最憎人攞學校banding限制人地對未來嘅想像
呢啲老師都未必係好人黎
永遠都係覺得小學嗰陣嘅唔努力就決定左以後中學六年都會係一個廢人 咁樣講嘢對一個努力爬返起身向前跑嘅學生黎講好唔公平 難道band1a就沒有平庸學生？難道band3c就沒有奮身讀書的精英學生？人總是困囿於成見 而忘記欣賞每個人身上閃的光
你講嘅兩樣都有，但比數呢？
你上面呢番說話其實都係用成績嚟做比較，而banding就係用成績去區分，你覺得呢番說話唔啱聽，但事實的確係咁樣
你成段我只係認同最後嗰句，要欣賞每個人身上閃的光
但可惜你前面嗰部份都係用中學六年嚟講，唔好話我知中學六年唔係用成績嚟決定未來嘅去向，可能有少部份成功唔使理成績，但大部份呢？唔止香港呢一個地區係咁，全球嘅文明社會都係一樣
唔同banding嘅學校都會有讀書好或者差嘅學生。係是乎學生嘅學習態度！
係！所以啲人講話band2-3學生入唔到大學前途茫茫我就得啖笑，大把人就係覺得係注定入唔到大學所以閪冧唔讀，但由始至終學生點睇自己未來同埋點看待學習先係關鍵。
我會明佢哋嘅徬徨，不過而家除咗讀大學之外，其實仲有好多出路，例如做KOL或者代購。佢哋可以半工半讀嘅形式去完成大學學位，只不過方法係會轉折啲啫。
中中如果英文好強都可以，香港讀唔到去外國讀，咁英文好就0K，否則所有野就真係只係想像
老師是否個個都band1A? 其實如果用佢哋嘅思想，最叻果D唔係做咗醫生律師咩？
呢位自稱中文補習老師，基本上閱讀理解零分
原作者一早寫明自己讀嘅係「Band 2A英文班」，呢位所謂補習老師仲話緊人哋讀嘅係「中中」
低質到咁，仲好意思幫人補中文？
小學呈分試有時失左手又或者個小朋友跟本冇認真讀書未開竅，中學入咗中中唔出奇架喎🤷🏻♀️
香港都真係好鬼多呢啲又mean又成日喺度奚落人嘅老師！
我覺得只要小朋友努力認真讀書學習冇嘢係冇可能嘅⋯
我阿哥當年都喺B3中學讀書（當年5個banding)當然佢係長期考級頭3位嘅。最後都入咗HKU讀dental而家自己開檔做牙醫啦！
我相信每間學校都會有啲叻嘅人嘅⋯
有d 英文弱既小學生, 就算整體係B1, 升中時都刻意揀B2 中中.
見過B2 生係英文3, 但三選修科有5*, 5, 中文5**. 一樣入到大學..