📌 我以為演唱會觀眾發生
共 54 條紀錄
我以為演唱會觀眾發生意外即刻暫停演出係常識
睇完SJ kspo單嘢先發現原來危機處理可以咁差🥶
個星嚇呆左醒唔起可以開咪叫人情有可原
但咁大件事sm知道後應該好似紅館跌mon咁即刻叫停個show開大燈救人至啱
咁多人一齊係1樓跌落B1喎？？？
就算未知詳情 淨係聽到都已經知嚴重事故要即刻開大燈處理傷者啦
唔明點解仲可以繼續
班tm仲可以spin去叫停會導致人群恐慌人踩人???
已經係最後一首歌所以可以唱埋佢唔好嚇親觀眾？？？？
FYR CNBLUE淨係發現一個fans暈咗都即刻叫停個show處理
本身以為係基本處理，依家先發現唔係間間公司都咁有人性🙏🏻
我知道個星都已經盡咗力去搵人幫手
所以我覺得星冇問題 我一直都係討論緊sm嘅處理手法
所以elf唔需要為左幫個星護航而不斷洗白sm嘅處理方法冇問題
我並不是針對SJ，SJ都係我嘅二代團回憶嚟
另外有啲人話啲傷者冇嚴重受傷所以唔開使暫停
但在場冇工作人員係醫生，點樣分斷到傷者有冇內出血同其他睇唔到嘅內傷？
我係琴晚有份入場嘅觀眾，我會建議你做多少少資料搜集先
1. 厲旭冇嚇呆咗，佢見到就即刻衝落 去搵工作人員救人
2. 完場一著燈果刻有好多人（包括我）見到有擔架床推咗傷者出去，如果係冇即時處理傷者，應該唔會咁快上到擔架床仲推埋出會場
3. 其實完場果刻會場職員已經叫晒附近啲觀眾即刻離開，遠離事發位置
4. 事發到完場只係5分鐘內嘅事，工作人員亦都同時處理緊傷者（而且當時係Encore嘅Encore大部分燈都開咗，個場都好光）
🙏🫡其實唔駛同出文者解釋咖
佢一心捧另一公司
佢一心踩SJ
我哋仲要解釋?？？
全球直播中加最後一首歌唔停有咩問題。而且人哋都即刻處理咗，開大燈叫停有加快處理件事？佢哋有9個成員，分散周圍巡場中，粒星叫停，staff要立即搵佢哋都有一定困難啦。
Staff有第一時間處理傷者，第二有立即疏散該區嘅觀眾
真係睇唔出危機處理有幾差囉
🙏🫡其實唔駛同出文者解釋咖
佢一心捧另一公司
佢一心踩SJ
我哋仲要解釋?？？
1.厲旭當時已經好急腳落嚟搵工作人員（尖叫聲係因為大家都唔知發生咗事 見到粒星過嚟就嗌）
2.當時已經到最後encore環節 係已經講咗完場之後再出返嚟唱最後一首歌 今次座位嘅設計 係大家都好難望到其他區發生咩事 貿貿然停嘅話一定會引起驚慌 而且當時線上直播緊 各大地區嘅戲院都同步放送緊 如果真係停 就唔係現場觀眾驚慌咁簡單
3.厲旭落咗嚟搵工作人員之後 好多工作人員就出咗嚟處理 之後好快就出現擔架床 但一直到看台同企坑散場 都未見到有傷者俾抬出（我企嘅位置喺正佢哋工作人員出入口度 而且我個坑係當日最遲離場嘅 所以我好清楚個段時間咩事）
其實呢件事發生個時
已經係encore 到最後既最後
當時其他其員、工作人員都未即時知道發生咩事
而厲旭同最附近既工作人員
已經處理中
然後已經encore完 全部成員都急急腳落台 唔係有理無理繼續喎
同個傷者係跌落去後台
開大燈有咩幫助？
紅館係發生係舞台正中
當然要即刻叫停同開大燈啦
如果今次個fans係跌落場中間
相信佢地都會叫停同開燈
唔好睇一少段片就覺得佢哋危機處理有問題
兩單嘢情況唔一樣 點可以比
Mirror 當時個刻我係睇住live 既
呢個我更加係現場 睇住事故發生後既情況
🙏🫡其實唔駛同出文者解釋咖
佢一心捧另一公司
佢一心踩SJ
我哋仲要解釋?？？
唔知你點樣得出呢個結論
但尋晚作為同區既人，
我見到旭落台後，好快已經有staff去到無左欄杆個個位擋住，應該係防止再有事發生。
而係歌手落晒台後，我地個區係第一時間開晒所有通道被請離開，係連bts都未完就走，等佢地可以爭取時間處理狀況。
其實呢個情況開大燈叫停有咩用？每一個工作人員＆救護人員都已經做緊野。如果叫停，可能會造成恐慌，畢竟個場咁大，可能過多兩個區都唔知有事發生。
而家呢個處理，就係其他觀眾可以順利離場同時，工作人員都處理好個事件🙏
我都有你一樣感覺，樓主跟本帶風向，亂評一通，處理手法唔可能每次事故都一式一樣，多餘
高水準危機公關唔係告知全世界我好會處理意外事件，而是用最低成本完美解決事情
我唔覺得佢crisis management 好差 可能你唔係好知咩係crisis management
唔係話有野就第一時間通晒天叫做好
係停止更大傷害，同埋balance 所有stakeholder 既利益先係一個好既crisis management
跌mon係台上面發生，同今次根本比較唔到
你話如果係坑度有人踩人，即刻停都叫阻止件事再惡化
但當時果個範圍已經有足夠既人力物力去處理，亦唔影響其他範圍既人
開大燈call 晒全場既用意係咩？呢個行為點樣令件事變得更好？全場集氣祈禱？得缺點冇優點，公司做乜要搏？
如果即刻停左場show會製造現場恐慌，即時散場搞到交通阻塞會阻住救護車出入。咁樣真係一個好既危機處理咩？
傷者係跌左去後台台下，而且其實都有即刻叫人處理傷者，冇因為演出而耽誤到，甚至睇到既歌手本人都冇繼續演出，去左跟進同關心情況，唔認為同係台上發生既紅館事件有類比性。另外，暫停演出可以幫到件事就話姐，當下該做既野都有做，工作人員亦跑左去幫手，唔認為暫停演出幫助到救援。
🙏🫡其實唔駛同出文者解釋咖
佢一心捧另一公司
佢一心踩SJ
我哋仲要解釋?？？
你啲公關同危機意識都有待進步啦，見到形勢唔對路先pin係度兜，仲怪返ELF轉頭都幾搞笑😹
你個例子係主唱好彩發現到有人暈咗，佢唔停唱點叫到staff救人？係企位冇曬意識嘅人當然要開大燈啦。企位咁多人實有機會望唔到，點搵？
SUJU呢單，SM咪call咗白車，即晚公開道歉，賠錢了事。意外都發生咗仲可以點？SM都已經幫緊kspo+外判兜啦。同埋傷者都唔想搞大件事，kspo自己個欄杆揸流攤關SM咩事？講多兩句怪埋保安冇維持秩序啦。係咪要打爛埋現場保安人員嘅飯碗先安落呢？😹
傷者依然有意識㗎。同埋佢哋已經唱最後一首歌。傷者有意識，雖然冇心情，但應該想聽埋半首歌掛。等多幾分鐘，架白車都到啦😹去現場救人嘅急救員冇xray透視眼㗎，醫生檢查完都話冇事😹
提早開大燈，係咪想全世界panic，搞到冇曬氣氛？嚇一嚇全場，信唔信啲人會提早走？到時幾萬人塞住門口+馬路，傷者出唔到去邊個負責？
「咁多人一齊跌」，其實你有無睇清楚每條片？
不幸中之大幸沒有非常多的粉絲跌落，片中清楚見到有三個粉絲跌落，但並不是你誇張講法到 「咁多人一齊跌」！
呢個時候見到好多落井下石，斷章取義，作故仔嘅人出現，唔知為乜，我只希望受傷嘅人早日康復，SJ 團員亦不要自責！安全問題，必須再作檢討🙏🏻🙏🏻🙏🏻
你喺唔喺現場？你有冇見到？其實嗰陣已經最後一首歌仲要唱到尾，成員都即刻衝咗落去救人，你仲想佢點樣stop? 係咪要即刻停晒所有音樂，全部成員一齊跑晒落去你先ok? 嗰個位附近工作人員都已經處理緊，仲有紅館係表演途中成個mon落嚟壓住左個人，你拎呢兩樣嘢嚟比你有冇事？
SJ 成員會同粉絲一同去醫院真係好好，唔該比較唔好搵紅館果單比啦！
啲staff已經即刻去處理，suppose佢地評估過當時情況，事實傷者事後都有po 文講佢地稍為定神已經見到2位成員及其他工作人員已喺佢地身邊了解及照顧。我唔認為咩都即刻叫停，而導致全場恐慌係一件正確既事
其實你唔系現場唔知當下情況唔該你就收聲啦🤷♀️
重扮2代團回憶🤭
其實係最後1首歌 staff既反應都好快
觀眾都仲執緊野準備行去門口個陣已經抬左最嚴重既傷者出去
另外兩個傷者係後面跟著行埋出去
你肯定呢個時候停歌+開燈係最合適既做法？處理會再快左？
先唔好講其實呢首歌個陣係開曬燈 成個場都好光lol
我覺得唔需要同d 傻既解釋 Cnblue 會唔會全球直播？答案係唔會！你拎SJ黎對比你都有問題啦🙃🙃黑粉 睇清先再po 文
其實你都係想同人講，你自家哥哥可以點樣處理得更好？笑左，鄭容和黑粉？
我地呢d 在現場目擊事件的人有資格亦有責任話你知，發生呢件事的瞬間個星同d staff 已經即刻處理傷者同維持意外區域秩序，個show 亦on schedule 5 分鐘內結束。當時場內其他區域的觀眾因為角度問題不太望到發生咩事。如果你的判斷係即刻cut 歌開大燈才是正確，認為唔會嚇親其他觀眾，更斷定絕對唔會引起更大混亂，咁我可以建議，永遠留喺屋企唔好參與群眾活動才是最安全
其實人群無想像中咁理智 呢單野係觀眾席欄杆有事 如果台上既人唔保持冷靜 或者突然開大燈叫停 引到其他看台不知情既觀眾騷動 大部分人只會憑直覺走位 而唔係留喺原地 再擠壓到看台個垃圾欄杆位 又冧多幾圍其實仲危險
而你舉例既 一個係台上既意外 當然需要立刻停止台上演出 救人SOP先可以進行 另外一個係搖滾區暈低 搖滾區本身就擠迫 需要台上既人即刻叫停 引導搖滾區既人保持冷靜疏散救人 但今次係看台位安全問題 有2/3都係看台位 「看台欄杆冧咗有危險」呢個資訊 已經足夠引起混亂
我明你。我第一次睇段片都心諗唔係即刻開咪停一停救左人先咩？我真係第一時間就咁諗。仲唱乜Q? 個意外睇落都幾嚴重下
你係咪果啲喺條街上面見到人地暈咗 跟住衝埋去搞到人哋本身係缺氧暈 然後傷者更加冇氧氣可以吸到嘅on9?
即係想全場萬幾人望住幾位傷者？再增加恐慌？加上有直播會難啲處理，厲旭搵工作人員呢個做法已經係最好，怪嘅反而係藝人同粉絲近距離接觸點解冇staff 傍住
睇個post就知淨係睇傳媒出post，根本冇跟到成件事同後續
我兩場(CN高流及昨天SJ) 都親身睇到佢地有即時緊急處理，若不清楚實情就不要胡亂比較批評或帶風向……兩個事件都不同！昨天出事後成員已即時搵多名工作人員恊助及到後台或醫院陪伴傷者治療，所以唔好胡亂批判或令任何偶像招黑！
因為是最後最後安可第二首歌了。根本不到兩分鐘內演唱會就結束了。
這個時間點拿麥克風宣告，造成一萬多人的恐慌才是蠢。
？？第一下系呆左但有即刻沖去叫工作人員，同埋其實當時在場我都唔知有發生事，我周邊都無人知，好多人都系完場聽人講先知，所以無嚇親觀眾！請了解清楚先
清者自清，唔係下下都要開大燈既
仲有首歌完結同出事 時間短到只係一分鐘內既事
工作人員聽耳機報告都要啲時間啦
好心你唔好係唔係都屌人，查實呢邊唱緊歌，嗰邊已經救緊人，到最後冇一個fans危殆。我真係唔知你仲有咩好屌。維護場景秩序，唔好造成觀眾恐慌都係職員責任所在，冇人想fans最後帶住心理陰影走人。balance返傷者同粉絲利益都係同樣重要。講常識大把人勁過你，更加唔好講搞大型event嘅專業人士，但你唔係最pro，只係叫唯恐天下不亂，攪屎棍
跌mon 係台中間，影響表演，梗係要停啦。暈左既人被其他觀眾圍住，唔叫停散開啲人staff點來救佢。呢三個傷者本身跌左係無人地帶，急救員去救就ok la, 叫停表現等更多唔知情既中圍埋去圍觀更阻礙救援？？
應該因為即場處理下三個傷者都無嚴重受傷？我見三個傷者個後記都有講對公司同artist嘅處理接受同滿意
唔知你係有心踩星定踩團定仲有紅館陰影。危機管理有一定程序。當日仲live緊，肯定團隊確認問題可handle先繼續。其實睇片即使隔離區既人都唔知咩事。如果當時係有火箭大炮跌落嚟就緊係大家逃命啦。仲有枝咪非粒星control,係幕後，你真係有心屌都要揾啱人。
見到呢d唔理前，唔理後，淨帶風向既post，感覺好噁心😢我以為微博先有
喺舞台上面有好多突發狀況，要用返應對嘅方法去做，要執生，唔係次次都要開大燈乜都停晒去處理，係唔影響個表演前題去做嘅決定，係要唔好嚇親觀眾情況下處理，佢哋已經做咗二十年，公司冇教佢哋都識處理，旭已經做得好好，完全唔明啲人反乜嘢，唔在場嘅憑乜批評人做唔好危機處理？
人哋即時迅速處理好
傷者都已經得到妥善嘅照顧 仲要出埋文講返當時嘅情況
你就喺度睇幾條片 咁大聲打咁大段嘢嚟踩
講真，我真係以為同（）先會咁諗嘢同講嘢同做嘢，多謝樓主俾我見識到原來都有香港人係同款
我建議你搵2下資料先講
我個日就係同區下幾行，仲要東海始源見到欄杆跌咗即刻叫大家企後冷靜
其實個度已經係結尾嘅第2次encore就完個時
根本唔係演唱會中間環節，即係演唱會已經做完啦
停乜嘢
同埋工作人員即時處理傷者同現場
旭即刻衝去搵工作人員就係要搵救護
有救護車standby ga，所以工作人員即刻聯絡救護人員呀
乜都唔知就鬧，你真係覺得自己啱哂㗎wor
算數啦，佢地唔係ELF唔會去睇粉排現場片都正常，而家聽聞報導報到偏差晒，同埋香港人睇少少扮代表做批評 都係常態，清者自清 同埋受傷既朋友都出左post，希望我地既ELF朋友早日康復，其他人中意點講就由佢
其實當時係encore既最後一首歌既最後嗰段
距離真完場係5分鐘內既事
本身已經開哂燈好夠光
粒星+隊友即刻搵人幫手
其他隊友首歌一完都已經即刻落台
我事發就坐正隔離嗰區
staff已經勁強硬要我往反方向退場
其實你想sm點做得好啲?
係咪要開個大射燈影住個事發現場?
我有朋友係現場當晚都唔知發生呢件事，係過後先知。佢哋唔剎停，好多elf都唔知，話曬個場大好多都係留意自己粒星。
認真問
邊個point令你覺得冇人性？
叫停個show開大燈等全場人集中嗰幾個傷者=好嘅危機處理？
全世界停低你眼望我眼會快得過直接去叫staff救人?