📌 有次同幾個家長傾計
共 47 條紀錄
有次同幾個家長傾計
唔知點解講到小朋友出世。
有人話：
「我喺政府生。」
有人話：
「我喺私家。」
然後有個媽媽好自然咁講：
「我喺 養和醫院。」
氣氛冇變
但空氣好似停咗一秒。
咁似我以前一個同事，成日睇病一定要去養和睇，某日我唔舒服，嘔，本來想返屋企樓下睇，拿拿臨睇完食藥返屋企休息。點知呢個同事太熱心，堅持要我去養和睇，call的士夾左我上車，去到養和又要等左好耐，期間都嘔左幾次。好辛苦睇完坐的士返屋企，我都唔記得睇左幾多錢。本身我喺屋企樓下個醫生，medical card睇佢係免費，因為佢堅持去養和我無端端使多左好多錢🫠🥹對於生活開支要計住數黎使錢嘅我黎講，真系覺得好無謂，最慘嘅係其實醫生開嘅藥都係普通消炎止痛藥，話我嘔乾淨就會好。同我屋企樓下個醫生睇其實冇咩分別⋯⋯🫠
大劉個仔都係公立醫院生
劉鑾雄長子劉鳴煒的前妻Wendy於2008年11月在香港公立醫院誕下一對龍鳳胎（早產），當時他選擇在公立醫院分娩而非傳統富豪常用的私家醫院，此舉曾被認為作風樸實。但劉鳴煒後來解釋，這是因妻子早產，私立醫院無法處理而被迫轉往公立醫院。
同幾個家長傾偈，問吓暑假準備同仔女去邊度旅行？
「都係歐洲咁啦，今次去葡萄牙西班牙」
「好多地方都去過晒啦，我哋去加勒比海坐郵輪」
「想同仔仔感受吓大自然美景，我哋成家去南極坐破冰船」
空氣凝固咗5秒🤫
一講養和就空氣停咗一秒？？？
我兩個阿哥都係養和出世
咁到底空氣係咪又要停多幾秒？
醫院咋，唔好咁啦
重點係個細路接受咩教育點樣培養而唔係邊度出世呀
咁樣一直比落去係咪要連老公既國藉都要比較😂😂😂
And its interesting, I still cant make out whether this posting person is writing a serial, sarcastically giving this system a beating or if she is for real, she must have a super low self esteem. I bet it that it is for 控訴社會制度，多於心埋變態
全部人都是被洗腦了嗎？
雖然在哪一個醫院出生可能會俾人猜想到家庭消費觀
但這些都是外在的東西，不需要花時間這樣struggle
隨機是比較那間醫院的設施較好，計劃較好 etc
我自認為自己屬於窮人，但因為有買醫療保險，無論係我先生或我自己都先後住過養和，而且唔止一次，住過之後真係唔覺得有幾矜貴！養和在60年前的確係好貴氣嘅。
She is making up stories if everyone is about the same background, why would someone stipulate the name of the hospital and its not that much more expensive, unless if she has a very low self esteem
有些人好鍾意強調自己私家醫院生小朋友 ~ 睇法是朋友自己問冇所謂 冇人問你自己講是另一回事 何況不少人是使用公司福利
我識親啲專科醫生(不是婦科）都咁啱係政府醫院生😅，我自己都係私家，但係真心欣賞低調有料嘅真有錢人。👍🏼
n年前剛出嚟做野係政府部門做左一年temp., 嗰時有個又係temp.嘅女仔，唔舒服話去養和睇醫生，後來先知原來佢屋企超有錢。
如果係全老豆班係到講嘅話
對話內容應該變咗
我係阿媽生
我係黃秋生
我係插班生
呢啲無厘頭Dad’s joke對話
我喺澳門發生意外，最後留咗喺澳門科大做手術。有幾個人問我，點解唔去養和做？ 我都冇氣回應
究竟Rita姐有幾自卑呢？
間間私家醫院都差唔多，尤其係港島區，你話明德就可能貴d啫
讀得is …十萬八萬邊個無…幾無聊先會覺得養和私家生好巴閉
講真，買個手袋都無左
如果係真，呢班家長都幾無知。
扮上流扮得咁辛苦又何必，連出世間醫院都拋得窒。
唔知點解啲人覺得養和好，我就真係麻麻哋。雖然我冇住過，冇喺嗰度睇過醫生。
真係麻煩，又想知人邊度生，直接講出嚟又呢樣果樣，響邊間醫院生其實有乜好問？
邊間醫院生都冇關係，睇下你個醫生係邊到掛單。
港島區私家醫院選擇唔係特別多
我有個舊同事，大家討論緊睇醫生貴，佢話唔會睇政府醫院，話睇開私家醫院🙄
我唔覺得政府生有咩問題。同事問我係邊度生，我話政府生，但大家都呆哂。
弱弱一問，點解你存在嘅空間，
空氣成日停咗幾秒，係咪奇異博士啲friend？
成班無聊無料低端師奶，養和就覺得自己生皇子咁
qm頭等、私家症又點算🫢
其實喺邊度生？小朋友有乜咁巴閉？死嗰陣時撞喺邊度先係最重要同最巴閉
政府生同私家生都係一樣，有咩咁巴閉先，大人同BB平安健康先最緊要。
我識既係養和生小朋友讀津小😂（屋企絕對俾得起錢讀貴價國際學校）
And La Salle, the only 2 schools left
「空氣停咗一秒」係咩説法？
我從來冇聽過一個正常香港人咁講嘢
生仔呢啲one off野俾貴啲有乜所謂
你話你長期病患係養和睇就話姐
停幾秒係「咁都好講？」
養和啫… 十幾萬…. 明德生都未出聲啦
養和生好貴咩🤣 間間私家收咪差唔多。話明德生可能型少少
我以為會有媽媽話係屋企生😂
每日不知有幾多人係養和生啦
空氣停左一秒係其他媽媽想話果位媽媽on9但又唔好意思出聲
我女以前話比同學聽媽咪順產生佢竟然比同學笑佢污糟。
你問吓佢, 咁你自己喺邊度出世？可能係母嬰健康院。
我爸話我媽痾屎時唔小心谷埋我出黎 我應該係廁所出世
睇你啲post好搞笑。都唔知你係真定係假膠。😆😆😆
The world is so much more than just international school Rita