岩岩見比完賽個場有時間剩
想猜吓波、掂下波，我地純粹踩咗入場，都未用波未講嘢
啲呀姐就發曬癲大大聲咁趕我地走咁唔比用。
其實好聲好氣都唔會咁嬲，零接觸一嚟就發老脾就…

之後我問：依個鐘唔係仲係排球場咩？仲有成半個鐘咁快收場？
佢好似大聲當贏咁樣：依個場排總已經交還噃比我地，我地要清場，同埋你地受傷我地唔會負責。

Ok 既然還咗你地早啲清場我理解，但我心諗我地打波受傷場地幾時負責過😂

跟住我地諗住咁唔用場內，比佢地執，我地係場邊搓下波，ok la掛，唔阻佢地清場。大家都知等人briefing 好苦悶😂 跟住又鬧…叫埋主管…又係一嚟就情緒超激動：總之而家個場就收噃比我地，唔用得！brabrabra😑

其實有個吉場都唔比用，好鬼嘥
而家卜排球仲要改埋制，唔比執雞、有啲體育館嚴到簽場人遲到唔比用場/唔set場。
仲有啲onX 規條，卜咗成個場但唔比用場邊嘅牆（打牆），我自己覺得牆係個練習好幫手🫠
仲有啲場，夠鐘set網就慢慢set，就嚟夠鐘收場就勁早推住架手推車係柱邊阻住曬，都未響鐘就推咗入嚟勁危險。
Set緊嘅時候又唔比用波，因為驚比波打，係3米後用波都唔得… 其實係想點😑

有啲場真係西到仆街
今日真係要點名坑口體育館
夠鐘場主簽左 幫簽既差兩分鐘左右到
唔講人情唔比人入場搓都算 當你真係渣正講規矩
簽完啦set網都避你去到場外搓

跟住佢set網仲搞笑 6個人搞都搞兩三個字
場主已經講左要幾高 佢地就係度懶係比意見係度拗應該幾高幾高 最後佢地set完224
我地埋到去最後又要佢地再set過

再set過又係搞笑 一個人嚟搞
上面條魔術貼就一邊拉到勁盡 搞到另一邊太短
睇住佢set提晒佢都係執意要7一次
最後真係落埋手幫手搞先set得返個網叫正常少少
好地地人地卜兩個鐘 咁就比佢地玩左廿幾分鐘

仲未講有時入場人地上一節打籃球/羽毛球啲冷氣勁夠 啱啱好
一set完排球場即刻熄左冷氣咁 又焗又熱

有啲場仲撚搞笑 好聲好氣講完太熱可唔可以開返大少少冷氣
佢走去拎支溫度計出嚟話25度 啱啱好合乎唔知乜春
大佬呀打波要跑要跳要追波 25度真係跳幾下就出汗啦 坐office 班友真係離地到癲

打個排球又要睇班老野面色 有時冷氣場仲熱過熱狗場
大家都係比錢打場波開心下啫 搞到好似好撚低賤咁

我都想點名藍田南體育館🫠個燥底呀叔成日攞住個電鑽慢慢搞，仲試過卜兩個鐘 中間轉場 要再set過 我地啲妹就係3米線後繼續練緊本身個drill 佢冇啦啦發曬脾氣咁大嗌叫我地唔好再打波 要等佢set好先 話我地啲波打到佢嘅話會報警🙂

個電動鑽頭好撚嘈😂又慢😂
上次開個網開成四個字