想詢問一下大家對於排隊上巴士的禮儀，大家會選擇
A. 跟著隊伍走，繞一個圈
B. 站在原地等待前面的人上車後，再直走上車
？
話說我是選擇B的人，剛剛在等待前面的人上車時，後面那位大叔很兇的問「你行唔行啊？」
我：「個車門係呢度，一陣上，等等」
大叔：「唔行死開咪阻X住」然後推左我一下走左上前面，一路行一路鬧...
尷尬既係，因為我原地等待，個大叔繞過一個圈之後，又迎面見返我，大家四目交投。
佢覺得我阻住佢，一直都好嬲咁不停鬧我，我其實好想解釋佢知，繞一個圈行 上車唔會快左，同埋都幾想安慰佢，咁小事唔值得咁勞氣，不過我怕越講佢會越嬲，所以我選擇了沉默。

事後覺得自己思想好奇怪，佢鬧我和推我那下，我只係嬲左兩秒，反而想解釋佢聽，同埋擔心佢咁激動身體負唔負荷到，我諗我痴左線 🤣。

你啱呀，最好就企係到讓埋人地上哂車再排頭位等下班車

補充少少先

1. 唔知點解有人留言唔繞圈就會有人插隊及唔知跟緊邊個？我選擇B咁多年都無見過有人插隊，唔繞個圈姐，又唔係盲既。 🤔

2. 呢個係一條問題黎既，而我係會選擇 B，其實我覺得AB都無問題，所以大家唔使好似那位大叔咁勞氣咁 🤣

3. 原來咁多人會係無欄杆既情況下，仍然跟住地下條線繞個圈，我都幾震驚，因為搭左咁多年，其實全部人都企係度等，從未見過有人繞一圈，昨日係第一次見，而且昨日得大叔佢一個繞左一個圈，其他人都無行，可能係每個站獨有既文化 🤣

多謝大家既回應 🫡

其實後面長龍的話，後面啲人有機會會睇唔到前面咩事，就係知上上下車條隊停咗，會好驚走車.......

企中間就唔好唔行啦😂默認你唔上呢班車㗎。

你唔郁，後面啲人點過？要問你又要繞過你，你唔覺得自己阻住人？

咁撚多人屌柒你都覺得自己冇問題
咪繼續自私落去囉
行多兩步都唔肯
抵你比呀叔屌啦

你好醒啊 好獨醒 但你錯晒.
又好多條線係共用同一條queue. 你唔行 即係你唔上呢架車 呢個社會共識黎. 時間上唔會快左 但社會效率會高左 你跟人行 會俾人地會知你嘅意圖.
排隊係一個跟一個 你小學冇教？你唔跟實條隊 一陣有人黎插隊嘅話 你係咪會負責維持返個排隊順序先？你點同人講你唔係禮讓緊佢？
人人都好似你咁諗 最後就變左冇左條隊 個個企係到等直線. 你點知跟緊邊個？

大叔冇錯 你係阻住人 唔行就讓返個位出黎. 一陣你等所有人上晒先上. （from 你嘅觀點 ）你上巴士嘅順序唔會影響到你到目的地嘅時間架

如果係B，索性唔使排啦，企喺紅色位等所有人上晒先上，又唔會阻住後面排隊嘅人，又唔會俾人覺得你係打尖

淨係顧自己方便
用個腦諗下做畫條線去排啦

未見過人唔郁，企係到等
你話後面都唔郁
係後面班人比面你，廢事爬你頭比你話打尖咋

如果前面個人行，你應該跟住行。想像一下有新來乘客從巴士尾部行/跑過來，見你冇郁，直覺你唔係搭呢部車，就會直接跟佐前面斷開佐個像隊尾，不自覺地打佐你同後面人尖。

睇情況，多數揀A ，因為唔想同條隊隔得太遠，唔想有誤會發生，費時有人插隊，或者後面嘅人唔知以為你唔行又唔耐煩。

任何情況下，A 是最保險嘅選擇，因為：

1. 如果巴士提早滿人，你最後都係要跟隊尾行前，有點傻仔嘅感覺。

2. 喺你唔行嘅情況下，如果有新的人剛嚟巴士站排隊，佢淨係見到前面條隊郁緊，而你又冇郁，佢可能會直接排郁緊的隊尾，繼而造成混亂，或者有被其他人打尖嘅風險。

3. 有一啲站嘅排隊情況係唔止排一條巴士，可能有多個一個目的地，而你唔郁嘅情況，會令到後面懷疑你唔係上呢架巴士，繼而就想爬你頭，但佢並不是出於打尖的前題，所以都係會製造不必要嘅麻煩。

跟住行最穩陣，香港好少大叔呢啲on9，一路行個u點都會越嚟越短。

其實要睇條隊長唔長同埋危唔危險,
有時我係巴士總站上車,
如果唔行既話, 後面一路有新人排後面, 佢地新排隊既就有機會排左係馬路上面
呢個情況我會跟住行
如果中途站, 無乜人既話我會B

吓？ 排你後面啲人咪俾你頂住咗越排越出？ 香港地 路又唔係特別闊 個個似你咁排法成條路都block咗啦
有時同一條隊排兩架車你咁企係度又唔知係咪上呢架

bro我明
但係香港人見到條隊行緊但係自己冇行就好似蝕鳩咗比佢咁
有時大家見到架車到咗啲人會自動拍埋半個身位 冇得行前就周身唔聚財咁
所以下次寧願龜速慢慢un都好過企係度
至少要比後面知佢哋係同條隊一齊行緊

有次咁既情況不過中間有條欄杆
有條友係我前面唔行,咁我行,
去到上車位變相好似我打左尖咁想鬧我 ,
我咪話點知你塔唔塔呀天才兩步都唔行俾番你排囉懶醒, 一輪咀串番佢

如果你講緊叻仔嘅，我覺得你係嘅，反正都會返轉頭，等下就得使乜行。
但如果你講禮儀，我覺得B無可能叫得上禮貌。
排住隊一個跟一個上車本身就係禮儀，B呢種係省力方便，但係呢種叫標奇立異。

只要你呢種行為令到後面哪怕只有一個人感到害怕走車的情緒出現，呢種行為就已經唔係巴士排隊的禮儀。

巴士劃線俾你跟住行，有一套標準俾普羅大眾跟，你偏偏唔跟，行自己果套，又點叫禮儀呢？

條龍點郁個人咪點行

條隊如果得你一個選B，條隊會斷左，可能有人會以為排你前面果個係隊尾，插左入去。

要幾懶先會揀B

我都真係冇幾可見人企係原地等上車
你見得多係唔係因為你擋住左後面既人，佢地比你擋住左就梗係企係度啦

比咁多人話你唔啱都自以為是，結論咪就係你唔識排隊囉

有無諗過如果部車上唔晒排隊嘅人，條隊係因為你慳幾步而破壞咗

即係咁如果有條隊
你排緊係中間
然後條隊郁你唔郁等於你讓人先
你要到隊尾過左你上埋車先輪到你上

我以為你企車門唔排隊 等條隊行完你再上 點知係企條隊中間 咁點會唔行啊

其實係C 行下行下個圈會越嚟越細 直至變到B咁樣 同時都確保每個人後面都有keep住移動

你行的話，流水式排後面啲人咪覺得終於郁喇，感覺無咁差，你企響度無問題呀，你上車之後，之後啲人唔式跟返條隊咁排先最大問題，變咗前面好多空位，後面打曬蛇餅

最撚憎你呢種
幾步都唔願行阻住哂

少人嘅話可以

我係A

人多嘅話咁樣會造成混亂，後面又唔知發生咩事無端端停咗，新嚟嘅人又以為之前嘅隊尾就係隊尾啦就直接去嗰度跟住上車，場景一片混亂，我就唔知樓主行多幾步有幾辛苦啦，明明行多幾步嘅事就可以大家一齊唔使亂

行多兩步啦懶閪

狗巴有時畫地線都唔考慮到實際情況。首先已經唔再擺欄杆，單靠地線就唔應該畫個 180 度轉彎出嚟，盞令呢啲情況日日發生

你唔想跟住行，就一早唔好排企旁邊等所有人上晒先上
你企喺度唔郁啲人就會諗你係唔係唔上住，驚司機誤會開車走（尤其是有幾架車的站）
總結你可以企，但都一定有機率俾人鬧，而被鬧係抵你

A 跟著行穩陣，你知幾多大陸人打尖架啦

如果係1，2個人，我都會等，但如果中間係5個或以上，我會跟番住前面行
其實我反而想知，係因為懶唔想郁定係其他原因？

而家好多巴士站一條隊要排幾班唔同排頭嘅車，由其係朝早好多特別班次，P/X/C 都可能同一條隊排，你咁做好影響後面嘅人

幾步路咋嘛，行囉，仲要企喺度阻閪住晒

人哋識讀心咩 以為你阻街炸

行啦屌你，企向度又唔知你係唔上車定點，有d白痴鍾意唔係上車但塞向度，點知你係唔係果d人

我以我搭開個架小巴嘅情況
因為繁忙時段會排到好長龍，甚至會排埋出車路位置(啲人通常會貼住行人路駁位排)，如果按B，再有人嚟排，條隊就會繼續排到出晒去。所以一般最好係做A，繼續行前，後面條隊先可以有位置縮短。當然B係慳力嘅，但A都唔會嘥好多時間同腳骨力，又可以即時等排後面啲人有位企返上行人路，以免突然發生意外。

我會係A同B中間
會郁但行慢啲

用下腦都知B會畀人鬧啦，有啲後面睇唔清嘅以為前面唔上咪湧曬上黎？想行少啲咪行慢啲，轉彎前收細個彎佢

佢推你，爆粗呢樣佢唔啱
但你唔行，有機會製造混亂，你唔啱