📌 本身約咗好朋友下星期
共 45 條紀錄
本身約咗好朋友下星期睇戲，但今日突然見到佢story 同另一個人睇咗同一套戲。
我同佢講: 你同人睇先冇問題，下次可唔可以同我講聲？等我可以約你睇第二齣唔洗重覆。Thanks.
佢: 我嗰刻真係好想睇又咁啱有人約，所以我先去睇。我又冇話唔同你睇，我再睇都冇問題，你冇必要唔開心。
(跟住就del咗我close friend)
我只係覺得如果一方已經知道晒劇情，咁一齊睇就冇咗意思。其實我從未限制或過問佢同人睇咩戲、做咩活動，只係想再發生類似事情時可以講聲。請問係咪我有問題？我而家應該點做？
佢願意同你再睇一次，其實都幾好朋友，只係大家對睇戲既期望有唔同
多謝大家comment，原來自己有咁嘅反應唔啱，之後會調節
原來友情咁易斷，不過只能怪自己做錯咗
估唔到會咁多留言 想交待返我真心同佢講咗sorry 雖然佢已讀咗 但我都明自己有做得唔好所以冇得怨
多謝咁多人咁認真俾意見 令我學到嘢可以成長 亦發現threads果然有好多大神 可以憑一句就斷定我有處女情意結、一定要同人一齊去廁所 都多謝晒你哋
我以前都會好似你一樣，會失望，會覺得佢二刷好似好浪費咁，佢同人哋睇左咁我哋改睇第二套，原來佢同一套戲可以同好多朋友睇好多次，等等等等無限內耗。
後尾我知，係因為我重視，想同呢個朋友嘅經歷係得我哋，一齊都係第一次睇。
但後尾我又明，佢都係因為重視，所以佢睇完會同我二刷，而唔係話佢睇左就同我睇第二套。
同埋我明白，佢係真係覺得無問題😂唔係話邊個friend d，亦無咩排他性，佢就係唔介意呢樣野。
整整下，我知佢都係重視嘅，只不過表現得同我expect 嘅唔一樣，我都無咁介意呢樣野lu~~
你追求嘅係同佢睇戲，定同佢睇佢第一次睇嘅戲？
佢可能真係覺得睇多次無問題，於是照同朋友去睇先。而你嘅感受係覺得俾人搶咗本來一齊體驗嘅活動。
呢個情況，在第一句你已經表達咗對朋友不滿。「同人睇先」並不是無問題，而係晦氣說話。佢無啦啦俾你質，燥都正常，亦意會到大家追求/價值觀唔同，就無謂俾你睇太多生活，del咗close friend。
你嘅好，係在意同朋友一齊玩嘅體驗。
你嘅唔好，係將自己認為嘅規條放在對方身上。
下次遇到類似嘅事，直接講出感受：「我想同你一齊第一次睇，然後討論劇情呀。」咁對方先可以平常心回應你嘅需求，而唔會迫住要改過。
如果佢咁小事都堅持「我係要同人睇咗先」，咁你哋真係唔夾，搵過個好朋友啦！
抵比人del
約咗你睇之後佢同人哋睇放你飛機就話嬲啫，同你睇多次都要管？
有d明樓主，樓主本身一早約左突然同人睇有d 唔尊重。
同埋想一齊第一次體驗，但就係有d人係唔care呢d, 只能夠講價值觀唔同
唔明點解cm都喺度幫嗰frd兜
明明係約好咗一齊睇 就係想係睇套戲嗰陣會第一次有開心/興奮之類嗰啲反應
真係好想睇唔通po主就唔想睇？
點解就可以自己偷偷地去睇完 要po主發現先講
即係好似想食一間餐廳咁 明明約咗 但係個frd就話好想食所以約咗第二個frd去 但係明明呢樣野係想同佢一齊有初體驗 咁有唔開心都唔出奇
唔明po主錯咩
我都有個一模一樣既朋友
對呢個類型既朋友唔好同佢交心
當佢係一個玩樂朋友
會相處得好d
因為佢唔會用心記你既事
同埋諗你既感受
我明樓主喎！我都係care係咪一齊第一次睇！如果我係你，正常人地問我睇唔睇我都會答約左人啦～
佢del你close friend，即係你都可以直接del佢friend喇。
人嘅誠信一但失去，就好難再建立。佢應承咗同你睇，又咁啱有另一個人約佢，佢有必要同你講聲先，呢個係禮貌亦係尊重你同埋個約定。咁樣唔係你要佢 “交代” 亦唔係 “限制”佢嘅自由，呢個係佢嘅義務要話俾你知佢嘅安排有變。
佢單方面認為 “同你睇多次都冇問題”，係冇考慮過你嘅感受。佢自己覺得冇問題就當埋你都冇問題，「我冇“食言”唔同你去睇呀，我睇完都同你睇呀你仲想點？」 即係敷衍個約定，佢今次敷衍同你睇戲，好似好少事，遲啲再有大單啲嘅事敷衍你甚至出賣你，你到時心痛已經太遲。
必須要同唔尊重約定同承諾嘅人保持距離。你冇錯，友誼到此為止係人生經歷嚟。🙏🏻希望你安好
完全唔掂 明明約好左同佢去睇一套戲
跟住佢走左去同另一個fd睇同一套戲先
咁約嚟做咩 唔使約啦
如果一方已經知道晒劇情，咁一齊睇就冇咗意思。
-------
點解會冇左意思呢？你自己睇得開心咪得。如果人哋半路睇到訓著你係咪都覺得無意思？
如果我係你朋友，我都無話你知，我做左啲咩，而你見到我啲post就會無啦啦走黎俾說話我聽，明明自己出個post係記錄自己既生活，但卻成為別人攻擊自己既手段，如果係你，你會有咩感受？你朋友係重視你，唔介意俾多次錢去陪你睇戲，但就俾你話佢，仲要係睇完佢既post，之後走去話佢，佢會唔會想你之後仲有機會去睇佢既post?
本來好小事，但你失去左一個好重視你既朋友，我個人建議你，係佢角度體會一下你對佢既態度，之後真誠同對方道歉，你朋友真係無做錯，但佢個心係好明顯受傷，因為在乎你，所以佢先會嬲同傷心。
相信係你地兩個對睇戲嘅意義有D 唔一樣。
樓主: 想同朋友共同創造回憶, 因為一齊睇戲+大家都係第一次睇, 大家會有個獨特嘅情感連結, 同步一齊揭曉劇情。樓主可能係一個追求共情嘅人。
樓主朋友: 覺得睇戲只係一種聯誼形式, 唔會將「一齊睇戲」呢件事加入特別人情感, 同你聯誼 vs 聯誼嘅方式可以分開, 所以睇戲只係一個方式, 唔需要強加任何意義。
以小見大, 日後你地繼續做朋友, 都有機會會因為相似性質嘅事而有分歧。呢件事, 樓主就當係filter 朋友嘅機會吧。無關對錯, 只係你地不一樣。
我諗佢作為朋友對住你都幾大壓力，個壓力係來自於你啲口吻，其實你做乜咁care要同佢睇第一次？當然嗰刻會覺得surprise，但係其實你都唔應該質問人，你可以改變吓口吻問：見到你睇咗嗰套戲喎，要唔要轉另外一套？/見到你睇咗嗰套戲，如果再睇你會唔會覺得悶？
好彩係約睇戲而唔係約去旅行，明明約好9月當我放大假時一齊去日本。但係佢竟然3月同其他人去咗日本。
我自己鍾意套戲一定係自己睇先，之後先再同約左ge朋友一齊睇, 想自己100%享受套戲，唔想有人騷擾
唔係太明你嬲咩？
其實好小事點解要搞到反晒面
我都超討厭朋友未同我講就約其他人做我地本來就約左去做既野😐
其實睇多次真係冇乜問題㗎,我經常都係咁做㗎,睇完覺得好睇咪同女朋友一齊再睇多次囉,又可以幫到套電影多啲收入,不過睇嘅過程之中絕對唔會劇透,這也是一種尊重
明白樓主，會覺得明明約左人，竟然唔可以一齊睇首刷，我驚喜時你淡定，不過，佢可能真係好想睇但又唔想等到下星期。但佢答應過你睇戲都會陪你睇，算係守承諾。無乜錯位可挑剔
人品問題，正常已經約咗人下星期睇，點會突然有人約就同第二個睇咗先？你話嗰套係佢超級偶像做，佢一定會睇十萬九千次就話啫
我大概明白你感受
如果你朋友想早d 睇，可以問聲你會唔會提早睇
如果你朋友同佢朋友想睇戲，你朋友可以講已約左朋友睇呢套，睇下佢地會唔會揀睇第二套
最終你朋友都選擇睇同一套戲，又咁容易Del close friend, 可以睇得出你重視佢多過佢重視你
其實我覺得樓主你冇問題
本身約「去睇戲」嘅意思就有去睇未睇過嘅電影嘅潛藏意思 如果係睇啲再睇過嘅會講「想再睇」
對方應承得就表示對背後衣個意思都同意
當然有啲人非要吵 話睇戲只係睇戲 深究其他意思就係錯 其實都只係詭辯
就好似約人出嚟「飲茶」 然後對方黎到話食飽 跟住話約好「飲茶」所以淨係飲茶 冇須一齊食
衣種行為其實本身係對大家共同agreement嘅違背
如果樓主本身同我一樣 約左人睇電影A 就會留翻同個個人先睇 咁你只需要搵翻啲同樣尊重未說出的承諾嘅人
唔好因為咁而內耗自己
覺得樓主無大錯，正常都會諗「個fd明明約咗我睇，點解又會約咗其他人睇？咁之後仲需要再同我睇咩？」，但都希望樓主你明白，一套戲睇幾次，其實真係好平常，唔好太介意。可能你朋友本身都成日係咁，而唔係特別唔重視你，同下次問朋友嘅語氣可以好啲，例如「我見你睇咗啦，咁你仲會唔會同我睇架？到時會唔會悶親你？🥹」咁樣你朋友就唔會嬲，而家你講到好似質問，朋友會著著地又好正常。
但如果我係你個fd，會主動提早講「我真係好想睇套戲，所以睇咗先，但我都會同你再睇」。你朋友而家其實係咁嘅意思，都係重視你嘅表現，因為佢無因為睇咗就放你飛機。只係無主動同你講，令你單方面諗多咗。
無話邊個啱哂錯哂，樓主自己都有反省同講返sorry，但對方del close fd同已讀。如果真係好想做返好朋友，試下再真誠啲解釋返
其實一套戲睇幾次好平常，咁你朋友都無話下星期唔同你睇，如果我係你朋友，我都會diu9返你。
我同其他人睇咗又點啫，我有話下星期唔睇咩？！
只係好少嘅事，做你朋友都幾大壓力
其實件事似係明明約咗我，即係我期待你係會同我睇先。個感覺似係原來我唔重要，其他人重要啲咁😅
衝動咗，其實真係好小事，一套戲睇幾次係好平常嘅事，完全唔值得介懷。如果想有番個朋友，咪同佢講聲依家知道自己衝動咗，下星期睇戲我請。😘
支持香港電影業 鼓勵大家睇多幾次～
其實我以前都有過呢d情意結
後來諗通咗
我有呢個情意結係因為重視呢個朋友、呢份感情
但如果呢個情意結會觸動自己情緒，反而破壞感情，就本末倒置左。
同埋每個人都有自由同邊個睇，睇幾多次，
呢個管唔到，當然你可以心平氣和同佢講，希望你可以成為下一套戲第一個同佢睇嘅人💁♀️
大個左發現 要難過的事已經太多
就輪唔到呢d自己控制唔到嘅事
而且一套戲 可能校友會要睇 朋友要睇
啊媽要睇 男伴要睇 不時都要睇幾次😂
但戲有時真係唔係重點，重點係同隔離嗰個一齊笑一齊喊嘅時間，係一齊從戲中 建立生活話題、爛gag默契嘅感覺。可以同阿媽講葵芳，又同朋友玩「四捨五入」「食西瓜」…真係好正！
同埋好嘅戲，睇幾次個得著同focus都唔同嘅，
難得佢願意為你花多一份時間同金錢，
應該感恩同珍惜！
樓主，我估你應該係好重視朋友同關係既人，即使去睇一場戲，都希望大家以最理想既狀態去享受同珍惜大家相處既時刻，如果有人覺得你煩，管咁多，睇場戲姐之類，只係大家價值觀唔同，點講都只會傷和氣。
雖然有d 長氣。。。但又好想講😂，如果我係你朋友，我又真係因為某d 情況同第二個睇左套戲先，我唔會俾你知，唔會po story... 呢個係基本既尊重，就係咁🫶🏽
我想講，真係有朋友會介意係咪一齊睇第一次，我有個朋友就係咁，所以我如果同人睇第一次就唔敢出post, 費事比佢知，但老老實實，我會減少約呢個朋友，因為有壓力，而我又真係唔介意2刷同一個節目（電影、演唱會、話劇….）因為都珍惜大家相處時間
小學生先要一齊去廁所
睇先睇後其實無所謂
過程開心就可以
同我fd一樣，本身約左同我去睇，轉頭佢個女話想睇就同左個女去睇，果下我係明嘅，因為能承左同我睇先但又同人睇，覺得唔專重/不被重視？我都有問：同左個女去睇又同我睇多次？又話同我睇嘅？佢話個女叫到唔通唔陪佢睇咩？睇多次咪睇多次佢冇所謂～諗諗下，其實結果佢都係陪我睇，佢睇多次又唔介意，跟住我又覺得其實好小事～
對方真係冇錯 可以睇無數咁多次 你可以再約佢睇第二齣 不過要等佢下咗啖氣先
mind blown 竟然係話樓主錯 👁️👄👁️ world is so kam nowadays
佢真係想睇可以問你即刻一齊睇，除非你唔得閒，但係冇就分明只當你係佢社交中嘅湊數行程之一
呢種人好多，而且故意po出嚟，你將佢當frd，你心內入面就唔好受，只要你出聲就一定錯，婉轉講再睇一次會唔會悶，其實好卑微
你直接退追佢仲好，佢好可能已經同其他好frd嘅笑緊或抱怨你
換轉你係我，對方唔介意陪我睇多次嘅話，我會覺得佢好在乎我呢個朋友。就算佢睇左先，佢未必會劇透，有咩所謂呢？何況對方又唔係得你一個朋友，佢亦有自由選擇同邊個朋友去睇咩電影，亦都無需向任何人交代啊，佢出得story，即係佢唔介意俾你知，我覺得佢好落落大方喔，反而顯得你有d小氣囉。
應該話
佢本身知唔知你介意？
如果唔知其實都無可奈何，佢有佢嘅價值觀，你都有你自己嘅價值觀，如果本身從來唔知道對方對呢件事嘅睇法而產生矛盾，就應該要搵個更好嘅辦法進行溝通，而唔係單刀直入。因為咁樣好容易由矛盾演變成衝突，都有可能破壞一段關係。
你呢個situation係睇戲，睇落係一件濕濕碎嘅事，可能你覺得你只係單純表達自己嘅不高興。但對方未必係咁認為，甚至會覺得你誤解佢
正如有cm話我因為care你先會同你二刷，但你覺得第一次不是和我睇我就已經不了。兩個觀點其實都冇錯，只係出發點唔同。
我覺得無分對錯，係你地應該點溝通，最起碼我覺得你應該至少赴約睇左場戲先傾呢件事，因為呢個係彼此尊重
以前呢類事我都預過
我就係同樓主一樣care對方係唔係優先同我睇or同我去嘅人，都曾經同樓主一樣因為呢啲事唔高興，但同對方溝通過就達成共識如果真係約左其他人講聲就得，我地兩個點都會再睇多次，咁樣。
呢個世界真係每個人都唔同，嬲個陣退一步諗下，對方如果冇對唔住你就忍忍先，了解左先決定要繼續行落去定彼此退一步，
其實人哋鍾意睇幾多次咪幾多次囉，連呢啲嘢都要干涉！佢又唔係甩你底
好似約朋友夜晚食A餐廳，然後佢下晝去左食一轉先咁😓