本人強烈反對‼️‼️‼️
薄荷朱古力（薄荷請你乖乖留喺牙膏）
抹茶 +嘔心紅豆
米線或乾炒牛河 +芽菜
jeng呀~~~~~好好食呀~~~~~~~~~~~~~~~~~~~~~~~~~~~~呀😆😋😆
前面兩項，我強烈表達同意…
朱古力唔應該有薄荷！
我好多Friends都鍾意抹茶紅豆蛋糕… 我唔得！ 抹茶蛋糕OK！ 紅豆批我都算OK（但唔鍾意食）！ 兩樣擺埋一齊，我真係唔得！
不過，我知道乾炒牛河應該係放韭王，但係作為加拿大老華僑，以前冇咁容易買到韭王，全部都係有芽菜… 我食慣咗，接受咗佢！ 😜
多謝你嘅另類留友看🙂↔️我要like晒呢條串所有幫薄朱平反嘅post🙂↔️
取自《宇崎學妹想要玩》：
「吓？你啱啱話咩話？望住我對眼，你有種就再講一次！
呢句嘢，根本就係嗰啲睇唔起薄荷朱古力嘅人成日掛喺嘴邊嘅對白嚟㗎啦！
你自己食唔到薄荷朱古力，係因為你個味覺垃圾咋嘛，但你呢啲懦夫永遠都將責任推俾薄荷！成日話：『咦，好似牙膏味咁嘅？』
跟住呢啲人就一定會話：『有冇搞錯呀』、『你去食牙膏啦』之類。真係白痴到極！
牙膏係攞嚟食嘅咩？你有冇想像過，被一個連牙膏同食物都分唔清嘅傻佬去笑你傻，係一件幾咁侮辱嘅事？
不過，我最頂唔順嘅係，嗰啲人覺得自己理解唔到嘅嘢，就可以隨便去迫害人，嗰種自以為是真係好傲慢。
冇錯！我哋『薄荷朱古力黨』已經俾人歧視咗好耐喇！一直受埋晒啲因為無知而嚟嘅虐待。
當年薄荷朱古力雪糕由遠方大陸傳入日本嗰陣，因為隻色太勁、陣味又獨特，銷量確實係麻麻。但係！我哋薄荷朱古力黨喺咁多偏見同歧視之下，用咗咁多年努力，先至一點一滴咁增加到啲戰友！
到咗今日，終於有人讚佢清爽、影相又靚，多咗好多 Cafe 出薄荷朱古力甜品，超市貨架上面嘅款式每年都喺度增加緊！
但係！嗰啲味覺殘障嘅反薄荷分子，仲係咁無知！企起身啦，薄荷朱古力黨！化悲憤為力量，反擊呀！（下續）
例如明明隻 Game 啲人連玩都未玩過就俾人踩，或者明明咩都唔知就喺度批評，你都唔鍾意啦，真係諗起都火滾！
仲有呀，個先後次序根本就錯晒！唔係薄荷似牙膏味，係牙膏做成薄荷味呀！
唔使理嗰啲味覺殘障嘅喪家犬！我好感謝薄荷朱古力！多謝你，薄荷朱古力！
食一啖，嗰種清涼醒神嘅薄荷味就充滿成個口，之後朱古力嗰種溫柔嘅甜味就會慢慢散開。嗰種舒服嘅感覺，真係令人想一啖接一啖。
無論人哋講咩都好……
薄荷朱古力，就係好食！」
https://youtu.be/JygyWdvbs6A?si=TqGTqN24TO41D7sY