我有較嚴重皮膚敏感，都少出去食嘢，兩年前即2024年6月，我個晚唔想煮，入咗去一間地獄級茶記，嗰晚九點幾都爆場嘅，我已專登帶了口罩，自己一個人行入去搵位坐（己經揀吉枱，樓面行過嚟，我仲以為幾好喎，咁快嚟落單，點知佢係講
「唔該你出返去」，由入去到「被趕走」，唔夠2分鐘，咁個心喇住咁，個個耷低頭食嘢或者玩緊手機，咁我咪出返去囉，跟住返屋企喊咗2-3日，呢間野喺旺角的花園街，2019年開張幫襯到2024年，都一直都相安無事，個次應該喺，門口個收銀阿婆，叫個樓面趕我走，唔關其他客人事，間垃圾叫光X冰室，記住就算幾平、同餓死都絕對唔好幫襯，店員同收銀阿婆依家成日係門口叫人入去幫襯，我都唔知幾開心，幾心涼..
等陣先 你有皮膚病其實唔關人事 你返屋企喊果d理解你唔開心 我又見到人山人開 係咪你無排隊 人地叫你出去？
身體嚴重敏感>返屋企喊咗兩至三日>隔咗幾年仲懷恨在心
不如你去睇睇醫生啦 你好似好大壓力咁
兩年前嘅嘢兩年後開個po講，出張相打段文字⋯咦呢排係咪有咩行動🤔
我有較嚴重考古狂熱 ，都多影相，6600萬年前，個日無啦啦有粒隕石撞地球(呯一聲)，好多灰，我仲以為好快會散，無事
由2.5億年前，統治左地球1.8億年，話死就死，個隻暴龍，仲食緊隻三角龍，佢都以為係小事，個天無啦啦黑哂，個地球一直到相安無事，個次應該都係，但最後遮天蔽日左好耐，班畜生死晒，地球進入咗冰河時期，死左個班畜牲叫恐龍，而家隻恐龍得翻啲骨成日擺係到俾人睇，我都吾知幾開心….
信吾信我瞓唔着9打篇文都多like過你
你當時爆場無排隊俾排緊隊嘅人細細聲向店員投訴？而你又無為意要排隊？（9估）
好得閒睇曬你成個ig，我相信你有去食嚟間餐廳，亦都相信係你嘅立場上：你係唔好受
不過假設餐廳係因為你提及嘅皮膚敏感，咁都能夠理解餐廳嘅做法
老實講無人知道你嘅皮膚問題係有無傳染性，佢要確保所有食客安全
即使餐廳知無，亦無可能逐一同其他客人交代，可能有人擔心而離開，亦有可能有人擔心而唔再嚟
明白你感受，我睇咗你啲相，以上你打嘅嘢係你個人嘅感受，你好唔開心，有皮膚敏感唔係你想，你只係想係餐廳到好好食飯，佢的確影響咗你心情
然而我認為唔適宜係一個咁公開嘅社交媒體上表達一啲比較個人嘅睇法
其實佢哋得一句說話「唔該你出返去」，未必係你諗咁，又或者係你諗咁，但無論點，希望你可以唔好過於執着他人嘅睇法，你都諗咗2年係時候放過你自己
最後，可能他人未必善，你亦可以以善為之
唔係話要幫住間嘢，不過你 2019 食到 2024 一直都冇事，夥記叫你出返去似乎係因為人地爆場你唔排隊衝入去坐低，咁會唔會係你唔啱先呢？似乎成件事亦唔關你咩皮膚敏感嘅事喎。
定係呢個係逆向宣傳，你想證明呢間嘢食物OK食足六年都唔厭？
3/10，故事進度流暢但內容過於空洞，虛偽。建議及早睇醫生控制病情
你入餐廳都已經九點幾，仲要已經爆場，其實係唔係人地已經截咗單所以先叫你走
其實睇你啲post
食咁多甜野係會令身體長期發炎
皮膚：暗瘡、敏感、紅腫、出油、暗黃
個主因係你自己造成
Btw希望你花啲時間了解自己身體
飲食同運動可以改變體質
而唔係一味埋怨人歧視你
如果佢哋因為你有病趕你走, 點解你唔去平機會投訴佢哋, 等两年先開post 講？
你係咪無排隊之類直接行入去坐所以俾人趕走？同埋成單野關皮膚病事？唔好拉埋d唔關係既野一齊講
如果呢個故事係真 你唔止要睇皮膚科，仲要睇埋精神科
當初掛住黃~但食物質素差到嚇死人~行過大把好野食過佢
建議你着返當日裝束，再去多次，並拍片俾大家睇。
我信你！我都試過喺荃灣分店受到不合理兼無禮對待！
拎住黃店光環唔憂做咁！好多人盲目追捧佢不理是非黑白！祝佢早日收檔！
收左錢做打手都比d質素啦
插隊想屈人歧視？
有病睇醫生啦
24年發生，而家26年都咁計較，你嘅壓力都好大下，而且你見爆晒但問都唔問下就入去座4人枱位，你有冇問下個位可唔可以座有冇人等緊，唔趕你趕邊個
閣下嘅心胸相當狭窄，2年前嘅事記到依家仲要開post 講, 做你朋友都恐怖！