📌 最近同男友同居租樓
共 74 條紀錄
最近同男友同居租樓
要清潔同買各種電器傢俬
發現大家生活環境唔同
鬧交由小至大事 可以鬧足一千次
例如佢會話唔洗買咁多清潔用品 好多用清水抹過就得
但啲污漬/油污漬/塵/頭髮 佢抹完仲有
我要幫佢執二攤 佢仲話我誇張 人哋樓唔洗咁乾淨
但至少都要住一年😓我真係接受唔到望住人哋嘅污漬住一年
買電器又係 又唔幫手睇 然後話我唔好咩都想要
咁簡單飲水機 電視 吸塵機都要啩
之後知道所有電器傢俬都我買之後
佢又忽然之間 咩都想要 但佢根本冇睇過 都唔知要咩
因為佢屋企做慣少爺仔 同埋都少污糟
好多嘢佢都冇做開 冇咩sense
但佢又好父權 唔俾我話佢唔識 加好多反駁
少少野又挑剔又話我
sorry 1999 總結係
家境唔相似嘅人真係唔好同居
一係就揾個脾氣好嘅
唔好好似我咁日日火星撞地球
辛苦自己又冇被體諒 只可以喺度抒洩🙏🏼
你仲可以分手搵另一個 或者單身
點都好過同佢同居
早走早著 沉沒成本就算啦
唔係以後有排唔開心
btw唔單止要搵脾氣好啲
要保持清潔 有家務sense 對住環境負責任（睇和買家具要一齊承擔） 唔好父權 唔好（好似佢又廢）挑剔
呢啲都基本 你竟然搵齊上述都冇都忍受到
我老公都少爺仔，細個又工人又長輩圍住照顧。佢唔會理我買乜清潔，只叫我唔好買平嗰啲，留意成份要安全，特別係食落肚同直接接觸嘅日用品。食物要進口有機，網購送貨唔好自己拎重野，買野俾運費就照比，唔好花時間拎。
電器方面只要係有用，慳到時間同改善生活都買，只可以買大牌子，攻頂。
佢自己都好注意衞生同清潔，啱啱搬出黎住吉屋清潔佢一早講明叫我俾錢請人清潔，唔可以自己黎。
所有錢佢出。
我諗最大問題唔可以得少爺脾氣但無少爺命。
好多香港男仔都係咁
少爺仔，由細到大俾工人湊大，加上係男仔，4大長老當正金菠蘿咁照顧，飯來張口，完全唔駛亦唔需要做家務。只需要返學放學做功課温書去補習打機踢波就得
其實同居前去過旅行嘅話，你都應該睇到佢嘅個人衛生level，依家早發現都好，佢係少爺仔脾氣唔改嘅話，你就要諗定好唔好斬倉止蝕🫠
有去過旅行，亦都有喺佢屋企住過一排，但始終唔使做家務，所以依家真係睇清楚，我比呢一年死約時間磨合，希望會有好消息🥲
大家唔洗睇啦
佢冇諗住分手 純粹上黎呻
打算比多一年時間睇下自己忍唔忍到 忍唔到就繼續忍
佢純粹想用低甚至零成本，去持有你嚟保有原來生活水平。
吸引力法則
其實佢反映某部份嘅你
我同老婆永遠唔會有呢啲問題
識咗1星期拍拖，1個月後一齊住
2個月後決定結婚
而家十幾年，嚮香港果陣無嗌過一次交
回流加拿大嗌過兩次
相處永遠都係將自己缺點放大+對方優點放大
自我檢討、體諒、不計較
我日日打十個鐘頭機，老婆永遠唔會詐型
PS5係佢送
搬咗返加拿大，無工人無司機
每次佢想做家務，我都叫佢唔好搞
等我做
特別係吸塵，6千尺，我都頂唔順，要分兩次
點會捨得畀老婆做
洗碗，幾乎次次都爭住洗
佢只係用清潔劑洗廁所，拖地都有嘅 但抹櫃、牆、廚房戈啲，佢真係就咁清水，我估唔到咁基本都可以有分歧
唔係講笑 我真係問咗ai 務求男女平等，但依家未真係住落，仲係清潔緊已經多嗌霎
新入伙或者搬屋喺最多問題發生！因為真喺要處理好多嘢😵💫
入屋清潔試吓搵屋企人朋友幫手
或者考慮俾錢請人清潔 會輕鬆好多
然後交吉還原又係
不過住落就會正常返㗎喇！除非你另一半真係極度不負責任嘅人...例如普通吸塵洗碗洗衫都唔肯做
如果真喺不負責任到呢個地步
建議你真喺要考慮清楚未來嘅自己忍唔忍受到永遠做埋佢個份🥲
我覺得佢又唔係唔負責任嘅人嚟㗎
只係污糟咗啲 大家嘅角度同習慣唔同
我會好好觀察佢呢1年大家習慣磨唔磨合到🥹
不過真係下次搬都係建議俾人清潔好啲 唔洗煩🫡
一開始大家baseline唔同都好正常，
始終大家成長背景唔同，
最緊要係呢一年雙方都有心一齊磨合、一齊為段關係努力，
有啲嘢冇得分絕對的對錯，
而係互相要協調遷就，
我成日話大家專長唔同，就負責唔同department，
冇得計清邊個department忙啲，
但大家要互補，
一齊為頭家有貢獻，
祝你順利！
多謝你🥹🥹
可能佢真係冇清潔開冇sense 最後都係我搞哂
但佢都有啲用嘅 通渠 整電器戈啲我俾佢搞
只係最嬲係我嘅辛勞佢冇感激之餘仲俾佢話而嬲咗
我希望開頭難之後磨合得好
我成日都同佢講我哋係partner嚟 有咩就溝通
但可能男仔永遠都細路仔啲而女人又好重視情緒價值
希望之後可以溝通得好啲
呢種人要獨居然後生病先會有自行清潔既習慣
你不能同佢同居
會長期生病的 唔係吽菌既病就係好難醫得翻既心理病
玩下手佢成家撐佢唔撐你 你就被群體討厭 到時覺得所有野係自己錯 但明明唔係!!!
"一齊左好耐" 不要因為sunk cost陪上將來
捱捱捱到你病和運勢下滑
你一路捱佢覺得佢同你一齊既incentive無哂，就會離開你，你到時會無屋住兼無埋曾經既將來
及早離開佢係賺翻自己 呀妹
哎 唔係想嚇或者點
但佢要經歷咩關口先咁小既事都可以自動顧到你感受真係好難講
如觀點習慣角度差太遠 關係唔係你一個人捱捱下會磨合到 你會等待奇蹟出現都係因為你永遠都有想生活上被properly對待既需要
你自己衡量下點行落去或者點樣選擇吧🙏🏻
祝福你可以生活大小事都舒服做到自己啊呀妹
我俾呢一年同居係最後期限
如果衡量過唔ok 就放生自己
多謝你😭❤️
屋企做慣少爺唔代表唔會做。我老公由細到大都俾佢呀媽少爺式照顧（水果批皮切件插埋牙簽只差在未送到入口，十指不沾陽春水，公仔麵都唔曉開爐煮）。但結婚後一樣肯大家分擔家務，大家互相體諒互相遷就，直到小朋友出世有工人姐姐接手為止。宜家仲識煮野食（反而我完全唔識）。
呢d根本唔關少唔少爺式長大問題，係佢本身人格問題
我懷疑佢冇觀察又唔識問 真係唔識做
同埋個人求其 又冇生活儀式咁
不過好彩你老公肯為你做😭嫁到真愛❤️
誇張？ 問番佢知唔知道如果積太多塵 皮膚好易敏感 嚴重到可能有啲核突嘢喺度(頭髮 塵 最易惹嗰種"生物")
電器嘅嘢 基本洗衣機 雪櫃 電視 飲水機
電磁爐 電飯煲都要啩 唔通日日出街食咩
人哋樓 租嗰個係你呀 唔做下清潔同注意衛生
你唔好諗住佢會改到 好難㗎
佢最開頭打算大男人佢買電器(我有講話我買嘅)但佢又發錢寒 之後要買咩佢都冇意見 因為佢屋企本身都簡陋同冇人煮飯 而我屋企係日日有人煮飯 真係兩人環境差太遠
呀囡，搵返個同你步伐一致既男仔喇，你男友除左大細路、仲姑寒又唔夠成熟。一個男人愛你唔會下下同你計較錢。唔分手既話呢世有排你捱。
婚後40年表示仲為緊買方包或買麥包而冷戰一星期😭😭
真係要坐低分唔分條平衡線喺邊先得，一方可以無所謂，但唔可以阻止另一方有所謂嘅野！
或者我老婆抵得住食足一個月外賣，咁我覺得唔健康咪盡量走去煮飯一齊食，勉強別人係無幸福嘅，要大家都有呢個認知先得。 （但如果係條廢柴咩都唔理唔搞，就2真係分得）
阿妹，過路人想同你講，同居已經咁樣，結婚生仔後只會更差，一年時間當比自己清醒下，之後佢既行為會繼續大巴大巴刮醒你。
比時間睇下夾唔夾到，夾唔到就早D分手，無謂浪費自己時間。
我朋友跟男友同居，男友唔做家務唔做清潔，坐梳化食完的零食袋，飲完的檸檬茶紙盒，就咁放在梳化同個櫃兩者中間條隙，出聲話佢，佢話轉頭會拋，最終幾日D垃圾仍然在條隙處。
呢啲佢係屋企嘅時候又會清
但係反而租屋清潔佢又覺得唔洗咁乾淨😮💨
不過你朋友仲肯忍嘅?🥲
夾到就夾到！ 夾唔到 用一世都夾唔到！ 我同我老公婚後先同居, 但家務分工真係好自然搞得掂。
除非佢屋企勁有錢+買層樓係寫你名，否則唔需要受呢啲委屈
租樓係兩個人嘅事，本身就應該要兩個人都全力投入參與。如果另一個拖泥帶水嘅話不如唔好租，冇心最好乜都唔好搞。
婚前發生一切都係好事，至少你試左同居先發現生活夾唔到，好過結左婚先發現
所以我都係建議要同居，萬一有咩問題就提早調整，或者早走早著，真係會認清一個人
同埋我覺得你地已經唔係唔夾咁簡單。佢清潔程度冇你咁高咁就應該由你，錢又唔係佢比就收聲，憑咩指點你。呢d做人基本啦，自己不懂又唔洗負責嘅範疇就收聲
利申如果你自己覺得要高度清潔咁就提出者去做，你又唔好逼佢，但係佢將會冇權干涉你，咁當然最好就佢配合你啦
分手啦
真少爺係直頭出錢，請鐘點上門清潔+對生活環境有要求。
唔係佢呢種單純原生家庭衛生意識低+個人習慣污糟邋遢+唔捨得俾錢買清潔用品/ 請鐘點
基本上，兩個人第一次真係搬出去住，我覺得都會有呢啲情況出現，嗰陣時我個EX同我都會有呢啲情況
不過話說我都係俾佢train到自己識煮飯，仲要識煮好多餸😂
同佢拍咗七年，我形容係互相忍嘅。
我都有難頂嘅地方，雖然應該我遷就佢係會多啲
嗚 我同你差唔多 都好彩你斷捨離到 我仲懷住希望大家會有改變
同乜鬼居！前世未做過家傭？係有能力就各自搬出來，最多住近d，去下你屋企又或去下佢屋企。
趁未搬入去睇租約條款可唔可以就咁撻訂唔再租間屋, 得就唔同居加分手
一係你做埋佢個份，頂到頂唔順，最終嘈一穫甘，之後分手。
分手啦，佢都唔願意為你改變
我男朋友都係脾氣差，都係長期有阿媽煮飯做家務
但係佢同我一齊之後，因為我由細到大都係阿媽做家務，所以我都係唔識
基本上啲家務佢一手包辦，我仲要有少少潔癖，而且我又好鍾意飲湯，我上網搵我想飲嘅湯食譜俾佢，佢都會去學整
其實佢哋唔係唔識做，係睇吓佢哋想唔想為你做，完