📌 搭搭吓地鐵有個呀叔
共 63 條紀錄
搭搭吓地鐵
有個呀叔上車大聲講「嘩，呢家啲小朋友真慘，細細個就要坐輪椅」
我望一望，同車廂有三部BB車，三個都大嘅，係BB車上面玩電話
個呀叔再講「睇個樣都5歲，咁細個就坐輪椅」
其中一個呀媽講「咩輪椅？咁黑心，BB車嚟」
個呀叔「係囉，話明BB車，5歲仲坐咩？阻住曬成個車廂」
佢哋嘈緊嘅時候
下個站開門真係有個坐輪椅嘅婆婆上車
結果個呀媽就移開部BB車比個輪椅位個婆婆
佢兩個就無再嘈了
真心 如果小朋友唔係有咩殘障 5歲仲坐bb車 真係唔好怪人哋側目 當然人哋中意點養廢個細路真係唔關其他人事 但我贊同呀叔
我有朋友做教師，佢話好多細路仔行路行得唔好，好易跌親，就係因為自細行得少，成四五歲都仲坐BB車。如果身體冇特別事幹，三歲開始就唔應該再坐BB車，要行㗎啦。係大人同小朋友都懶。
我又覺得亞叔無錯，不過就用詞刻薄D。香港地太過愛鍚D小孩，行兩步都話攰，無乜機會鍛鍊身體。
小朋友4歲，去到公園瘋狂跑，玩完真係攰要抖下，搭鐵又唔係一定有位坐，我又抱唔到咁耐，都真係會比佢坐bb車，唔明白點解啲人咁harsh.你見到就覺得佢唔肯行，覺得佢嬌生慣養，但佢可能跑左兩個鐘你唔知啫，唔通行完山又同你講，又唔可以同你爭位坐，自己坐bb車又比你話😬
我仔4歲坐bb車試過俾呀叔講咁大個仲坐Bb車
當日係我仔發緊燒，準備同佢睇醫生，唔知等幾耐
我椎間盤突出，真係抱唔到佢咁耐
我仔2歲半都未夠，早兩日去育嬰室換片，人哋阿嫲/阿婆望住我仔話咁大個都要用片🙄
然後我一句得埋去，我仔高大啫，不過睇你都差唔多時間要用返片😤
係香港生存真係好大壓力，連小朋友坐bb車都要俾人屌
其實你點知人哋小朋友幾歲，有d只係生得高大，我仔兩歲同人哋四歲一樣高，扭眼瞓果陣係咪路人幫手抱？又唔係叫你抱又唔係叫你推車，你理得人？
有d人就係天生多事，我去買餸用孭帶孭住個仔，路過都可以比人話咁大個仲要抱，我兩隻手拎住餸，個仔衝出馬路係咪你賠返比我？
我兩個仔由細到大都冇坐過BB車，大個抱唔到就自己行。明知小朋友體力有限，細個好少去好遠。試過出尖沙咀小朋友(6歲）嗌攰因為全程企位，冇要求關愛坐，出閘前喺地鐵站坐一陣先再行，回程又係坐一陣先排隊入車廂
我哋屋企窮，買唔起BB车。老婆又三年抱兩，头尾生咗七个。一家九口出街，我就会推一架开工用嘅木头车。连仔带乸八件装哂。瞓直都仲得！
咁多事，關佢乜事呀～
我帶兩件出街，細b唔坐咁咪大嗰個坐囉，真係大壓力，咁都會俾人講
學政府改一改個名
劏房=簡撲房
精神病=精神健康
BB車=多用途車
呢個年紀嘅小朋友仲要瞓晏覺，在士的車上睡覺不用媽媽抱，其實他人也有苦衷，或者小朋友病咗，大家唔駛太驚訝吧！
唔係講笑，真係好多著住幼稚園校服嘅仲坐緊bb車，10幾年前都唔覺咁多
睇個樣5歲，未必係5歲。小朋友去得遠，容易累，有BB車坐吓，唔使抱住，父母方便好多。
我撐阿叔 而家d人好多都縱慣曬
Bb車就比bb座 小朋友扭計唔等如一定岩, 又或者父母要好好教
不過阿叔可以表達得好d既
呢個世代啲媽寶仔女真係恐怖
唔識自己行
只識玩電話
有幾多人有咁嘅感覺？
推bb車果啲人成日推住架車鏟前面行緊嘅人
鏟到人隻腳sorry都冇句 😑
我仔2歲 重16kg 斷電訓教 抱佢上MTR你估下會唔會有咁多好心人讓位比你 而你隔離左右又唔會覺得 「小朋友對鞋咁污糟 掂到我對手/褲」
都唔講 16kg 我抱半個鐘 條腰第日斷咁滯…
再退一步講句 「關你撚事」🙄🙄
睇個樣似5歲…
咁呀叔要一視同仁屌埋啲買餸車啊拖篋啊，佢哋都係掗住部車
個小朋友要瞓覺/唔肯行係咪呀叔幫佢抱先 。
到扭眼瞓/攰佢喊你又話佢嘈
總之唔啱呀叔心意講咩都得
睇呢個post 就知香港幾唔鼓勵生育，5歲坐BB 都俾人公審，話5歲唔可以坐BB 車望下自已對腳長過5歲既幾多，行一步等於5歲行2-3 步，坐BB車都影響關愛座唔同你爭位都要小
我細囡出世都大囡都7歲，我都專登買返架前後雙人B B車可以一齊推佢地，有時去一d活動好似跳彈床、練舞、嘉年華都郁動3、4個鐘，回程可能要45分鐘車程加十幾分鐘路程，大人都想坐低休息，父母肯用自己精力推自己小朋友幫小朋友爭取多d活動時間，唔知內情ga人其實唔關佢事
每個家長取向唔同嘅。
有留言話個女7歲個妹岩出世都要買孖B車，話係爭取休息時間，which is fine.
我大仔係要用frame嘅肢體殘障，宜家5歲，佢喺wheel chair service 度係安排左有specialist buggy比佢長途活動用。
但基本上我好少用，佢智能正常亦有尊嚴，佢最想就係同一般小朋友一樣咁行，所以我通常都係拖佢慢慢行，攰就coffee shop坐，佢自己都會話去cafe take a rest咁。
當然，去樂園果啲冇咩地方坐嘅，我哋都會帶佢架推車（which is 輪椅嘅一種）
否則，推車長期都係放車尾備用。
我可以話呢啲都係家長個人選擇，小朋友氣質同性格都有影響。
我大仔係堅持派，佢真心覺得自己有frame都係可以同大家一樣。
利申：咁我哋係慣左車出車入，甚少使用公共交通工具
咁講啦，我哋真係車出車入多，同時喺外國冇咁人多車多先可以比呀仔用frame慢慢行
可能返香港我都係逼住要做推車黨
所以如果有呀叔話佢咁細個就要坐輪椅，我諗我係會好樂觀咁直接答：係呀，人多用frame行得慢仲阻街🤪
作為SEND小朋友嘅父母，我好多時都唔明，點解有啲小朋友正正常常又識行但都要推到7、8歲呢？
其實我仔真係好想擁有可以自由活動嘅四肢，可惜冇，但有嘅人就從來唔會珍惜，會想比人推到7、8、9歲咁🫠
香港地真係奇怪
就算35歲坐bb車都唔關你事啦
理撚得人 又無阻到你
我成日都見家長送小朋友返幼稚園推BB車，都返幼稚園啦，仲坐BB車，隻腳唔行得咩？
你覺得佢行得慢咪早少少出門口
咁你隻腳唔行得咩？你有冇搭過車？你去邊都行路啦😂或者游水
🙃模似可能未到囉
我試過俾人話
"大個仔啦，仲跟媽媽去更衣室"
因為club hse 有寫過1.2m 唔可以入去女更衣室
我仔四歲幾生得高咋，你冇理由4歲要佢自己入更衣室換衫吧？
你唔想俾人睇你換衫，可以入格换既
淨係得身高規定？咁超左1.2m規定對方有權要求保安請你帶佢離開更衣室？
幾多歲坐BB車係個人選擇，老人家80歲都係坐車仔，寵物出街都好多推車仔，何必執着？希望香港人唔好將社會問題歸咎落小眾問題。社會本來就應該咩人都有，宇宙無雙日，乾坤只一人，大家幾時先學識接納？
其實而家啲細路生對腳出嚟，都唔係要嚟行路，一個二個坐BB車，難怪比人話佢坐輪椅，如果小朋友係病緊，其實個樣睇得出，無得呃人，但無事無幹仲坐BB車，就…………
坐唔坐bb車關閒人乜事？ 入面坐既係bb定5歲細路都好對路人有阻礙多d咩？知唔知出街有幾多野要拎？個小朋友攰要抱 扭計 又話人地嘈唔識教仔唔好出街
我無小朋友 但理解 小朋友攰 父母體能無能力抱所以推車 唔係個個有錢揸車 只要唔係態度有問題 覺得可以包容
而家啲小朋友好矜貴架
盡量唔使佢哋行
一係坐bb車
一係企上scooter, d 家長負責推
唔知對腳會唔會退化呢
個細路坐係BB車影響到個呀叔？唔知頭知路話人地BB車輪椅，5歲好多時都仲要訓晏教，唔撚識以為自己好撚醒，人地個仔要訓嘅時候係咪你幫手抱住？唔係就收嗲啦
我個女入N班，我已掉了BB車，有時同佢返學，高班D同學仲坐BB車返學。
佢出聲話人就係錯啦
關佢Q事咩？人哋坐唔坐BB車？
我返香港探親，7 個鐘時差、個仔得4 歲半，我哋會比佢坐bb 車、甚至瞓覺。
我唔知、亦冇興趣知，人哋點解要用bb ，只知有需要就用…
阿叔鬧得好,而家啲細佬大大個都仲坐BB車,幼稚園放學時先誇張,超過20+部車接放學,啲細佬仲識行嘅?
少少劇透及題外話，電影《我們不是什麼》好寫實咁將交通工具上的爭執事情呈現出來，值得我們反思。
關亞叔咩事，咁口臭
五歲正常唔使坐BB車，但可能個細路病呢，有隱疾呢？人地家事咁口臭
小朋友6歲之前都要喺私家車坐BB椅
坐BB車好合理