📌 是咁的，我啱啱3月3
共 60 條紀錄
是咁的，我啱啱3月31號係香港搭CX去峇里島，起飛前30分鐘cx既staff同我講要申請EVOA即是 印尼的online visa 否則唔可以登機。我梗係呆左，即刻google。咁google話BNO先要整。個職員話唔係。一定要我整先可以上機。咁我即刻上網整，發現有好多個網站仲要俾錢，成100美金。我問個職員係邊一個，佢話唔知，反正就係要果張野，仲要我print出黎。最後我申請唔到，登機前最後一分鐘我話其實係咪可以落地簽證，個staff好串咁講都得既但係你去到都要整翻lor，最後一分鐘先俾我上機。
但係最後，印尼入境處係完全無要求我出示EVOA。而有一個family4個人係每人用100美金整左個EVOA最後都無用到。有無人都遇到呢個問題？
澄清翻少少
1. 我最後係無整佢所謂既EVOA但係都入到境。證明根本唔洗，但係staff當時係唔俾我上機。最後一刻先俾我上機。
2. 如果真係要hard copy,係咪應該check in時check埋 好似入台證咁 而唔係臨飛前先同我講要整。
3. 個職員態度惡劣，又無提供協助，怪責乘客唔知要做呢個申請。
4.我見到同機好多人俾左錢整，應該唔少人中伏，問個staff洗唔洗錢，佢答唔知。我唔想有更多人受害。
試過坐Cx問我攞日本簽證。。。。
我真係What L the fuck到連黑頭都爆岀黎
我用住林鄭比500乞衣個眼神叫佢講多次
佢依然故我，好堅持
我即刻好大聲同佢隔離位講
喂你同事問我攞日本visa 喎🤣
佢同事都係用WTF表情望住佢。。。。
單野好笑多過嬲🤣
佢應該係大陸crew 佢用大陸passport去當全世界都要簽證
其實因航而家係咪社企嚟
近幾日已經見到幾個post講佢啲員工啲on9嘢 智商都唔知過唔過70
Um… 我覺得你可以寫信去返CX 反映當日既事 香港passport 去印尼唔洗簽證 但去前72個鐘做個All Indonesia電子申報
但入DPS 要俾觀光稅
提提你，香港係全球極少數可以免簽證入境印尼。下次唔好再俾人水啦🫰🏼
印尼前年用香港人係要簽證，我仲因為本passport無連續2版空白頁而唔比上機。搭的士返去拎BNO，跟住都係即時整唔到簽證而上唔到機。
你一定要寫信投訴CX, 作為地勤呢啲基本工作知識都唔查清楚😓
CX staff成日亂咁答嘢，我有Silver status，係CX官網買咗JAL機票，suppose可以入Business Class Lounge，但The Bridge同HND個lounge啲receiption staff都話唔入得，要我show埋官網Silver memeber benefits個page先俾我入。佢哋Customer Care條team淨係識攬自己啲員工，答錯嘢做錯嘢，淨係識話為你帶來不便抱歉，反映同反映，但反映完都係繼續錯
我至有經驗答你。疫情後剛復航約埋的ASEAN舊同事新加坡坐船去民丹島。到埗後個個ASEAN同事冇問題 只是我攞BC 的話我要VISA.我要問同事借錢比VISA錢。我問佢點解其他人不需要 佢答佢哋ASEAN.所有非ASEAN都要。我可以答你
100果個係假網頁🥺中過招
正常係$250左右
HKSAR 可以landing visa 大把人都係咁
唔洗錢架wo… 100美金一定係假網/有人代辦。。
Cx地勤而家請超多大陸人，上次一衝埋嚟就同我講普通話，跟住見到我check-in部機顯示用英文佢先同我講英文，但就唔識講廣東話，我喺香港上機喎，唔識講廣東話係咩事？🙂↔️
係地勤唔係空姐，英文係必須啦，而家只識講普通話唔識本地的廣東話wor
會唔會係呢張？ 因為填完All indonesia 撳個掣就會出呢張
特區護照免簽證，乜都唔洗整。
我用BNO要去印尼領事館印幾十張紙浪費我一頁passport課$480 ，不過值得的。
投訴啦 佢有record邊個check in 你
叫佢比返個合理交代你
特區護照去印尼喺Covid之後有幾年係要整evoa，但今年1月去過已經取消咗，唔熟嘅地方我會用CX 買機票嗰度，求奇入個日子睇最新嘅入境資訊
上次去台灣，3月14日，台証填錯資料， @hk_express 地勤人員 Joyce幫手諗解決辦法，仲好緊張我整唔整到張新既台証，非常感激！UO仲專業同服務好過CX!
我都試過係機場即時攪台證（因為同事之前攪錯），forget which airline 不過，好快 ，大概半個鐘頭，只去特定counter print 一份document😊
我家姐上堂次去巴厘島又係同一處境，唔知係咪遇上同一個職員😤。幸好她跟你一樣自己上網check多次，否則每人比100美金做簽證就真係氣死了。
是咁的，印尼喺2年前的確要香港特區護照持有者做visa，盛惠每位50蚊美金仲要落地俾佢慢慢磨，但2024年尾開始已經改咗例all Indonesia 申報入境就得。個cx地勤唔熟書可以返去俾人coach下。
$100 美金係網上Agent 你可以當詐騙 因為所為既手續費係超高。
香港係上年又再一次免簽左。疫情係要簽證，網上落地都得。有搞簽證可以行e通道。
你的確可以準備一下投訴信。 應該唔只你一個受害😂
我上月搭國泰往返大阪，差！疫情後，cx各方面質素都每況愈下！
我3／8國泰去馬德里
好好囉
反而中間巴塞去米蘭 新加坡航
雖則得1小時
唔覺好好囉
唔知是否得1小時
我地位冇耳機但其實直航的人有
得包冇飲品
仲要個安全示范用Tv播
吵到啊
100美金一個 你肯定係入咗啲扮官方嘅網站
如果比埋錢建議睇下張信用卡之後會唔會盜用 聽過有啲扣數之餘 因為俾錢過程已經比咗信用卡資料 後續有機會盜用埋
建議報警 懷疑地勤同詐騙集團有關 因為佢 搞到無啦啦咁多人科水100蚊美金 好和味
上次去峇里島 問當地入境其實EVOA免費😂
香港係免簽 申請EVOA算係快速入境唔使排
我見d 人申請左都要排人手入境，但係都係咁過，無show EVOA
香港passport唔洗整visa 個地勤真係fake 9你..好彩你堅持上機 miss 左班都kick…
CS啲人仲會話冇特衰護照唔可以出境，點解連香港人出入境用身份証都唔知
試過用加拿大護照搭CX去美國又係俾地勤話冇美國簽證唔可以check in 。 叫佢問清楚，然後Senior 出嚟道歉話個地勤搞錯咗。航空公司地勤都可以搞錯邊本護照需唔需要簽證，真係好唔專業。
我2023年中去Bali的確要VOA，不過2024年尾起HK passport holder 就已經唔使，咩VOA EVOA都唔使🙂↔️
Boarding先「check」 visa 都幾搞笑🙃
如果你有做 online check in, 系統已經識別到你本護照駛唔駛做簽證。如果要做簽證就過唔到 online check in 流程，去到某個位會出現 error. 但如果整個 online check in 順利完成即係唔需要做簽證。
上次岀trip比錢整埋VISA 印好 再加手持APEC BC….去到入境都話我錯cat要重申比錢
可能跟本就係要錢錢錢。。希望我錯
前年9月出發去峇里前一星期印尼就取消左嗰個入境簽證 我哋6個人有1個因為整嗰陣俾唔到錢 就符碌慳返錢
我仲記得嗰陣時整 發現用BNO申請嗰個簽證係貴過用特區護照😅
不過啲東南亞地方成日用簽證呃人錢搵人笨
好彩師兄你醒
Why don’t u Google immediately if it needs visa?
I did. The staff did not accept.
EVOA，我舊年去峇厘時都申請左，過印尼關時個staff笑笑口同我講，香港特區護照係唔駛架，你做乜申請呀！🙄🙄
香港好多都免簽，雖然佢真係on9又9up，不過下次check清楚都無死嘅
Cx 香港check in court 通請咗好多新港人，我上月去台北，2人2行李已做online check in, 佢玩咗30分先完成，隔離2個香港人職員已經各做3set 客
CX比大陸買左啦⋯⋯佢無左Pacific 轉左好多大陸人去做啦
CX d地勤其實好唔專業！我都有幾次類似嘅經驗🙄🙄🙄