試過掉咗d 煙 收埋 勸都唔得 但最後係有一日屋企人唔知發生咩事自己唔想再食 連煙味都唔想聞
勸唔掂 因為戒煙嘅戒斷效應真係好辛苦 我google過嗰隻唔舒服係會令到好多人食返煙（不過好似有啲診所或者藥房係一隻尼古丁糖可以舒緩戒煙嘅不適）
我覺得真係要有一件事突然trigger到佢先可以（或者試吓同佢賭？例如一年冇掂煙就俾幾多錢佢 如果失敗嘅就調返轉）
我阿爸由大學開始食煙 食咗廿幾年？
中間我哋都有叫佢戒煙 當然佢冇聽
但係突然間有一日佢見到自己多咗幾條皺紋就驚係心血管疾病嘅徵兆
之後佢就一支都冇食過 頭半年佢話戒斷效應真係好辛苦 會頭暈頭痛焦慮嗰啲 但係佢都係（唔想破戒）堅持冇掂過煙 同埋佢開始改變自己嘅飲食習慣（依家佢日日都食生果 食飯少鹽少油 仲買咗啲美白精華同mask😂）仲開始憎係街食煙嗰啲人
事隔一年多啲 親朋戚友個個都話佢面色好好 有一種自然嘅紅潤同埋光澤
請問方唔方便幫手問吓你爹哋大概會有咩唔舒服同埋啲不適可以點樣克服？或者作為屋企人有咩可以幫到手？
我覺得最緊要係佢嘅意志力 屋企人就提供心理上嘅support就足夠
我爹哋啱啱戒煙頭三個月最唔舒服
嗰陣係夏天 佢日日喺街或者行完街都話頭暈頭痛 心情起伏大會躁底 日日都會量幾次血壓 好驚自己身體有事
但係如果嗰日公司好多嘢做就唔會唔舒服（我覺得係因為冇時間去focus喺身體上嘅嘢？）
作為屋企人其實都好難幫到佢舒緩不適 最多可以心理上安撫佢嘅焦慮同不安 我嗰陣係會係咁google睇唔同page同forum啲人講戒煙戒斷反應之後同佢講好正常 唔使擔心 同埋夏天咁熱我都暈啦😂 捱過呢半年就舒服晒㗎啦
同埋我嗰陣買啲西芹汁同埋佢鍾意食嘅嘢俾佢食 盡量轉移視線
之後不知不覺間過咗幾個月 我再冇聽佢提過唔舒服喇