📌 有冇女仔成功同男朋友
共 113 條紀錄
有冇女仔成功同男朋友一齊捱？
我男友有排好冷漠
問完一輪話玩股票輸咗
後尾發現係60萬債
安慰完話一齊捱2-3年
但佢不停轉工 債務重組好似開始唔到
佢開始乜都唔應 話要靜吓 又唔食我買嘅嘢
有冇咩辦法 佢咁落去點算
補充吓先
佢公屋 我屋企普通小康
佢話我未捱過唔知佢幾辛苦
我年收入同佢條數差唔多 本身觀察緊佢會唔會expect我幫佢還
但見佢又話獎勵吓自己食放題 之前新年又話放下假唔返工 之後返地盤話辛苦… 
我聽到好亂
綜合大家嘅留言
即係… 隔離呢條友係個廢柴？🫨
Erm 睇清楚咗個情況 我諗我唔留低受氣 感謝大家幫忙 一陣報平安
Update
翻咗自己屋企
多謝大家俾勇氣我
我諗你哋都冇講錯
但我都好傷心 好似信錯咗佢係好人 我好大嘅cognitive dissonance
聽朝瞓醒po翻 都有啲估唔到咁發展
我ex曾經賭錢都輸咗
個陣仲要怪我太物質，先會搞到佢咁
細個唔識諗覺得自己問題
安慰佢錢冇左可以再搵過
都唔知係咪自己太好😹
令佢越嚟越冇上進心
冇工返又唔搵工
幫佢搵埋又唔珍惜
最後返地盤，返左幾日又話辛苦
仲怪我唔體諒佢亦都唔支持
我返2份工又讀夜校唔通我又話辛苦咩
最後我好現實
唔想一齊捱窮，選擇分手
而且當初冇攞住支槍，叫佢搵多啲錢
我就算大花筒都好都係洗自己錢
溫馨提醒佢呢個世界上冇可能懶懶閒啲錢就會識變出黎
陪ex捱左十年無一半時間有正職
最尾輸股票幾十個我先決心走人（仲要係我啲錢）
結論係佢唔會變
唔好妄想佢會出人頭地
救得一個得一個🙏
會拎返屬於自己嘅嘢 除左青春😂
所以呢個可能係上天比機會你去醒覺🫡
What???????????????????????
你咪比佢靜下，唔好理佢 ，專注返自己～唔好幫佢還錢，唔系你一手打爛自己既人生～
正常玩股票都唔會去到欠債，一定係借錢去做高風險投資先會欠到咁多。
同埋可以精準預言咁講，你同佢捱完一定、肯定會搵另一個無同佢捱過既人去接收你同佢捱返黎既錢。重要係安一個好衰既罪名去合理化呢件事。因為呢啲又懶又死要面既男人係絕對接受唔到隔離個女人見過佢最潦倒既樣。因為呢啲就係男人既底層邏輯。
答案係肯定既，因為呢啲真係男人邏輯。佢覺得你唔走，你倒貼，唔係因為你既好，你既值得，你既善良，而係佢覺得自己有魅力有本事去令一個女性離唔開自己。
真，呢個我係扮男人起男人堆偷聽返黎既😂
聽過有個男人周圍炫耀女朋友係倒貼，就咁旁觀咁睇佢女朋友照顧得佢幾好。但有時都聽到個男人講「間屋係我既，佢唔中意佢就走囉」但只係講緊我地講笑咁講叫佢唔好食咁多煙女朋友會唔中意（佢地同居）。
後來呢個男仔出軌，雙線行車好耐。個第三者就係果啲有機心要坐享其成果啲。之後無跟post啦。
其實唔好話男女朋友，普通朋友，大家共過患難，都唔會共到富貴。你試下就明。所以千祈千祈唔好借錢比人。
同佢捱係指喺佢身邊陪伴同支持佢而唔係俾錢幫佢還債。
如果佢係對的人，你唔會因為佢呢一刻遇到金錢問題就選擇放棄佢
同樣如果你都係對的人，佢都會因為愛情既力量而努力還債再變成一個更好嘅人。
不過公道講句，呢兩年玩股票都可以輸60萬，一係佢係弱智，一係佢就賭option。 佢好難係對的人🙏🏻
唔係話唔可以陪另一半捱
玩股票輸錢都唔係問題
重點係輸到負債幾十萬
証明本身個人就係賭仔心態
而呢啲心態係會反映到係一個人做人處事上面
同呢啲人一齊
未來只會更加難捱
其實睇返你嘅分享
都可以見到佢係一個不自量力、風險管理差、又唔捱得嘅人
佢返工返得辛苦，唔想捱
就想靠股票發達
好啦，發唔到達仲輸咗錢
正常人都識收手啦
佢仲可以俾自己負債幾十萬
仲可以有閑錢食放題、想放假唞吓
佢咁唔捱得，又想靠股票發達
又點會喺工作上努力爭取升職加人工呢
衰啲嘅
甚至可能會用啲旁門左道嘅方法去搵錢
所以真係個心態一錯就會步步錯
我講笑問佢要唔要詐騙😂
頂連打電話都可能懶
我知佢好受傷 如果佢睇呢個post會發現所有人都鬧緊佢
本來我想做支持佢嗰個
…. Maybe not
有呀
當年同男朋友一齊住一間房仔
一齊做外賣步兵，再一齊揸電單車送外賣
我供佢讀書讀到個專業牌番嚟
之後又創業成功😌😌😌
你唔會改變到佢～
而且呢啲情況唔會只係2-3年既事～
注定佢佢賭徒心態 而且唔會腳踏實地做人～
就算佢賭贏一次 都只會更加貪得無厭 直至輸返為止～
加上佢不停轉工 冇明確方向～
佢永遠只能夠靠贏股票去建立自信 同自尊～
睇完啲留言，你會發現好多男人都唔想面對自己搞出黎既問題，事實係話比你知見到哩啲人唔好再聖母心諗住救佢
你要做既都做左，佢要逃避唔面對重有邊個幫到佢，哩啲心態就最想瞓醒覺第二日有人幫佢解決左就最好，咁大個人自己搞出黎既野都唔諗方法解決，你覺得如果換轉係你有事，佢會點對你，成世人流流長都要為自己諗下
免疫系統已經出晒事 不過佢忙 要翻工同搵律師 我好傷心所以上嚟post
如果佢係有自己既安排，你就由佢自己去搞，到佢搞掂自然會同你講，哩個狀態你迫佢佢重覺得大壓力，你諗下自己好過，錢雖然數目唔係細，但都係有解決方法既時候佢都咁，到第時你地真係有家庭要面對既野可能重多
吾好介意我難聽
你叫佢收皮啦
我呢邊combo 同你一樣，男朋友家境一般，女方家境較好。
但係！ ！ 佢理財同規劃比我好，屋企冇好好嘅條件吾係一個藉口。從來吾會自怨自艾 睇自己吾起。
同坦白講，玩股票玩到負債同賭徒冇乜分別，一係佢就弱智 +佢連工都吾識好好地翻 ，就係鐘意發夢嘅廢柴。
窮其實吾緊要，但佢心窮腦窮
同埋呢，真係要跳個啲人吾會咁多geegeegudgud 佢明顯知你係條水魚吾放走你。
捱冇問題，但吾會係同條廢柴發夢友
一切都係緣份嚟嘅
依家醒都吾遲，好過捱個十年八年有埋小朋友🥶
好高騖遠，不自量力，玩輸股票欠責已經信唔過，仲要唔腳踏實地返工還債，又唔捱得，責任心都無，唔想還債，建議佢申請破產.
廿苦與共唔係用係呢個人身上. 早d分手.
我心目中佢好勁… 以前連續幾晚贏10萬（股票）
然後雖然我唔鍾意佢賭德州啤牌，但我冇阻止，佢又有贏過第1 （1次）
男朋友唔係老公 唔好諗住幫佢一齊還
我覺得佢依家好似想情緒勒索你想你幫手還
佢自己輸左錢但唔理你 唔知以為你逼佢賭咁 自己差錢仲係咁轉工👍🏻
Fk!! 點解我角度仲同情緊佢 一陣佢瞓醒我就要煮dinner 點搞 係咪喺threads直播分手先得😭
因為你愛佢 但你要諗下佢呢啲行為係因為愛你唔想連續你定想情勒你 唔係叫你要分手 但覺得無必要幫手還
你青春有限，同舊垃圾捱有乜著數俾到你？佢自己欠債又唔努力還錢，仲情勒妳，根本唔係人。
我老公都窮，但點都會俾我有錢食飯、買玩具。即使失業都唔會怨天尤人，而係努力搵工，2星期內就搵到工做，一做就9年。
成功同一個咩都冇嘅賤男挨佐10+ 年， 挨到做機長 ⋯ 日子好起來個時候 ～ 出軌 ⋯ ？ 😮💨 共患難好易， 共富貴好難～ 傻瓜
欠債從來都唔係問題 問題係看待問題既人
（利申都曾經欠過卡數幾十萬）
但我老公係完全體諒我同我共苦既人🥹🥹
佢講左一句好好既說話：埋怨現況唔願作出改變既人只會一成不變 我唔介意你負債 但我介意你逃避面對債務呢個問題
1.先不評論佢係咪廢柴呢個問題 但每一個負緊債既人條路永遠唔易行 佢而家既行為睇唔到將來
2. 即使無欠債 係感情方面睇你describe 佢無尊重過你 可以理解佢欠債既負面情緒 但你唔係一定要照單全收
3. 你識得係呢度問 證明你有心想解決問題❤️以男女朋友階段泥講 我認為你需要重新諗下仲有無同佢行落去既理由 （碌9唔大🤪已經可以構成分手理由啦 🤭）如果佢keep著係咁 你無必要叫醒一個扮訓既人 由佢訓係個泥潭到算啦
你好好啊！睇埋我覆人d留言🥺🥺🥺或者留返我嘅好俾下個……
我同男朋友兩個都負債，但有多食多，冇嘅就一齊慳，佢同我講，逐樣逐樣慢慢黎，每個月可以生活到了，就慢慢一齊儲下錢…
有次喊到飛起
男朋友好好
冇責備
只係話做咩唔同佢講
講出黎可以兩個人一齊諗辦法
最心痛係我自己一個人孭 唔同佢講 然後佢咩都唔知幫唔到我
最後因為男朋友介紹
我多左份part time 收入
60萬話多唔多，但我50萬都可以債務重組，每個月定左一個數要還之後，都仲有一萬左右剩低可以用，慳慳地仲可以儲，我都只不過係2萬頭收入，還5-6年就可以完了
曾經試過因為錢而喊好多次
最緊要肯面對同解決
自己一個封閉自己
咩都會唔掂 搵人幫下手
最後搵左明愛向晴軒 問下情緒支援+實際支援
佢地好好的，加油～
同埋最後發現負債係香港唔係一件咁嚴重嘅事 原來好多人都係咁
睇多啲問多啲 睇下其他人點應對
逐步慢慢攪啲手續
最多老破4年又是一條好漢～
不過提一提
債務重組記得要搵正當律師樓攪
出面好多agent 呃錢同收好貴手續費
所以問明愛向晴軒介紹就好啲
同埋一份stable 工好緊要
所以冇咩事都唔好係供款年期個陣轉工
好搞笑 我諗起之前話通過唔到債務重組 好似人哋唔啱咁 佢仲鬧個律師收咁貴😂
有機會係因為轉工太多 法庭唔受理
或者係最大嘅債務權益人喺法庭上面投反對票 不過正常都好少會投反對票
因為個債仔肯還錢 好過老破條數收唔返
之前見佢係咁話開債權人會 係咪即係未通過 如果confirm咗應該按時交錢就得？唔交又會點呢🤔
開完會 律師樓就會安排上庭
然後法官就會宣佈係咪通過
之後律師樓就會通知你幾時開始每月供款
每個月按期供款就可以
同埋律師樓一定會幫你計到你可以負擔嘅數
唔會令到你生活唔到
如果唔交律師樓就會取消已通過嘅債務重組計劃
然後就會變返由債主自己追爆+繼續滾息
無，我成功同男仔捱過，跟住佢出軌
你自己諗你要唔女賭2年青春同佢捱
首先 我絕對唔建議你幫佢「捱」，你地只係男女朋友，60萬好少數 如果佢作為一個男人 都還唔到 咁呢個人將來有咩能力照顧你？我唔係叫你離開呢個人 相反你應該用呢個機會睇清佢係一個點樣既人，出街食飯你可以簡中請佢 但 債就一定唔可以幫 幫佢就害佢同自己⋯⋯
每個人都有自己既人生路要跑 邊個人出現 幾時分開 都係緣份，好好照顧自己 佢點算？佢味咪繼續行佢自己既路 還自己既債 大不了咪 破產羅～
正常人既話係唔會有生命危險 除非佢唔正常。
男人既生存能力應該要好高先岩既
放心啦死唔去的
原來’似翻個男人’係可以扮出嚟 我以為係與生俱來會有承擔😭
輸股票唔係重點，輸左有負債味努力做野去還囉。
佢又要還債，又唔努力做野，無非都係知你有錢，就算佢唔努力，只要有你喺到，條數都一定清到，未來你地再長遠講結婚生仔，信唔信所有錢都係問你拎？
有，但輸唔緊要，但負債即借錢賭同投資 咁就不了（ 佢嘅財務管理實在太差了，同埋個人冇咁大個，唔應該戴咁大頂帽，佢成功係佢嘅事，但係辛苦都係佢嘅事，除非你接受到大起大落，但係好難唔兩個一齊癲）
穩定資產等樓債外，接受不了，你可以同佢食平嘢或者一齊煮飯拍拖，但係長遠要未來要結婚就一定要有生活費如果冇咁就算要放手
你同佢熬一定不要心軟借錢比佢，除非屋企人生病，死人冧樓，否則心軟害死你，如果有一日走，你一定要完整咁樣走唔好俾佢爭你錢
（經歷過一啲嘢嘅人上）
我覺得你辛苦想搵人傾可以私我，真心經歷過啲野，唔想世上多個慘豬，唔係個個睇得開唔死
男人角度 寧願俾個藉口推開你都唔會要自己另一半一齊捱
甘苦與共好理想 但現實就係殘酷
一個人嘅煩惱，講咗就變多一個人煩
同埋好多時候太多無可奈何係講唔清的
上岸第一劍先斬意中人
同佢捱佢係唔記得你嘅好同埋會覺得係應份，男人信唔過
Sis 快逃
衰賭真係冇得救架，咪癲啦，從古至今大賭仔家破人亡嘅故事
好明顯係佢屋企人捱，但你男朋友細個唔洗點捱
想一步登天，點知輸咗六十萬
好明顯唔知咩叫真正捱啦，邊有人捱捱下要食放題獎勵自己，連少少辛苦都捱唔到
唔好幫佢孭債，我覺得個男仔想你幫佢，但你真係唔好幫
我仲以為真係會好辛苦… 佢話地盤要上棚架 佢話唔安全唔上
大學本身唔係讀呢啲走去炒股嘅根本同賭錢冇分別
輸錢都係遲早嘅事
佢唔戒賭 啲錢還曬好快又再輸過
個個都話一定🤣佢哋呢類人都幾predictable
多蚊
但oh my god可能我應該正正經經去做善事
其實呢 玩股票就唔會玩到成身債既 除非你借錢 咁你陪個賭仔捱乜鳩 佢唔去新蒲京 去左港交所渣嘛
佢話要冷靜 佢唔食你既野 唔緊要
呢D時間你都冷靜下，唔好搵佢住
你自己都諗清楚先，我覺得而家係你想一齊捱，而佢唔係咁諗，佢既行為好似似你欠債咁，你欠左佢咁
如果佢肯上進，佢好仔，佢好錫你都要諗係咪一齊捱幾年，但…..似乎唔係
傻妹唔好咁傻去捱….幾年
佢問我借佢600定600萬
我嗰吓係🤔
Ok多謝你。明白了。
??? 捱??? 你人生好順暢要搵啲嘢搞下？好地地做咩要同人捱？
10賭9輸，就算你10賭9贏，輸1次已經一鋪清袋
輸到連工都唔返既人，要黎.....？
佢有諗過一齊捱？
你自己諗咋，傻女
做得地盤應該都唔會係乜嘢投資天才，佢所謂既買股票，呢d叫投機（即係入個世界最大既賭場賭錢）
表面證供就表明佢唔係一個有上進心既潛力股，妳想組建家庭的話，就唔好對佢有乜期盼，更加唔好生小朋友，無謂累埋下一代
反而好想知妳當初點解揀佢？無得揀？
買隻邊牧算啦，仲開心🙂
起碼邊牧唔會三更貧五更富
又唔洗妳幫手還債