是日kam事
本身我鼻敏感擤鼻水所以會帶屋企用嗰啲盒裝紙巾出街
咁我喺餐廳放咗喺張枱度用
結果有個阿叔準備坐隔籬枱一嘢抽咗我張紙出嚟抹凳
跟住佢老婆已經9秒9:喂人哋自己㗎啲紙巾😨
仲要阿叔質疑咗陣
其實都幾好笑

我都試過，隔離檯哥仔直接拎黎用，不過佢係鼻敏感，我臨走拎返包面紙嘅時候佢呆左咁望住我😂😂
佢心諗：條友禁狼死直接成包拎走!?

下次帶出街之前
📝 寫下大大隻字《 私人物品 》

不過我見過啲大叔去星巴克好誇張，拿一疊店紙巾，鋪哂全個枱面，我心諗你這樣驚，不如買返屋吃、喝😅

我試過拎自己淘寶既透明膠袋去百佳裝生果，有個阿婆diu我拎人地啲膠袋唔俾錢，之後百佳姐話阿婆：個袋人地拎嚟，做乜咁八卦，關你乜事啫😂😂😂

我都試過感冒流勁多鼻水個時拎成盒出去食飯方便我擤鼻涕.隔離枱阿姐坐低之後問啲店員點解我里枱會有紙巾但佢個枱無🤣🤣🤣 

你個盒一定係＂名牌紙巾＂佢也想擁有😂

我試過掹咗人哋啲紙巾🥲平時食開嗰間餐廳，問啲夥計攞紙巾佢會成包盒裝紙巾咁樣俾你，跟住嗰日搭枱見到隔離有包紙巾，諗住喺餐廳嘅，咁我就掹啦，點知個女仔好震驚咁望住我🤣原來包紙巾係人哋自己嘅

我都試過，我係拎黎用個個
隔離枱走左先知，好尷尬，好彩只係拎左一張🥲

我都經歷過 隔離好順手咁拿走我成包濕紙巾再放係枱面但又唔用 我望住佢拿
跟住我又好自然咁拿番走 之後大家都各自用餐

你係咪已經試過晒唔同牌子嘅盒裝紙巾，而家用緊邊隻？