想問被補習老師非禮，冇證據係咪根本上庭贏不了，可以點算…🙏🏿
唔係…一般非禮女方都佔優…告咗先！
就算告唔入，佢個底花咗都唔可以再補習或教書
法律系可以答你：係
最難係證明你唔同意被觸摸至「毫無合理疑點」
只要有一個合理疑點係你有同意過嘅話 （例如after conduct 你有冇反面）
就唔會告得入 因為香港嘅性罪行法實在太落後🤡
打去比風雨蘭 問下，佢地對性暴力支援比較專業 https://rainlily.org.hk/chi/service 風雨蘭熱線：2375 5322
風雨蘭熱線由輔導員及受訓的女性義工接聽，為性暴力幸存者及其支援者提供協助
熱線運作時間 | 星期一至五：上午九時至晚上十時 ／ 星期六：上午九時至下午一時 （公眾假期休息）
風雨蘭chatroom
https://rainlily.org.hk/chi/safechat
係小型補習社冇cam，講左同報左警，但佢哋擔心我承擔唔到上庭嘅壓力🥹🙏🏿
慢慢諗 上唔上到庭都唔係問題 最緊要你自己okay 講左出嚟好叻已經
冇證據應該好難做吧，陣間又被佢反咬🥲Btw thxx🙏🏿
非禮係指性騷擾定係更過分果D？齋性騷擾嘅話可能難少少但都有機會，如果係其他過分嘢千祈唔好因為冇證據就放棄，唔好被嚇親唔夠膽講實情或者諗住就咁算！加油呀！
睇你話補習老師估你都未成年，未成年更加要為自己爭取公道呀🫂🫂記得保護好自己小心D個老師，唔知佢仲會做D咩出嚟
照告啦
口供都係一種證據，當然最好有其他更有力證據
但就算告唔入，都比個教訓佢，等佢以後收斂d
有好多案例冇證據都告得入， 但你要好詳情仔細清楚描述事發經過 ，最好而家自己寫低回憶一下，如果連呢樣都做唔到 唔想回憶嘅，就好難告得入，但同時又可能會有好多受害人同你一樣， 如果你夠strong 就勇敢啲， 唔夠strong 嘅都冇人會怪你
Frankly 你都講自己冇證據😅
你同你信任的人講先
你就係證人 你嘅口供就係證供
參考一下 法官係根據你嘅口供+庭上表現(辯方律師會好多野問你) 判決你係咪誠實可靠嘅證人 https://youtu.be/CkFNFu3AMNI?si=bA5vIVodi9_iUDmb
告唔告得入 視乎對方揾個律師勁唔勁
(社會一向有種講法 死都拗翻生)