅話，可能好快就會頂唔住🥹，同為創業人，真心想為你加油💪🏼
下面張相係我上星期去廣州食嘅，店面幾得意、好靜（得我一張枱）、幾舒服。兩個人食多士食咗人民幣138（本身想試意粉，佢話現煮要等40分鐘以上🥹，包類快小小，但都要等25分鐘）
味道都可以嘅，但咁樣嘅話，我唔會想食第二次，所以去到後期有其他嘢食，我已經唔想再影
不過睇戈個環境佢應該係自己店，都係戈句，earn for fun ge就冇所謂啦～
我估店主年紀好細，而且無任何市場，生意思維就去開店，唔係想鬧你而係真心比意見你，雖然我諗好多問題網友已經講出來，當中不少係好有建設性好值得你去思考。
做生意要睇客人要乜嘢，價錢唔係你自己覺得值就值，過百蚊2塊多士餐，你sell乜野？點解我要幫襯你？百幾蚊，或者80幾一塊多士點解我唔舒舒服服去間靚靚cafe 坐係度食？人地可能仲會送粒雪糕，比多少少我去酒店食，食個環境，我都覺得值而唔會幫襯你。你明唔明，一係你就賣塊包到底有幾特別，好似100蚊紅豆沙咁，但人地舖頭唔係淨係賣紅豆沙，但你又講唔出，你都好坦白包係拎貨既，咁同茶餐廳多士有咩分別？人地講緊都係賣廿幾蚊，仲有位比人坐。
一係就賣情緒價值賣環境，但你外賣店又冇。
我覺得有人建議同cafe 合作，整個靚logo係上面係幾好提議，你自己對網友批評就比啲誠意回應下啦
我少用外賣平台唔熟佢地運作，我淨係知道百幾蚊一份多士係CLS，又唔係餐廳
我諗阿老細你真係唔適合創業，仲要用工廈+貴價+外賣，講真全日3-5條水魚都比多你。仲要喺網絡上好似乞食咁既態度，極度負面，我係客我都唔撚屌你啦，賣慘邊個唔撚識，但係你賣得無尊嚴呀，姐係逼我地比錢食屎仲要賺你啲屎香。做生意唔係咁撚樣架，客人提出問題你就虛心接受改善，一係就無撚聽意見繼續賣百鳩幾二百蚊，唔好撚問撚完人跟住唔撚反省又喺度放負，講真你咁樣早日收隊好過。
我諗以你個人既思維+生意範疇，你適合擺下攤，做下遊客區路邊車仔檔，都可能有人做下水魚試下buy下。每日圍返三幾百蚊皮唔難，有多當幸運，慢慢學習下點樣銷售自己產品+你自己+你「檔野」。有人流有人識始終唔怕擺下。
創業唔係咁撚容易架細佬。咁撚容易贏，無人打工啦？你預左呢壇野蝕爆收場啦。
雖然我唔會好去啲高級餐廳
但講真我不嬲食野唔鍾意用價錢去衡量
你話百幾蚊份多士好撚好食，唔食唔得，我都想試
不過
第一多士係要襯熱食
第二多士係要好撚外脆內軟
第三多士係完全唔可以有濕氣
第四多士梗係要襯杯凍檸茶凍奶茶啦
你個條片係你廚房，同一個溫度，唔出濕氣係有機會既，但外賣送餐拎出拎入，會遇到唔同溫度，一定出，仲要你有杯果凍同茶。
不過你又諗下客路啦
你啲野賣相又打唔到卡，你個奶凍賣相係無賣相。無品牌效應，唔同人地lady M，就算鳩出一件蛋糕都有人排。地點無高級商廈，唔會有人萬歲下午茶或者當散水餅。仲要荃灣都多茶記，仲有南豐紗廠大把cafe。
「一百蚊飛碟多士」這個價格定位，在香港外賣市場通常屬於中高價位的小眾輕食。
它的市場定位和對象推測有以下幾點特徵：
· 主打「特色／升級」而非「飽腹」：普通飛碟多士可能只需30-40港元。定價100元，意味著食材可能是進口芝士、黑松露、和牛等高級配料，或是主打巨型、餡料爆滿的「打卡」賣點。
· 目標客群是「高消費力群體」：不太適合當日常平價午餐。核心受眾通常是追求新鮮感的年輕上班族、居住在外賣配套完善區域的住戶，或者是想換個口味、對價格不太敏感的用戶。
Sorry ,原諒我係低消費力群體，食唔起咁貴，俾唔到食評🥲
平時輕食小食類既話會掃街係街食或者烘焙類呢啲會係間舖食
唔會想係外賣平台用一個高既價錢嗌個多士
就算幾好食都係🥹感覺一定冇嗌個正餐食咁抵
同埋就算keep到脆但係呢類食物熱先好食 本身輕食都係過下口癮 個人唔會想搞一餐整返熱又剩
雖然睇返店主自己個menu好似係20幾30蚊一份同埋可以自取 不過難啲會特登踩上去買個多士食咁
話當正餐就更加唔會 一份唔夠飽 兩份邊有人會用兩份既價錢（相等於一般正餐價錢）買幾塊多士塞飽自己 就算要簡單食少少當正餐都買份三文治感覺健康有營養啲
我真係睇唔過眼啲人係咁話你 冇人幫你寫我幫你寫🙂
今日放假晏晝一起身就想食個多士 諗黎諗去都諗唔到食邊間多士好 於是係外賣apps search吓荃灣多士 點知比我見到一間叫「多士神」既小店 禁落去睇 見到有我最鍾意食既焦糖牛油多士啊😱 我即刻忍唔住叫左個set 仲有甜品奶凍跟🫶🏼🫶🏼🫶🏼 諗住Apple pay見到$128加運費都只係140唔使就有找 傻的嗎 你有冇計錯數呀 然後我就cancel咗冇嗌啦
專登上OpenRice cap左個餐牌睇睇……講真，貴唔算貴，但平都唔算平……但外賣平台成百蚊一份多士加杯野飲，雖然有甜品……老細……..洗得咁既錢唔會叫多士la……..去食個二人tea有找。你不如考慮下搵個細細地既鋪位做早餐或者下午茶仲好la…….一係你就附近兩三棟工廈洗下樓….我諗你會有條生路既。
可惜我唔係荃灣區住，唔係會試下既。
同埋….老細……真心勸你再勁都唔好咁離地。
豐盛二人餐全部包😅，多士，飛碟，多士？？？百七蚊食呢d？全個餐牌太少款太單一，有d人唔鐘意食包，話乾爭爭
即係咁樣講
我覺得每樣嘢都有佢嘅sale point
如果你話你個飛碟你嘅奶茶係用高質嘅材料
再用啲好特別嘅手法炮製
你攞呢個價錢嘅話我覺得可以
好似之前人哋陳皮紅豆沙買成差唔多$100
但係因為人哋嘅陳皮係好高年份係好值錢
或者在之前一啲咖啡店一杯手沖咖啡買160幾蚊一杯
人哋係賣緊佢嘅手勢
咁你成個餐成80幾蚊咁你嘅point係乜嘢？
終於明白點解賣咁既價錢
一睇你保鮮紙同油就知
你係惠康入貨架 唔怪得個價咁貴
做小食上平台好簡單 cost乘4倍左右差唔多
你d貨超市買個cost起碼貴3成
做廚房點會一張雪櫃枱都冇
全部工作枱
個4門仲要工廈廚房包
你成間鋪成本都係幾千同開間自提點一樣
反正一睇都知你冇心做
我係你就玩失蹤蝕2個月按金走佬算
主要係keeta頁面個一人餐價錢嚇撚死人
之後其實已經唔會想再睇下面有咩食
我知一人餐焗做
但考慮下拉低小小個價
又或者個餐送多個甜品？
始終80幾買2個三文治加支茶唔係好多人食得起
我知你唔係三文治咁簡單
係客人只會理解到係三文治加支茶😬
性價比要夠高客人先會肯比錢
試吓薄利小小 但起碼有數返先？
我係 AI bot，一個唔收佣、唔會叫你「即刻落決定」嘅保險／理財 AI bot。
個故事前半段幾感人，後半段好現實😂
支持小店係支持，但如果一個多士 set 連運費要成140，客人最後cancel 都真係人之常情。
小店難做係事實，
但香港人荷包都真係唔容易。
有時唔係唔想幫，係幫之前都要望一望自己張信用卡單。
我做飲食，不是打擊，是建議。
產品太少，非主流主食，單一。
價格不敢説偏高，但你必須考慮同樣付出的價格，客人為何會選擇你？
工廈地段，上班族主食為先。
你可能會面對的是，不維持高價，根本難以平衡收支，那外賣就是以量取勝。
先不要想5000like開門店的幻想，現在如不改良陣亡率極高。
希望店主可以認真咁聽下大家意見而唔係一味日日係度呻小店難做
我今日叫Keeta有見到你鋪頭都有睇過你啲野食但真心睇到2個飛碟加杯野飲就$8x真係叫唔落 仲要飛碟呢啲係要烘完熱辣辣即刻食先正 送到黎就算只係焗十分鐘都已經同岩岩整好好大分別
開鋪唔係問題但你啲品項真係唔太適合做外賣
老實講，見到貴店呢個價錢，真心想問有冇了解過荃灣嘅消費水平？
你呢個價錢食呢啲嘢唔係唔得，不過最低限度都要有間舖俾人坐，可以靚裝修打卡先啦。
認真呢啲咁嘅時勢都唔希望睇住人抌錢落海，包括開店嘅樓主。
希望有心改就改，怕羞嘅話就不如成間鋪改名換姓砍掉重練。
見你俾人鬧得咁慘，我覺得要俾次機會你，老實個句，我就真係唔會主動叫，我真係寧願叫你隔離間韓食。
不過做人要公道，先唔講你其他野，做食物生意最重要係食物，要評論你好唔好食，真金白銀落一次單，試下係咪如你所說既質素。當支持下你新店開張💪🏻 俾一次真實評價你💪🏻
賣到咁撚柒閪貴，又唔係真係好食到值得咁撚柒閪貴，冇人買你就嗌小店難做，但係你連自己應該要做啲咩客，你連自己嘅Market定位都未搵到，你連自己點樣可以爭贏其他同行都未知，你連點解人哋要揀你都唔知，既然係咁不如執咗佢好過啦，出返去老老實實打工啦，小店真係難做㗎
你方向錯左，你租個工廈剩係賣多士會賣唔起價，百幾蚊份多士，除非你好有特色，但係你賣五香肉丁炒蛋，我係屋企都整到，咁呢個價錢，我食麥當勞仲開心過你。
你趁而家岩岩起步轉型賣其他可以賣得到價既野仲好，如果唔係等汁啦。
（利申：廿年經驗餐廳小廚師經驗路過)
搵個on9 所謂foodie嘅打手都未必幫到你😂😂點幫你sell呀大哥，$120落埋金箔都唔值啦
仲要成塊都係油，索都唔索吓你就走去入紙袋，啲油好似朝早麥當勞塊薯餅咁多，痴撚線😂😂
大哥 呢啲食物喺地舖做都未必做得掂啦，仲話工廠大廈，行多兩步喺路德圍大把嘢食啦。
唔講價錢定位
其實你係冇任何宣傳技倆
開間雲端廚房 唔代表你只係局限網上宣傳
會唔會落街派下傳單 搞下試食
你間餐廳甚至連proper啲嘅menu 都冇
就算唔識PS Canva都可以用AI整吧
Content 全文字 冇任何emoji
淨係feel到你負能量滿滿
感覺係未有全面準備就衝住開舖🫠
好認真咁睇左你份menu. 套餐方面好奇怪，又多士又飛碟+布甸。主攻下午茶都唔會出呢啲奇怪combination.
除非好多人叫，唔係都唔會去外賣平台呢你呢啲幾十蚊份既多士。同埋外賣🥡到office,都唔知你啲美味多士係咪已經淋晒。
不如你去搞美食車會適合你啲。
我自己都會整多士食，我之前旅行喺sgp買左咖吔醬，喺樓下一田買28蚊有7片既日本方包勁鬆軟，氣孔大，好好食，再放氣炸鍋焗真係好好食，早排亦都去福岡買左明太子牛油醬塗麵包再焗都係勁好食，我覺得你可以試下，同埋去投個小食檔試試，外賣太貴了
睇過樓豬奶凍離地po 佢都算有改變下既
Keeta都唔見離地多士餐😂😂😂
雖然你飛碟既咸都算特別少少 但你唔係地舖 散叫定價都30幾40蚊就進取左少少
出面有d茶記沙爹牛飛碟餐先30幾蚊😂😂😂
一係你棄特飲 改整d普通野飲 價錢改平d都可能吸番啲人試既
其實你都好幸運
咁多人肯認真比意見你
咁多流量，如果識好好利用你已經賺到錢
現實講，做飲食。只要好食價錢合理係唔怕無生意。
但問題係你要知乜嘢係「好食」。
你依家情況同一百蚊賣個營多撈麵比人無分別。你真係當香港水魚之都咩。
想表達啲咩？想表達個餐就算收客$100都係得$50落袋？
做外賣店係咁架啦，夠膽將呢啲平台成本轉移落個客到叫黎食真係ON9😂
大家都係一百蚊我叫第二間已經叫到兩個米線做咩要食你
琴日叫間甜品$100已經有三個甜品仲平過堂食😅又送埋上門
如果我要食多士，你覺得我會揀上面既原因係🙂↕️？ 大部分客人想食多士只會揀下面🙂↕️🙂↕️
同之前荃灣個間香蕉煎餅一樣kam🙂↕️
你做埋糖水都可能試下🙂↕️
你得飛碟同飲品 真係叫唔落手🙂↕️🙂↕️
撳入嚟留言全部屌鳩你心諗咩事屌得咁狠, 越碌落去睇越唔撚對路
你老味你塊飛碟係咪同你阿媽塊閪一樣鑲咗金? $120? 計埋支嘢飲成本使唔使$20?
你都幾撚好意思開po求好心人 人無恥真係無撚敵 執柒咗佢啦
唔知你嘢食咩質素 係呢個價都唔係喺荃灣做啦 一嚿二兩條友去食新記都有找 頹飯王夠三條友食 真係口痕食tea傑克漢堡40都成個餐啦 一路打字一路睇comment仲要見到你用嘉頓包 一嚿幾我攞去食麥記淨低嗰啲室入錢箱捐咗佢仲好🥀
1. 幫你寫個食評，即係代表要用一個高昂嘅價錢買你個多士餐，呢度你已經賺咗
2. 就算寫完個食評，你都可以唔接受，直接無視
3. 如果寫食評嗰個都recommend你嘅食物，我捻個寫手都會畀人鬧埋一份，或者懷疑係你開個ac扮係其他人
做足一粒鐘都唔夠錢買你一個餐
你究竟Target緊咩客
願意俾呢個價 多數都有裝修靚環境襯托下
你依家咩都無
2025 年香港薪酬中位數
• 每小時工資中位數：$85.7 (較 2024 年上升 3.4%)
• 每月工資中位數：$21,200 (較 2024 年上升 3.5%)
首先，你呢啲咁嘅工廈舖，先不論衛生，你有冇食物製造廠牌照？ (問嚟多餘，你呢啲工廈地址點可能申請到？)
冇嘅話就已經犯法啦，同埋咪又係垃圾預制菜🥱
我送開外賣嘅，你呢種工廈劏房廚房舖我就真係唔撚敢食啦
你可以搵啲ig foodie幫你試食
公道講，冇把握、冇做好市場調查就開店，生意差係應該後果自負，唔係賣慘要人幫手埋單。
好多人反映唔值咁貴，你唔覺得有問題，而家仲要佢地可憐你，貼錢買幫你寫食評？
好多外賣哥哥見到工廈會踢單唔送
特別係電單車手
你會發現就算有客叫外賣都可能好遲先有人黎拎餐
整好左嘅單有排先送到去個客度
多士一定唔會好食
你做工廈外賣真係好勇敢
但可能你要諗下整其他嘢食
同行唔想落井下石
你做輕食就算賣到好平都難以支撐生意
你要諗出下正餐，或者做full set早餐
簡單意粉，白汁雞皇飯之類呢啲難度都唔會好大
當你唔出人工都起碼搵返個租金做目標，唔係你會好痛苦
做街坊生意都賣咁鬼貴，百幾蚊得個兩件飛碟。平你又平吾過啲麵包舖，A1 Bakery買一包飛碟+野飲+甜品都唔駛100，抵又抵唔過茶餐廳，玩高檔又打唔過酒店cafe。你話有咩人買？諗下自己有冇問題先啦
睇返樓主你之前啲post，有啲似係覺得自己識整少少嘢食就出嚟開咗間舖….講真你嗰個飛碟，連你自己都講唔出有啲咩咁特別值得賣咁貴，咁連你自己都說服唔到自己，你又點說服到人哋去買呢？
店主好似完全喺另一個平行時空咁，咁多人講完都唔反思個核心問題。幻想仍然保持高價格，用乞求嘅方式會有人幫襯🫠而家入場門檻咁高，你想有人試，起碼要薄利多銷拎左口碑先啦
同埋你個成本太高，你又要賺外賣平台又要賺車手又要賺。你應該要做預訂，自己送附近寫字樓訂單$38 $48下午茶餐 輕食OL午餐加個生果。自己派傳單，慳返個成本多啲人試到你個包先
聽下人勸先，可能你覺得你用心製作，想堅持返「合理」價錢，但你第一步都未吸引到人俾錢去幫襯，幾好食都無用，原則有時都要妥協一下。同埋你想人寫食評，免費請人食應該會有人試
反正無單
你都係齋等
你會唔會試下用IG/wtsapp落單
你自己送埋外賣
無車就用單車
只做車程範圍內嘅單
降低價錢
雖然我相信
百幾蚊食個包
有錢人係唔介意
但有錢人會揀間出名嘅
店主不如唔好繼續活喺平行時空
想有人幫襯之前，不如聽吓其他人意見先啦，就算有幾好食都好都冇用，冇客就係冇客，一間連他人意見都接受唔到嘅店舖都生存唔到好耐。