📌 有啲嘢一直忍，但其實
共 79 條紀錄
有啲嘢一直忍，但其實唔代表冇感受。
結婚前一晚，喺我屋企人面前話我冇家教；結婚當日，又講「個仔可惜唔係同前度結婚」。呢啲說話，到而家都仲係心入面。
我屋企人嚟英國嗰兩個星期，每一日都被批評、被數落，完全感受唔到被尊重。唔單止係佢哋，我自己亦都一樣。
帶狗出街唔會講，明知自己控制唔到；成日話我隻狗污糟核突；甚至試過喺我瞓覺嘅時候，開門俾陌生人入我房整水喉。呢啲唔係小事，係基本尊重同安全感嘅問題。
仲有，一直以嚟都係命令式語氣，從來唔係溝通。
我唔係要求好多，只係想被當一個人咁尊重。
其實怎可能俾件事失控到咁？
唔尊重你又唔尊重你屋企人 你老公唔識教下佢阿媽？
如果你老公乜都唔做 你到底留喺到做乜
當一個人完全自我中心，唔聽人意見，其實就算我老公講咩都冇用。真正嘅「一言堂」。
而且老公唔係冇同佢講過。
佢都冇當你係人咁尊重，咁你仲忍佢做咩？既然你忍佢佢都得寸進尺，咁不如令自己好受啲，以後佢做咗啲咩你唔鍾意，你直接將你心嗰句講出聲，將自己情緒發洩出嚟，反正佢都咁自我中心佢都唔會覺，咁你忍嚟做咩，自己攞苦嚟辛？就算發洩尊現況冇幫助，對自己好啲好唔好？
依家要一齊住，如果所有講出聲，唔會令現況有改善，只會更worse。當然，好多人問「點解要一齊住」， 因為一句「個仔唔要佢，佢要跳樓死」嘅時候，請問可以點處理？假設佢真係跳樓死，我同老公係咪變左罪人會後悔一世？
發洩出嚟都唔係咁容易，對自己好左，但同時令老公同佢關係更加差，又係咪值得呢😔
我地都有plan去解決，但最少都要1、2年，唉。
呢樣嘢，你老公唔幫你，都好難解決。你99睇嚟有「空巢症」，我99以前都有，我老公用咗10年時間先攪好我哋嘅關係。我老公好決絕，唔見就唔見，係到99唔想見我，連個仔同孫都唔洗旨意見嘅地步，等大家心情好返有計傾先傾返。
好好同老公傾吓點解決。
（呢件事我教識我個女，媽寶真係唔好嫁）
早幾日睇新聞報向太論婆媳關係,睇得通透,咪就係內心唔安穩。有幾多老公有呢個心思幫手解決婆媳問題,而唔係事不關己阿媽唔鍾意妳關我乜事。妳先生肯解決👍
你自己有無為自己同家人爭取過
忍咩
佢把口生到咁, 我一定大大聲轟過去
唔洗所謂老公
如果話我家人, 我自己出口
如果你唔係呢類人
你最好每晚練習下 下次可以點樣響亮咁鬧返佢
如果你唔係好蝦嘅人,
你只需一句: 你講咩
佢已經會自己縮埋
所以你一定好忍得 佢先覺得你好蝦
老公有出聲，但唔係所有事「diu」完等於解決左。無咁容易😂
當有人鬧我屋企人，我會企出嚟屌鳩佢，唔會好似你咁啞忍等佢哋受委屈
當我屋企人為我去忍讓，我又可必破壞佢地嘅好心。
事後有同爸爸媽媽講過，因為我好心痛，但佢地覺得我地2公婆過好自己生活，無視佢就算。
其實你狠心
反大鬧佢一次
佢以後就收聲架啦
通常係㨂人黎恰架
見你會搏嘴
就會縮
本來本住家教應該當聽唔到
不過呢類人唔會有自省
只會踩到上你心口
佢話得你無家教 你就俾佢睇下可以幾無家教
自己唔保護自己 無人幫你
老公係佢生凑大
好難代你出口 否則佢又會要生要死
我會反枱 喺掃曬啲飯菜落地下個種反枱
痴線嘅人要比佢更痴線
妳老公有咩反應先？叫佢唔好淨係對住妳講同妳老公講。仲有忍得多身體唔好,直接爆。至於隻狗,佢成日話隻狗污糟核突你估隻狗又唔嫌佢核突咩😂
老公有同佢嘈架，其實佢係最辛苦個個。
係呀，狗狗都唔痴佢
由佢講前度句嘢，你老公冇爆到佢以後都收口，就證明你老公唔係好企係你度。
咁都忍得 屎都食得啦
直面黑面鬧返佢啦，唔出聲只會不停比人蝦
咁都得、點忍、你忍到真的不簡單
忍無可忍就要為自己搵出路
真的:
百忍不成金 而是
百忍不心今。
懂得愛自己幫自己才是真正自己。
㊗️🧧
都真係開始忍唔到，諗緊如何擺脫。
但所有事都需要時間😔
佢就係睇中你唔出聲， 變本加厲， 話完你都無後果又可發洩吓
睇得出你兩邊冰封三尺飛一日之寒，最重要睇你老公handle成點，但你亦都要反思有冇做得不足，單聽得出都好難挽救關係
緩兵之計，多啲番外家過夜，拉開距離，等待局面改變。間屋邊個係業主，如果你係業主，或者係你兩夫婦係業主，你就要強硬一點，不要節節退讓，不尊重的語言要頂回去。如果你沒有業權，就只有忍讓，等待局面改變。
我哋係英國，爸媽係香港🥹 但重點係我同老公都好中意英國，無論係環境、鄰居同工作，只有佢地令我地難受
拒地？係拒地兩母子？老人家可能不適應英國生活，心中納悶無法減壓，攞你來出氣。咁你有無物業業權？如果有，適度頂回去，讓她有所收斂，維持平衡。不要讓自己一面倒受壓，做成心理傷害。
直接喺每件事發生時表達不滿，不用儲起。邊日開你房門，邊日叫佢同師傅出返去。邊日講嘢唔尊重，邊日直接講你覺得說話好難聽你唔接受，基本上人與人之間相處貴乎平等及互相尊重，長輩不等於可以唔尊重你。坦白講，你有尊重過自己，定係純粹呢道呻完但現實生活中冇正面處理過？
其實已經溝通過4次，係認真講有咩我地認為唔岩，覺得要互相尊重。
但佢會話「有咩問題」、「我講嘅係事實，你地講野先係難睇」。
已經試過處理，點知係我屋企人嚟時間，佢仲更加癲。我父母有家教唔想我難做，所以都係忍。
你父母生你出嚟唔係要為咗受人地老母氣
你都係有阿媽生
你諗下如果你有個女第時受呢d 委屈
你想唔想你個女繼續受呢d苦
唔同住吖？係就好啲，依啲人做唔到家人，似乎佢都冇當你係，只須知道佢係老公個阿媽，平時冇必要唔需要接觸，佢個仔孝順佢就得
乾脆來個大報復，從今開始，你全副心思精神去對付你99，係咁日日夜夜洗你老公腦，等佢疏遠／厭惡佢老母，離間佢地的母子之情，逐漸減少你老公同佢老母見面的次數，控制老公唔再花錢在佢老母身上，要用盡辦法阻攔，變成用返在自己屋企，總之你老公見99／對99好少少，你就癲，男人應該會怕煩而多左配合你。
以上純粹同你一齊發洩下幻想下😂
我老公已經好厭惡佢呀媽，不過一齊住，暫時都係得個忍字。
我地已經係廢事同佢嘈。
如果根據結婚當晚嘅說話，潛台詞就係佢覺得你配唔起佢個仔。唔係誰對誰錯嘅問題，而係呢啲係佢主觀感受，好難一時三刻改變。
另外，唔知佢係咪棉乾絮濕咁一個人湊大個仔，所以視個仔為一生中最大的資產定點，某程度上佢覺得佢對個仔嘅期望落空咗。
然後係離開香港去英國，佢可能只係因為想痴住個仔，但佢其實完全唔適應當地生活。
不滿+壓力，就發洩咗喺僅有的親人身上。
或者試下軟功，搵個機會同佢講：
「媽咪，我其實都好佩服你，可以願意為個仔嚟到呢度陪我哋一齊生活，適應陌生環境，真係唔係人人做到。」
目的是安撫佢躁動的心，令佢知道你都見到佢嘅犧牲，可能逐漸佢都會見到你的付出。
點一齊住呀？
基本尊重都冇
一係同老公搬出去住
一係你自己搬出去住啦
見文推知，根本原因吾中意你，解決方法只有分開住少往來。
一齊生活你好辛苦，老公都好變磨心……
你係住係奶奶屋企定你住喺奶奶係屋企？如果 你係住係奶奶屋企就可以搬出去唔洗見(呢啲錢唔慳得，比自己一個健康嘅環境生活最緊要) 。 但係如果佢住你屋企就麻煩啲，叫老公請佢走比較難度高。 唔係同埋一齊住就真係唔需要見面或有任何聯絡。 有小朋友就連個孫都唔洗見，等佢自食其果。你老公要見佢，由佢，佢想帶埋小朋友都由佢，但你唔需要參與。
係一齊移民去英國，2老要一齊住，如果唔一齊住等於唔要個呀媽，佢話要跳樓死。
所以我都同老公講，一齊住嘅話我唔會生小朋友。
呢個只係用來要挾你哋。 最多近近地但係又唔好太近， 重緊要係佢哋兩老近超市疹所。叫你老公一星期自己返去一次交人。如果你哋兩公婆係鍾意小朋友嘅，唔好因為呢兩個外人阻礙你哋組織自己嘅家庭，佢哋唔值得你哋去等或因為佢哋而錯失機會。
老公有出聲，有diu番轉頭，但試想像佢媽真係「有佢講無人講」到一個點。 你可以點😆
我會選擇係佢鬧我無家教嗰一刻退婚，男人之嘛，天涯何處無芳草
可能我比較硬頸，我唔想因為一個同我無關係嘅人，而同我愛嘅人分開。
你係同佢冇關係，但係你愛嘅人係佢生。你有冇聽過一句說話，阿媽得一個，老婆係可以換一個？
😂我都有問過佢呢個問題。
不過我哋努力緊之後搬出去。
那你老公無反應嗎？在你們婆媳關係如此緊張之際你老公扮演了甚麽角色？
除非你成家要靠奶奶，吾係忍乜9，你老公問題都廢事講
因咩事話你無家教？
都結婚仲講前度？ 比較過人哋真係比你好？
房入面有水喉要整？ 男人入去好危險🫣
因為我唔會同佢瘋狂聊天，因為老公前度係勁多野講個type，我性格比較靜，就變左無家教😂
因佢前度用物質收賣，佢地分手係因為出軌，係咪值得比較？
因為係套房，我地住英國🥲
一齊住呀？ 唉！ 忍係無用架，遲早爆。3 個人一齊傾下啦！
講左4次，每次3個鐘。
無結果，因為佢跟本唔接受人地意見同諗法。
佢係咪覺得自己生左個仔，好大功勞，佢最大，你地乜都要聽嗰隻？ 你d 99 超難頂。你都係你家庭嘅掌上明珠，唔好再比佢蝦你。佢只會越黎越過份。
你講得啱呀，永遠唔夠講嘅時候，佢就會彈一句「我係你老母」就完咗㗎啦。
你容忍只會令自己內耗，對你自己同同你老公關係都冇好處
冰封三尺非一日之寒，要改變當然唔係容易，但唔take Action只會越嚟越衰
有試過溝通，但不成功。
所以有下步嘅計劃，都需要時間，所以先係度呻下
無他，去到英國一齊住真係困獸鬥。
祝你未有情緒問題之前有解決方法。
保重！
咁唔尊重你同你屋企人，你唔當場退婚，呻來托咩
自己攞嚟賤
襯未有仔女前好快啲走啦，婚姻係兩個家庭磨合，有啲嘢唔到你控制，最後自己辛苦咋。
只能說好彩同老公係同一陣線
我唔想因為個「奶奶」而選擇放棄個老公
結婚前一日你仲可以有得揀嫁唔嫁，嫁咗都可以離婚，重點係你奶奶極度唔尊重你同你屋企人，如果係我連婚都唔會結，又受氣又盛，唉。。。
如果有人咁對我屋企人同隻狗，我唔會俾佢好過，既然一齊住，咁佢唔使旨意生活得安安樂樂。
你老公幫你唔到，處理唔到自己屋企問題， 點解要同一個令自己委屈嘅人一齊