我真係想問吓各位，到底啲男人嘅腦結構係咪有問題？🙄
早幾日因為影一張相，我同嗰個所謂男朋友喺間 餐廳度嘈到差點要分手。 講出嚟都覺得丟架。🤦♀️
件事係咁嘅：
今日出街，我特登早兩個鐘起身，化個 Full Make-up，set埋頭髮，着埋條新買嘅裙
係，我係遲咗 40分鐘。
但係我遲到係為咗邊個？咪係為咗俾你帶個靚靚女朋友出街囉！ 唔通我想自己化到隻鬼咁，俾你班豬朋狗友笑呀？我不惜犧牲睡眠時間嚟裝飾你嘅面子，你仲好意思喺地鐵站黑我面？有無搞錯？🤷♀️
去到餐廳，嘢食嚟到，咁靚，我肯定係要相機食先㗎啦！📸
我影咗幾張，試咗幾個角度，前前後後唔夠 3 分鐘。
佢竟然已經喺度西面，仲好惡講：「影完未呀？我好肚餓D野食凍晒啦，打卡係咪咁緊要呀？」 😠
我真係笑咗。
凍晒？你個腦先凍晒呀。
依家啲餐廳 Fine Dining 出嚟都係溫溫吞吞嘅啦，你估食譚仔呀？凍你個死人頭咩。
#港女日常 #拍拖 #打卡 #影相 #相機食先 #出街 #遲到 #毒舌 #駁嘴 #男人唔識嘢 #Threads #求同路人
遲到40分鐘都仲可以咁老撚憑，手腳慢咪早4個鐘起身
你係重視另一半，就應該倒塔咁早化妝，唔係遲到40分鐘
張圖冇靚靚嘅女朋友提供，又冇靚靚嘅嘢食，嗰兩粒藥確實啱你食
好啦，咁同男朋友分手未？
溫溫吞吞，應該係用嚟形容一個人行動唔夠爽快，好「mi mall」。唔係溫度剛剛好，適合你立即吞。
要男朋友等自己40分鐘，仲要唔俾人地肚餓發脾氣。你點解好意思post上網？
fine dining一向15分鐘逾期不候，就算我提早book落咗幾千蚊訂都一樣，唔知你食咩fine dining可以畀你遲40分鐘😛😛😛，btw你遲到咁耐有冇同人say sorry, 係我嘅話等你15分鐘唔見人就走餐廳食住等你啦lol
其實我真心覺得價值觀唔符就分手 兩邊都有自己的想法 但如果你真心愛對方就會在乎對方的感受 同埋你扮靚唔係完全為左對方 都係為左自己開心啦 如果係我為左打扮遲到我都會撒嬌say sorry氹番佢 而唔係一昧怪對方西面lor
其實作為女人， 我都好憎人遲到， 呢個係對人唔尊重同唔成熟既表現。 如果你覺得你化個裝著條裙係氹佢開心， 可以 但你早四個鐘起身 仲有唔好係咁影相， 其實真係 … 真係好添煩 ， 而且俾人覺得你冇咩見過世面（呢個係純粹女人既諗法） 成熟一點 男人會覺得你矜貴點
1. 早兩個鐘起身即係幾點？
2. 遲咗四十分鐘，到達後第一句同男朋友講咩、同佢朋友講咩？
假設篇文係作既，內容反映一堆鍾意情緒勒索港女心態
假設篇文係真既，內容反映一個鍾意情緒勒索港女日常
又話同男友fd一齊出街，但食飯個part 就得番2個人？
AI文，完
都幾得意，已經早起身，但最終都遲40分鐘，你先要管理一下時間觀念，係條街/餐廳白白等40分鐘，有嘢睇/行就話啫，唔係呆等都幾難頂。仲要唔知你會遲幾耐喎。
Vivian 又有啲肚餓🤣🤣🤣 係咪AI 文來架，頂。條友等40分鐘都唔走真係唔合邏輯，一係你好撚有錢，有錢到可以令人少奮鬥20年個啲姨姨🤣 如果唔係可能你有啲錢未比人掘哂🤣祝你好運啦Vivian 快啲食飯，唔係又Vivian 我又肚餓啦🤣
開頭覺得係反串，後尾先發現係真心膠，你條仔算好啦，比第二條仔應該一巴星你埋牆
笑死，遲到40分鐘，你男朋友就真係冇面喇，幾靚都冇用啦，有冇諗過佢/佢兄弟私底下根本唔會討論你有幾靚幾正，你只係比佢地睇到，你遲到40分鐘咋🤭
46開啦，你4佢6，呢啲嘢唔會有人錯晒亦唔會有人啱曬。
1.遲咗40分鐘有冇say sorry？畢竟40分鐘都唔係短。不論如何，遲左就係遲咗，At least俾你男朋友知道你唔想既。我睇妳講嘅嘢應該都係覺得自己冇問題架喇
2. 佢亦都有唔啱，今次遲大到咪下次唔遲囉，妳唔係例遲嘅話咪算，何必一嚟就黑面呢？同埋佢把口又真係臭左啲，出去食飯就食飯，係都要踩兩腳。
影相唔討論，我阿媽影相15分鐘起步，3分鐘對我嚟講係光速，average 嚟計3分鐘耐唔耐我唔清楚。
唔知你真心膠定作文
希望係假膠
但如果係真心膠
就真係好撚kam 公主癌一樣
遲到已經係唔岩
咩影相晒俾個fd睇 重要過男朋友感受？咁你拍乜9野拖？
你影相重要過男朋友感受
真心有撚病
你d時間寶貴 你男朋友時間就賤既？ 發神經
扮靚你為男朋友 只不過係你掩飾遲到既籍口 你扮靚唔係為自己打卡 食好西 send 俾d fd 晒命咩？
調轉你男朋友遲40分鐘
我覺得你唔止黑面咁簡單囉
仲要佢朋友係度 你都幾唔識尊重人
學下尊重人先啦
明顯rage bait…張相喺醫院要食藥喎
大家冷靜