本身同奶奶關係都唔算好好
由拍拖到結婚後 每次見面都係提我+教我煲湯
成日講：你唔飲我個仔都要飲
佢真係好L煩

今日同佢飲茶嘅時候
佢提我BB三個月就要俾BB飲魚湯
我已經唔想俾佢見到個仔
（而家只係21週 仲陀緊）

你老公唔出聲，你老公先係最無用，你下次咪駁佢阿媽，老公都咁大個人，可以自己學煲湯，自己想飲就自己煲.
我99係我陀B係咁講野唔啱聽，係陀到四、五個月到B前都唔見佢，費事自己唔開心，同埋就算再見，佢每次講野唔啱聽，就直接駁返佢，佢就唔會出咁多聲.
同老公講定，生B後佢父母幾時先見，唔見佢其他親戚，每個月見幾多次，唔好俾佢哋自己上嚟你屋企就上嚟，你請咗陪月未？

D奶奶係咁，永遠都要人服侍佢個仔，人哋個女唔係人黎，成日問有冇煮飯比佢個仔食，咁大個人唔識煮比自己食呀？

1. 佢個仔要飲自己唔識煲？
2. 3個月飲乜鬼魚湯，3個月未洗加固，副食第一啖都唔會係魚湯。

你生左之後有咁遠離咁遠 唔係實俾呢啲奶奶激到產後抑鬱🥲

睇完啲留言，發現原來奶奶同新抱真係永遠對立🤣🤣
我老母勁錫我細佬，新年我細佬帶女朋友同我哋食飯，我老母封100蚊利是俾細佬女朋友
我男朋友有$500🤣🤣
我有嘗試問我老母究竟人哋有咩得罪你 你做乜唔鍾意人哋
佢一句，我冇唔鍾意佢，你唔好講到我咁
我話：你有 你自己唔撚覺嫁喎真係🤣🤣

通常個老公廢，婆媳關係先咁差

叫佢教你老公煲

其實你老公一句話唔飲
已經KO左佢

揀錯老公，唔關奶奶事~

咪唔好見囉

同款奶奶
我老公成日咳，我奶奶買d川貝，羅漢果比我地，同我講點煲點煲

點解奶奶總係特別煩 嫁左就一定要煮飯係咪 仲停留係以前思想

可以唔見就唔見
生完
等你心情身體ready 先好見
親戚想見都可免則免

老公都要識做
趁大肚
備定案🤭
任何情況都係以BB嘅媽媽為中心
咁樣都係想BB好大家都好

我奶奶都係咁，仲會特登問都唔問/問左我地話唔要，都硬係要買舊肉上嚟要我煲湯俾佢啲孫飲⋯
我一打二+陀住一個，想坐下都無時間🙈

即喊，扮情緒不穩，之後都唔洗見

😎答佢大肚婆記性唔好 叫你老公去學定之後先再慢慢教你啦

其實唔理佢就得架啦🙂 真係唔駛上心
就算唔係奶奶 啲人行過路過都會俾意見你點湊仔
你有足夠智慧去處理呢啲資訊
唔駛反駁 最緊要 唔駛佢湊😌 加油

中式湯水營養價值確實5高，你叫老公買碗魚湯交下戲

你老公自己唔識煲？ 邊個想飲就邊個煲啦

利申：我屋企係老公負責煲湯的，因為佢好中意飲湯+無湯飲唔得，我就一般般可有可無，所以佢想飲乜湯就自己煲

係啊好好笑架 有時我奶奶都會問我 你地有無煮飯架？我就會答 有啊佢（佢個仔）煮囉☺️佢煮飯好叻架 點解做女仔一定要識煮飯煲湯 咩年代😂

勁明！想叫佢哋食屎
老公喺呢啲家庭長大
可能都唔覺有問題
我次次都係一副我完全唔識煮飯嘅樣
想叫我煲湯？
「我都唔飲湯嘅/我唔識煲喎叫xxx自己煲啦」

唔使搞咁多嘢啦!叫你個老公返去阿媽度飲咪得囉!再唔係叫你老公以後喺阿媽度住囉!大家都唔使煩!

試過結婚初期阿奶嚟我屋企食飯，好俾心機煮咗三個餸，佢話我啲菜心冇菜心味🤨準確啲係「冇哩文味」，佢話佢買嗰啲先好食。之後我以後唔俾佢上嚟我屋企，亦都唔再煮飯俾佢食🤓

老公自己揀，離婚囉

我：99，你喺WhatsApp錄低，我得閒會播番嚟聽，你唔駛成日重複講

我奶奶平時都對我好好
但突然有一日發脾氣講咗句嘢，
因為外國人，我聽唔明
問我老公咩事，佢話冇嘢
後尾先至講返話
原來佢話我，結咗婚咁耐最基本嘅薄餅都唔識整
我？我老公食咗30年未識整wo 
以前我會為咗想個女同佢屋企關係更親近，老公冇放假，都會2個禮拜去一次，
從此老公有假放先會1-2個月返去一次

我同奶奶相處唔差，因為只係過時過節先見😂 正常你唔想見奶奶，我都唔覺奶奶會好想見你，想見既都只係要你做野，咁何必見呢。 要見叫個仔番去見算啦，自己me time 唔好？

好多男人都係比女人縱到變大少爺
都唔明點解咁多老母特別唔識教仔

唔講其他，但3個月bb係唔可以飲魚湯！bb 6個月前只能夠飲奶！！

叫佢個乖仔自己學煲湯啦，唔係老馮煲湯俾佢飲

多數呢類奶奶都係家庭主婦，可能習慣咩都幫屋企人做哂

你同佢講飲嚟做咩啊？ 我細個都冇飲呀。🤪

個仔要飲咪自己煲🤭🤭
老婆唔係老母🤭🤭

同奶奶相處嘅方式係佢講咩你都嗯、噢、啊就冇事㗎啦😅

我結婚十一年，都仲係loop緊你第二行 ∞

我奶奶乜都冇教我，仲要鄙視我煮嘅嘢！你奶奶已經好好啦，你咪當利用佢囉。你唔煲，咁佢咪叫自己個仔返屋企飲，到時少個人幫手湊你個B，唔通咁又好咩？

飲魚湯又真係對你同你個B都好架喎，哩一句冇問題吖，不過幾時開始飲你咪自己決定。學咗先，到時鍾意煲咪煲

我估佢對街外人都唔會咁上心，其實都係一種關心啫，老人家表達方式直接咗，但係人冇完美，好少事啫，咁易嬲會有排嬲喎，BB出世之後仲多磨擦！

我唔識煮飯依件事我老公一早就知
以前仲係拍拖個陣 我媽仲會叫我學煮飯
但知我老公學廚（中西甜品樣樣得）仲煮過大餐比我媽食 包括中式蒸魚兼灒油上枱 就冇再講過
連奶奶就冇叫過我入廚房 因為我會駁佢：你個仔廚師黎 👨🏻‍🍳

仲佗緊都咁惡劣

可以唔使見

叫佢教自己個仔煲咪得～ 佢教左咁多年個仔都唔識煲～ 佢檢討下先啦😆

如果不是一齊住，就由佢講，當比面老公

你老公真係咁想飲，叫佢自己返去食飯飲囉，煲一大煲喺度又要幾日先飲得晒，都唔係好健康。

其實可以唔見㗎

好討厭，同我奶奶一樣 成日講煲湯，龜🐢宿老公又係唔出聲🤬🤬🤬

婆媳之間呢個永恆嘅問題！
但係最鳩屎、
嘅多數都係後生嗰個！

我老公都係咁廢 唔會期待佢有改變
我已經因為奶奶嘅煩同霸道有depression 要食藥
好想離婚 而家只係當老公係工具人，司機，勞力

奶奶每次黎，我都避開，叫工人招呼佢，叫個女去揾佢玩 逼佢付出 自己休息下

同老公傾下，叫你老公搞掂佢
其實兩邊都可能有難頂嘅親戚，女方親戚由女方搞掂，男方親戚由男方搞掂
佢唔肯就扮聽唔到

佢個仔要飲叫佢個仔自己煲。