想問下屋企好撚多蟻點算，用過好多蟻藥（粉，凝膠，噴霧）0作用，用過洗潔精、白醋水、漂白水抹過，乾咗又出返嚟
好耐以前我用過一隻日本的蟻餌係類似膏狀(一盒幾個細粒花形的半透明餌盒)，要放係蟻路附近同埋幾日都唔殺蟻，等佢搬野食(蟻餌)返去俾蟻后食，然後一鑊熟，之後我都冇見過蟻出沒🙈
假設你身處香港啦、走去五金鋪買「蟻粉」、啡色嘅粉狀包裝喺透明盒內，好土炮嘅様！
拎少少花生醬（約半隻尾指手甲咁多）放上白紙，混入蟻粉，唔好太少蟻粉（冇效）丶亦唔洗太多（想要保留甜昧引蟻食）。
當你見到一條蟻路丶係蟻路沿途用牙籤筆少少「花生漿蟻粉混合物」，每個位放一粒米咁多就夠。盡量唔好干擾啲蟻、佢哋應該會圍住粒混合物食。唔好打死啲蟻、唔好干擾佢哋，忍兩三日佢哋就唔見晒，你未必見到死蟻！但佢哋應該全族滅絕。
千祈唔好打死佢哋，食過花生醬啲毐就一隻傳一隻！
首先有無搵到條蟻路來源？上次我追條蟻路發現外牆爬入嚟，後來我封咗外牆個窿，噴滅蟻水，就無蟻入嚟
有 前個星期喺廚房封咗2個牆窿，廚房冇曬，但床 檯都仲有，冇蟻路，好零丁，殺完都仲有😭😭完全唔個邊到嚟
買台灣有隻叫一點絕，唔知你有無試過，我用過係幾work，不過一開頭你會見到好多蟻去食，佢地會攞返個竇，之後就成竇都死晒
你搵蟻路之餘，重要睇下點解會有
我果時租屋住地下，試過2次有，2次都係裝糖個袋穿，1次起雪櫃內，包返好過1日於無事
用唔用藥只係止到1-2日，重點要搵個問題出來
唔解決源頭，你永遠封唔哂，因為佢地好多地方入到，有次試過起抽氣扇條隙縫入
就係唔知點解會有 次次見到都好零丁，附近都冇嘢食殘渣🤦♀️🤦♀️
我之前試過又係咁時得時唔得
就算有d 用完開頭得之後又會唔食
後黎係用番之前唔得個d 佢又食番跟住就唔見哂
有一年落勁大雨 勁多日 就有蟻入侵
我即刻去實惠買殺牠死嘅蟻殺手 (因為連藥房都唔易搵但實惠通常有貨)
放佢哋條蟻路
消滅完佢哋嘅蟻路用洗潔精抹
因為佢哋用口水留低軌跡
你唔抹走口水 佢其他同伴嚟到
又會沿返條路行
每幾個鐘望吓有冇蟻返黎
有就又抹
如是者 淘寶嘅藥餌都未收到
密密戰鬥咗兩日就冇晒
你用個火機，開咗火，沿住嗰條蟻路，搵到個蟻竇，辣佢幾秒，之後就唔會再出現㗎啦