小弟屋企人有啲毒，有三四成嘅時間會一直keep住俾負能量我，自從上中學之後，我每次傷心到喊都係因為屋企人，每次佢哋發作嗰陣時都會搞到我精神狀態好差，而我又唔想做一個毒親毒返佢哋（令情況惡化），所以希望一啲師兄師姐可以俾啲經驗或者建議我應該要點樣做🙏
或者單純分享一下自己嘅故事都得
先睇清楚佢嘅行為係吸食緊你嘅能量，除咗否定你之外，經常講廢話、永遠你講嘢佢都唔會認真聽…其實都係吸緊你能量
同佢相處完佢會好精神，但你就好似被人吸乾咗（可以search下能量吸血鬼）
然後就係唔回應，因為當你俾注意力佢嘅時候，你就俾咗能量佢，之後你會發覺佢會更癲，因為佢唔習慣吸唔到你能量，你可以深呼吸清醒吓自己，然後繼續唔回應
我以前負責吸毒，因為我最好耐性聽人放負。屋企人放毒，我就吸，會開解佢地，比意見佢地。
點知，好嘅無我份，衰嘅就搵我侮氣。慢慢都心淡，學識咗冷淡處理，哦/唔/係/你啱/佢錯/都係你啱/係囉/唔好理佢/又係嘅/無話邊個啱定錯/早啲抖，比呢啲回應..同埋左耳入右耳出，任何嘢都唔好擺喺心，臨瞓前做自己鐘意嘅嘢，或者諗下啲令自己開心嘅嘢。
屋企人無得選擇，但我地可以選擇用咩心態去面對。
感謝☺️我會盡量唔繼續去吸負，先冷處理唔影響自己先
垃圾桶滿左唔可以再裝野係常識
佢地將你當情緒垃圾桶黎倒負能量
你要早啲察覺幾時你就快滿，要學識say no 、唔聽唔配合佢地
如果等真係負荷唔到 喊出黎就太傷了
傷多幾次你可能會變埋負能量人
青少年時期嘅影響會影響成世人
希望你好好保護自己🫂
盡量疏離，去一個獨立既空間
或者表達完，離開個個空間
練習無反應
佢講既野對示佢既世界，與你無關
唔期待父母係點樣
最好都係物理上離開
感謝☺️，我唔開心都會自己出門行下或者冷處理佢哋，盡量唔好俾件事影響自己（自己轉牛角尖）