想詢問一下大家對於排隊上巴士的禮儀，大家會選擇
A. 跟著隊伍走，繞一個圈
B. 站在原地等待前面的人上車後，再直走上車
？
話說我是選擇B的人，剛剛在等待前面的人上車時，後面那位大叔很兇的問「你行唔行啊？」
我：「個車門係呢度，一陣上，等等」
大叔：「唔行死開咪阻X住」然後推左我一下走左上前面，一路行一路鬧...
尷尬既係，因為我原地等待，個大叔繞過一個圈之後，又迎面見返我，大家四目交投。
佢覺得我阻住佢，一直都好嬲咁不停鬧我，我其實好想解釋佢知，繞一個圈行 上車唔會快左，同埋都幾想安慰佢，咁小事唔值得咁勞氣，不過我怕越講佢會越嬲，所以我選擇了沉默。

事後覺得自己思想好奇怪，佢鬧我和推我那下，我只係嬲左兩秒，反而想解釋佢聽，同埋擔心佢咁激動身體負唔負荷到，我諗我痴左線 🤣。

補充少少先

1. 唔知點解有人留言唔繞圈就會有人插隊及唔知跟緊邊個？我選擇B咁多年都無見過有人插隊，唔繞個圈姐，又唔係盲既。 🤔

2. 呢個係一條問題黎既，而我係會選擇 B，其實我覺得AB都無問題，所以大家唔使好似那位大叔咁勞氣咁 🤣

3. 原來咁多人會係無欄杆既情況下，仍然跟住地下條線繞個圈，我都幾震驚，因為搭左咁多年，其實全部人都企係度等，從未見過有人繞一圈，昨日係第一次見，而且昨日得大叔佢一個繞左一個圈，其他人都無行，可能係每個站獨有既文化 🤣

多謝大家既回應 🫡

其實後面長龍的話，後面啲人有機會會睇唔到前面咩事，就係知上上下車條隊停咗，會好驚走車.......

你唔郁，後面啲人點過？要問你又要繞過你，你唔覺得自己阻住人？

最撚憎你呢種
幾步都唔願行阻住哂

吓？ 排你後面啲人咪俾你頂住咗越排越出？ 香港地 路又唔係特別闊 個個似你咁排法成條路都block咗啦
有時同一條隊排兩架車你咁企係度又唔知係咪上呢架

我講緊巴士到左已經上緊車既上車模式，唔係排隊模式。

淨係顧自己方便
用個腦諗下做畫條線去排啦

排隊和上車唔太一樣，排隊大家會照排，但上車又真係唔係人人都會跟住條線繞個圈咁無謂喎，我覺得兩個做法都無問題，又唔使下下都咁勞氣叫人用個腦既 🤣

任何情況下，A 是最保險嘅選擇，因為：

1. 如果巴士提早滿人，你最後都係要跟隊尾行前，有點傻仔嘅感覺。

2. 喺你唔行嘅情況下，如果有新的人剛嚟巴士站排隊，佢淨係見到前面條隊郁緊，而你又冇郁，佢可能會直接排郁緊的隊尾，繼而造成混亂，或者有被其他人打尖嘅風險。

3. 有一啲站嘅排隊情況係唔止排一條巴士，可能有多個一個目的地，而你唔郁嘅情況，會令到後面懷疑你唔係上呢架巴士，繼而就想爬你頭，但佢並不是出於打尖的前題，所以都係會製造不必要嘅麻煩。

你好醒啊 好獨醒 但你錯晒.
又好多條線係共用同一條queue. 你唔行 即係你唔上呢架車 呢個社會共識黎. 時間上唔會快左 但社會效率會高左 你跟人行 會俾人地會知你嘅意圖.
排隊係一個跟一個 你小學冇教？你唔跟實條隊 一陣有人黎插隊嘅話 你係咪會負責維持返個排隊順序先？你點同人講你唔係禮讓緊佢？
人人都好似你咁諗 最後就變左冇左條隊 個個企係到等直線. 你點知跟緊邊個？

大叔冇錯 你係阻住人 唔行就讓返個位出黎. 一陣你等所有人上晒先上. （from 你嘅觀點 ）你上巴士嘅順序唔會影響到你到目的地嘅時間架

唔知點解唔繞圈就會有人插隊及唔知跟緊邊個？唔繞個圈姐，又唔係盲既 🤔
其實我覺得兩個都無問題，我亦無獨醒啊，其實全部人都企係度等，得大叔一個繞左一個圈，不過多謝你既提示 🫡

其實係C 行下行下個圈會越嚟越細 直至變到B咁樣 同時都確保每個人後面都有keep住移動

如果前面個人行，你應該跟住行。想像一下有新來乘客從巴士尾部行/跑過來，見你冇郁，直覺你唔係搭呢部車，就會直接跟佐前面斷開佐個像隊尾，不自覺地打佐你同後面人尖。

如果係B，索性唔使排啦，企喺紅色位等所有人上晒先上，又唔會阻住後面排隊嘅人，又唔會俾人覺得你係打尖

選你正解👍

我以為你企車門唔排隊 等條隊行完你再上 點知係企條隊中間 咁點會唔行啊

行多兩步啦懶閪

咁撚多人屌柒你都覺得自己冇問題
咪繼續自私落去囉
行多兩步都唔肯
抵你比呀叔屌啦

多謝賜教。我第一次見覺得新奇所以po，無諗到咁多人係咁。不過因為除左阿叔外，無其他人會兜個圈咁行 [可能係我地獨有文化 🤣]，得我一個兜圈實在太白痴，等下次有機會見到個阿叔，我一定陪佢。 🫡

人多嘅話咁樣會造成混亂，後面又唔知發生咩事無端端停咗，新嚟嘅人又以為之前嘅隊尾就係隊尾啦就直接去嗰度跟住上車，場景一片混亂，我就唔知樓主行多幾步有幾辛苦啦，明明行多幾步嘅事就可以大家一齊唔使亂

要幾懶先會揀B

無辦法，我坐左咁多年，無人係A咁行，咁我當然唔會咁白痴自己一個兜圈，可能係我地個站獨有文化。

用下腦都知B會畀人鬧啦，有啲後面睇唔清嘅以為前面唔上咪湧曬上黎？想行少啲咪行慢啲，轉彎前收細個彎佢

多謝賜教。我第一次見A覺得新奇所以po，無諗到咁多人反而會話B少見。因為除左阿叔外，無其他人會兜個圈咁行 [可能係我地獨有文化 🤣]。剛剛坐車經過個車站都係U型排隊，個個都紅線直接上，0個人跟藍色線兜，即刻影左張相 🤣 可能真係區區都唔同，收細個彎我都常見，anyway, 多謝分享。🫡

係吖最常見其實係收細個彎，即係半A半B囉，好多舊區路比較窄，唔一路行啲阿婆就鳩衝㗎啦

有無諗過如果部車上唔晒排隊嘅人，條隊係因為你慳幾步而破壞咗

下？？？關咩事啊？🙄

如果上唔晒條龍咪會比你搞到斷開製造假龍尾。

我都真係冇幾可見人企係原地等上車
你見得多係唔係因為你擋住左後面既人，佢地比你擋住左就梗係企係度啦

其他人都係咁，唔係得我，我無可能次次都剛好企那裡喇 🤣 我同你相反無幾可見人兜圈，可能真係個個站都唔同 😆

如果條隊長/人多 就跟住行啦...
後面啲人郁郁吓停咗唔知咩事
你唔郁其他人又可以攝入條郁緊嘅隊變相後面成村人比你搞到讓咗人打尖

如果你講緊叻仔嘅，我覺得你係嘅，反正都會返轉頭，等下就得使乜行。
但如果你講禮儀，我覺得B無可能叫得上禮貌。
排住隊一個跟一個上車本身就係禮儀，B呢種係省力方便，但係呢種叫標奇立異。

只要你呢種行為令到後面哪怕只有一個人感到害怕走車的情緒出現，呢種行為就已經唔係巴士排隊的禮儀。

巴士劃線俾你跟住行，有一套標準俾普羅大眾跟，你偏偏唔跟，行自己果套，又點叫禮儀呢？

我覺得佢係enjoy自己與別不同嘅做法，但完全忽略排佢後邊嘅人

真，獨醒L 屌都廢事

即係咁如果有條隊
你排緊係中間
然後條隊郁你唔郁等於你讓人先
你要到隊尾過左你上埋車先輪到你上

我係A

好意外咁多人選A，我搭左咁多年係第一次見兜咁大個圈，今日無撞到個阿叔，其他乘客全部都係B，全部直上 (咁我當然唔會咁白痴自己一個兜圈)。 有機會撞到個阿叔，我一定陪佢。😆

我咁多年嚟，好少先見到B
見得最多係跟住行行行，行到接近尾，先偷一兩個位唔行，尤其多人上車嘅站，更少見到B

剛剛坐車經過個車站都係U型排隊，個個都紅線直接上，0個人跟藍色線兜，即刻影左張相 🤣 可能真係區區都唔同，anyway，多謝分享 🫡

bro我明
但係香港人見到條隊行緊但係自己冇行就好似蝕鳩咗比佢咁
有時大家見到架車到咗啲人會自動拍埋半個身位 冇得行前就周身唔聚財咁
所以下次寧願龜速慢慢un都好過企係度
至少要比後面知佢哋係同條隊一齊行緊

行啦屌你，企向度又唔知你係唔上車定點，有d白痴鍾意唔係上車但塞向度，點知你係唔係果d人

Okay，多謝賜教。不過因為除左阿叔外，無其他人會繞個圈咁行，得我一個繞圈實在太白痴，等下次有機會見到個阿叔，我一定陪佢繞圈。 🫡

其實要睇條隊長唔長同埋危唔危險,
有時我係巴士總站上車,
如果唔行既話, 後面一路有新人排後面, 佢地新排隊既就有機會排左係馬路上面
呢個情況我會跟住行
如果中途站, 無乜人既話我會B

睇情況，多數揀A ，因為唔想同條隊隔得太遠，唔想有誤會發生，費時有人插隊，或者後面嘅人唔知以為你唔行又唔耐煩。

你啱呀，最好就企係到讓埋人地上哂車再排頭位等下班車

我明你意思但我會照跟住行廢事後面以為我唔上

跟住行最穩陣，香港好少大叔呢啲on9，一路行個u點都會越嚟越短。

Yes. 都會越行越細，最終變到直上。

如果係1，2個人，我都會等，但如果中間係5個或以上，我會跟番住前面行
其實我反而想知，係因為懶唔想郁定係其他原因？

最主要係因為我覺得行那個圈無任何意義，因為繞完個圈又返返起點，又唔會快左，唔知為咩。其次係因為個站9成9既人都唔會繞個圈，排左咁多年都係咁，忽然有個大叔一枝獨秀，得佢一個繞個圈。

條隊如果得你一個選B，條隊會斷左，可能有人會以為排你前面果個係隊尾，插左入去。

幾步路咋嘛，行囉，仲要企喺度阻閪住晒

冤枉，我無阻其他人，阻到個阿叔咋 😵‍💫 剛剛坐車經過個車站都係U型排隊，個個都紅線直接上，0個人跟藍色線兜，即刻影左張相 🤣 可能真係區區都唔同，下次遇到個阿叔，我會陪佢兜架喇，多謝賜教。🫡

如果我係龍尾，我會b，否則a。或者我唔會阻住人嘅情況下b，否則a。

前面啲人係a我會跟住a
前面啲人b我就跟住b😂

有次咁既情況不過中間有條欄杆
有條友係我前面唔行,咁我行,
去到上車位變相好似我打左尖咁想鬧我 ,
我咪話點知你塔唔塔呀天才兩步都唔行俾番你排囉懶醒, 一輪咀串番佢

狗巴有時畫地線都唔考慮到實際情況。首先已經唔再擺欄杆，單靠地線就唔應該畫個 180 度轉彎出嚟，盞令呢啲情況日日發生

其實我覺得兩個都無問題，我唔會因為有人繞個圈就笑佢，又唔會因為有人企係度等而鬧佢，只係疑惑其實都無快到，點解咁激動。🥲

前面d人唔行點知係咪想等下一架 後面d人想企位照殺就會越過你上車 你可以偷雞係轉彎位縮2個人既位 但唔可以係車門依個前面仲有咁多人既位咁做

都係一個好方法！
我個站個個排隊既人都係B，大家可能已經習慣左係咁，我第一次見A覺得新奇先po，估唔到咁多人係A 😆 你那個都常見

你行的話，流水式排後面啲人咪覺得終於郁喇，感覺無咁差，你企響度無問題呀，你上車之後，之後啲人唔式跟返條隊咁排先最大問題，變咗前面好多空位，後面打曬蛇餅

A 跟著行穩陣，你知幾多大陸人打尖架啦

唔會喇。我搭左咁多年，第一次見人繞圈，覺得新奇先 po threads。今日已經無見到個阿叔，我如果再遇返佢，一定陪佢繞。🤣

少人嘅話可以

你唔想跟住行，就一早唔好排企旁邊等所有人上晒先上
你企喺度唔郁啲人就會諗你係唔係唔上住，驚司機誤會開車走（尤其是有幾架車的站）
總結你可以企，但都一定有機率俾人鬧，而被鬧係抵你

後面d人咪畀你阻住晒囉

你排呢個位正常就要跟隊行
如果中間冇欄杆隔開
我都有可能原地等前面郁慢慢清個U

除非我埋去未入隊但上緊人
我就企車門附近等條隊清晒先上車

企中間就唔好唔行啦😂默認你唔上呢班車㗎。

係咪263🤣