📌 某日俾差佬查身份證
共 52 條紀錄
某日俾差佬查身份證
差佬：咩嚟㗎
我：煙囉
差佬：打開俾我睇吓
我：哦
差佬：點解小咗幾支既
我：因為食咗囉
如果有留言集合大家都有咁好笑既經驗，我畫做漫畫🤣
瞓醒一覺嚇親，冇諗過大家咁踴躍投稿😳
好好……等小弟安排吓漫畫🙃
某日俾差佬查身份證
差佬：細佬去邊？
我：啱啱睇完醫生
差佬：你個樣好迷喎
我：係呀、唔舒服，啱啱睇完醫生
差佬：打開個袋睇吓
我：哦
差佬：點解有藥既？
我：係呀、唔舒服，啱啱睇完醫生
差佬：咁多藥？
我：係呀、唔舒服，啱啱睇完醫生！啲藥有名㗎唔信你上去問返個醫生
差佬：有病就唔好周圍走
我：係呀、唔舒服，啱啱落樓睇完醫生、而家就係想返屋企！
❨校服❩
差：去邊啊！
我：返學校囉。
差：返學校做咩啊！
我：返學囉。
❨？❩
拎住包1kg咖啡豆
：咩唻？
我：狗糧
：上面寫住咖啡豆喎
大家dead air咗幾秒
：冇嘢喇，走啦
之前去club玩，差人帶大隊上嚟查牌
差佬：幾歲？
我：29
差佬：做咩工作
我：巴士司機
差佬：巴士司機做咩落club
我：？？？？？？？？？？？？？(靜左音）
差佬：咁你有冇揸車
我：有
差佬：架車泊咗喺邊
我：屋企
差佬：你係咪玩嘢啊？
我：你問我有冇揸車，定有冇揸車嚟？
差佬：有冇車牌？
我：我巴士司機嚟…..
差佬：….. 有冇朋友一齊？
我：有（指住隔離個男仔）
差佬：你有冇巴士司機車牌？
我fd：我做救生員
差佬：OK.
？？？？？？？？？？？？？？？？？？？？？
好耐以前係灣仔俾EU查身份證…
便裝搜身 軍裝圍住
便：去邊度？
我：放左學去行街
便：返咩學？
我：IVE
便：呢度有IVE既咩？
我：麼hill 囉
便：（指住個斜咩袋）問咩黎
我：袋
便打開佢
便裝拎住疊notes出嚟問咩嚟？
我： notes 囉
便裝又拎個筆袋出嚟… 問咩嚟
我：筆袋
便：打開佢。
便：咁多筆既
我：係呀
便：乜依家讀書要帶筆同notes返學嘅咩？
軍：依家唔同㗎啦！ 你估你咩？返學乜9都唔帶！淨係帶包煙….
你睇吓人地起碼都帶幾枝筆返學啦！
軍：得啦 ！比番張身份證你 走得啦！ 唔該晒！
我以前揸的士 果陣空車 遇到RB
差佬：吉車？
我：你見到有乘客？
差佬：去邊
我：我點知去邊 周圍兜 有客先知去邊
差 :去邊？
我:返工
差:點解你黑衫黑褲
我:公司制服
差:點解返咁晏？
我: ????? 中午12點有幾晏(心諗)
差:呢個咩黎？
我:m巾
差:點解要帶m巾？
我:因為黎m，再加m痛樣
差:你係咪食太空油？
我:冇！
差:點解你個樣咁？
我:m 痛，問完未，返工遲到！
差:你唔好食太空油
Book左酒吧房唱K飲野，得我到左幾個朋友未到，查牌：
P: 你一個人係到做咩
我：飲野 等緊朋友 未到
P: 一個人飲野 你啲朋友呢
我：未到
P: 咁你啲朋友點解未到
我：因為遲到
唔知可以講咩
2023年，我考DSE嗰陣
差：細佬去邊？
我：去考試
差：咩試？
我：（攞張準考證出黎）DSE
差：你點證明你係去考DSE？
我+隔離三柴嗰個望住佢問晒號❓❓❓
差：答啦（開始想凶我）
隔離個三柴掹住佢，問佢是咪睇唔到我張準考證，下一秒佢收咗皮🤌🏻
中學放學去網吧打機 遇到差佬查牌定咩 反正我地一行人俾人的左出去查身份證
便: (拎住身份證問) 你幾歲啊
我: 14
軍: 阿sir問你幾多歲 吾係問你跟邊度啊
我: 阿sir 我14歲…..
(?)(?)(?)(?)(?)(?)(?)(?)(?)(?)(?)(?)(?)(?)
某日俾差佬查身份證
差佬：係到做咩阿
我：等巴士出旺角囉
差佬：個袋咁漲打開黎睇睇
我：哦，好阿
差佬：做咩袋入面咁多膠袋
我：咁扁唔好睇，個袋漲啲好睇啲
新鮮滾熱辣，今日俾人ss 食咗個全餐
長官🐶 我🍉
🐶： 做邊行呀？
🍉： 失業 。
過咗大概2分鐘
🐶：公司喺邊度？
🍉：吓
🐶：我問你哋公司喺邊度？
🍉：我話我失業喎 ～
🐶冇再出聲 。 
後尾聽到佢好似以為我講實驗🥲 

好多年前故仔
口淡淡想食甜野，買左幾個芒果糯米糍
因為太大舊，食左兩舊亮飽飽地，剩返一個放住袋先。
咁啱撞到警察查身份證，特登拎電筒照我鼻哥窿…
👮🏼♂️：喂，身份證
😅：下？咩事…
👮🏼♂️：你個鼻有白色粉末，咩嚟？打開個袋俾我地睇
😅：… … 芒果糯米糍，我買多左，啊sir啱唔啱？
👮🏼♂️：拿！唔好玩野！
… … 心諗，好彩無食哂；
真係跳落黃河都洗唔清…
星期日
差 : 去邊？
我 : 返工
差 : 咦 星期日都要開工？
我 : ……
然後我望住佢套制服
N年前，喺屋企附近俾隻pc仔逗，
Pc: "Hey, u, stay ! Show me your ID"
我："......."
Pc: "can u speak Chinese? "
我："u mean Cantonese or Mandarin? I speak Cantonese very well, can u speak Cantonese? My Mandarin is no good"
Pc: "玩野呀？唔一早講中文！"
我："阿警察先生，你用英文問，我咪英文答囉，點知你識唔識中文啫？"
Pc: "新搬黎架？好生面口喎？"
我："你新黎呢個環頭架？你都好生面口喎？我住呢度廿幾年，你問下d 街坊邊個唔識我？個個都睇住我大架" (我6呎幾高，應該好易認)
住天水圍 ，踢拖落屯門
差佬問我住邊
我：天水圍
差佬：咁遠著人字拖？
我：好遠咩？？？
喺月台俾人非禮條友走甩咗，報警備案
警：條友叫乜名？住邊？
我：即係你覺得條友摸完我仲會墶朵？
警：你唔知佢住邊我地點揾
我：可唔可以睇cctv 同有無八達通紀錄
三個月後
警: 三個月前太耐cctv無哂record所以查唔到
我: 我當時報案係即時，你地最近先嚟check?
警: 係ar,所以無哂record
😃😃😃
有日都係俾人查身份證
(3:20am)
警 ：做咩咁夜係條街到行
我：(拎住袋M記外賣） 買外賣…
警：做咩咁夜買外賣
我：肚餓所以落樓買外賣
警：點解咁夜先嚟肚餓
我：…阿sir你唔問吓vivienne點解食完咁多餐都仲肚餓？我點知喎，肚餓咪買嘢食囉，我都係食個m記啫
之後佢有個同事係後面笑咗出聲，問我嗰個肥佬中佬警即刻擰轉頭啤佢😂😂😂
幾年前某晚中學校友會聚會，食完晚飯有幾個想聚多陣，企喺條街度傾去邊度飲嘢。
有2個軍裝埋嚟，態度極惡劣問做乜：
差1：夜嘛嘛企喺度做乜？
小弟：傾計囉。
差2：傾乜呀？有乜咁好傾呀？你做乜嫁？
小弟：你意思我依家做緊乜？定問我工作係乜？
差1：你唔好咁寸喎！
小弟：吓？我唔明你的問題，問返你問乜就係寸？
同學1突然插嘴：你唔問吓我做乜？
差2：呀Sir未問你，答乜X嘢呀？！
同學1：我做你上司呀！
差1同差2呆咗陣，望住同學1幾秒後……
Sorry大Sir! 天黑黑認你唔到！唔好意思唔好意思……
睇醫院嘅專科醫生，有姑娘在側
醫生挺嚴肅的，一坐低劈頭第一句就問
醫生：噚日痾咩？
我內心充滿疑惑：errrrrr……痾屎
姑娘擰歪面笑到震晒
然後隔住個口罩都見到醫生黑晒臉
醫生：我係問你痾咩形狀💢
我🤷🏻♀️
三十幾年前：
叔叔喺屯門龍鼓灘吉車出。
中途差人road block 查車。
叔： 乜事呀sir?
差1: 司機，停車熄匙。 向後座問：你條友面青口唇白做乜，出嚟！
叔：阿sir 咪玩，吉車喎
差2: 冇嘢喇，開車啦。
好多年前去band房打鼓
🐍: 去邊？
我: 去打鼓
🐍：樂器呢？
我：係band房
🐍: 身份證，開袋睇吓。。。點解唔拎樂器出街？
我:因為套鼓係band房
🐍: 袋入面果2枝咩棍？ 又話學樂器？ 淨係拎枝棍出街？
我：。。。。。。因為鼓要用鼓棍先得
🐍：未聽過，咩樂器黎，點解要用棍
我：因為鼓要用棍敲擊先會有聲
🐍：哦。。。。無咩事唔好帶棍出街
差：住邊
我：將軍澳
差：住將軍澳出到黎銅鑼灣？
我：⋯⋯
同男朋友去迪士尼，約咗係荔景等
等等下，有個差佬行過嚟
：去邊？
我：迪士尼
：咁做咩係度？
我：啱啱落車，要轉東涌線
：咁你去迪士尼做咩啊？
我：玩…
佢：身份證，去邊啊？
我：返工
佢：而家返工？四點啦喎！
我：呀sir有冇人話你好似謝霆鋒？
佢：係咩🤩快啲去返工啦，唔好遲到啊
（仲未摷到張身份證⋯⋯）
舊年俾差人查身份證
差人A見我袋住支玉泉忌廉嘅樽，但裝住啲水係黑色，跟住佢問 : 呢支咩嚟㗎？
我就答佢 : 芬達橙溝可樂溝寶礦力溝…
差人B問 : 咁樣溝埋好飲咩？
我就反問佢 : 咁你哋啲大人溝酒又好飲咩？
結果在場幾位差大哥都呆咗幾秒
因為佢哋睇落應該俾盡30出頭，但我係45歲
有日喺何文田站
阿蛇：去緊邊？
我：返學
阿蛇：邊間學校？
我：MU，阿蛇
阿蛇：Poly?
我：唔係，係MU
阿蛇：MU?
我：OU
阿蛇：喔～ 你哋唔係改咗名咩？
我：.. 係吖改咗做MU
有一段時間喺外國, 啱啱返嚟香港, 細個去牛頭角機舖打機, 俾一個白衫同幾個斜帽阿sir拉咗出嚟, 我同其他俾人召喚嘅一字牌開問身份證
差：你喺度做咩
我：打機囉
差：住邊度？
我：慈雲山
差：即係蘋果啦？跟蘋果嘅係咪？
我：蘋果？我今日冇食喎(我諗佢係講我有冇跟人,但我嗰陣唔知)
差：我問你係咪跟蘋果呀(開始大聲)
我：(仲係好迷惘,望住部手機同佢講), 呀sir我用Android
差：你係咪玩撚嘢呀(谷到面都紅埋）
隔離白衫check完我張id同我嬲爆爆既呀Sir講
嬲咩姐放咗佢啦~
七年前 喺荃灣西落雨擔遮行緊 差佬問我帶把遮做咩
有日揸緊車玩電話，俾人截停埋咗一邊
長官：啱行車期間見到你用電話
我：sorry,唔好意思冇下次
長官：熄匙車牌身份證
我：ok收到🫡
長官：（行咗我架車一個圈）
長官：你塊玻璃好黑喎，黑到睇唔到入邊喎
我：咁你又見到我玩電話？
大家dead air左幾秒
長官：定額罰款，唔使扣分，陣間望到安全情況下可以駛走
我:Yes sir😂
有一次喺停車場泊車俾差佬查身份證
差佬：喺度做乜嘢？
我 ：啱啱泊車
差佬 ： 問你點解停喺度？
我 ：因為出邊停你哋會抄牌
差佬 ： …….
就前晚
差佬：去邊啊
我：食飯
差佬：點解要食飯
我：因為肚餓…
某日返學畀差佬查身份證
👮🏻♂️：去邊
🤷🏻♂️：返學囉
👮🏻♂️：去邊度返學
🤷🏻♂️：x大囉
👮🏻♂️：袋入面有啲咩
🤷🏻♂️：一部pad同apple pencil
👮🏻♂️：仲有呢？
🤷🏻♂️：包煙囉
👮🏻♂️：返咩學連本書都冇嘅？
🤷🏻♂️：今日算多㗎喇，平時淨係帶包煙咋
👮🏻♂️：唔好同阿sir玩嘢啊吓，大學畀食煙嘅咩？
🤷🏻♂️：邊有大學唔畀食煙㗎
差佬：喺度做咩？
我：等人
差佬：做咩等人？
我：因為約咗人
差佬：點解要係呢度等？
我：因為約咗人係度等囉
差佬：先生你冷靜啲
我：👁️👄👁️
新仔差佬：先生，身份證呀，去邊呀？
我：返工
新仔差佬：返咩工？
我：（指住對面馬路）依間
新仔差佬：返幾點？
我：3點半
新仔差佬：（望一望錶）依，遲到喇喎
我：係呀，你可唔可以快啲？
隔離三柴出聲：得啦（俾返張身份證我）走啦
我：唔該
差：去邊？
我：睇戲
差：邊到睇？
我：？？？戲院
差：去戲院做咩？
我：？？？？？都話睇戲
👮🏽♂️：去邊嚟呀？
🧔🏻♂️：啱啱收工
👮🏽♂️：做邊行？
🧔🏻♂️：電影公司度做剪接
👮🏽♂️：個袋無較剪嘅？
🧔🏻♂️：⋯⋯
另一個👮🏽♂️：同你講笑啫，笑下囉
🧔🏻♂️：哦⋯哈哈⋯較剪公司財物唔帶走得⋯⋯
非對話 某日男朋友被查
👮🏻♂️: 先生身份證啊
然後下一秒佢撩開我男朋友條棉褲褲頭應該係想睇吓佢有冇收埋啲咩
我男朋友嗰日冇着底褲出街
👦🏻: ………
👮🏻♂️: ………
試過係街場踢波隊友同對家嘈左兩句
完場我地去食野 係新城市比差佬前後包抄
的 晒入後樓梯 CHECK袋 CHECK身份証
有隊友係 機械工程師 個袋有好多架撐
差佬查到佢 見到佢D架撐
問佢 呢D咩黎 解釋一下
我隊友 : 士巴拿 𠝹刀 螺絲批
差佬 : 點解有呢D野
我隊友 : 阿SIR 身為一個機械工程師 有呢D野好正常
差佬 : 點証明你係一個機械工程師
隊友 : 係銀包拎張咭片比阿SIR 仲加句"多多指教"
N年前
當年二十令歲做酒吧持牌人
剪咗一個好天真嘅齊陰
本人係雞仔聲

P:查牌
我:開燈，關音樂，拎身份證，拎酒牌
P:查牌阿，負責人呢？
我:有咩幫到你？
P:持牌人唔喺度啊？
我:我係呀
P:你一個妹妹仔做持牌人？ 呢度係酒吧喎，有事咁點算呀？
我：呢度從來都冇事㗎喎
P:有事係咪搵陀地啊？
我:呢度冇事㗎喎？咩嘢叫陀地呀？ 係咪即係你地呀？唔係有事應該搵你哋咩？（好天真咁望住佢）
P:咁啲人飲醉酒暈低咗或者搞事咁點啊？
我:常識題嚟㗎喎，暈低咗就call白車，搞事咪搵你囉？
P:呢個場邊個睇？
我:我睇，放假我唔睇架啦
P ，P sssss : 全部好安靜黯然失色地離開
離開後
我、客: 全世界笑到失聲 😂😂
其實啲差佬問啲問題
係想睇條友點答
答到9唔搭八就知條友take 左嘢
事情發生喺我屋企附近
差佬：靚仔咁夜喺度做乜？
男朋友：送完女朋友返屋企
差佬：咁夜送女朋友返屋企？
男朋友：咪就係夜先要送返屋企
差佬：咁個女朋友呢？
男朋友：都話送咗返屋企囉
差佬：咁你咁夜喺度做咩？
。。。
好多年前去完圖書館，借咗幾本食譜袋咗落背囊
遇正兩個軍裝查證
👮：個袋好重喎，收埋啲咩？
🥸：書，啱啱去完圖畫館
👮：圖書館？仲有人去嘅咩？
🥸：有呀，好多人去架
（軍裝打開背囊拎晒啲書出嚟逐本睇）
👮：呢啲咩書嚟？
🥸：食譜
👮：男人之家做乜借食譜？你識煮嘢㗎？
🥸：就係唔識咪借嚟學嘢囉
👮：（阿蛇一路揭書，中間Dead air咗半分鐘）嗱！我而家提醒你....記得準時還書
好多年前，細佬美國返香港放暑假比警察查身分證…
（地鐵站月台上）
差：你係度做咩
細佬：等人
差：等邊個
細佬：屋企人
差：（指住佢個袋）裡面有咩
細佬：eh…
差：開黎睇睇
細佬：（打開袋）
差：（伸手入去攞出一本聖經）
果刻我和媽媽到達，見倒個畫面個警察攞住本聖經同我細佬企係度
媽媽：（好緊張）咩事呀！
差：冇野喇
然後我地搭地鐵返教會
早幾年同老豆係灣仔天橋比差佬截停查身份證
差佬：你地兩個做咩一齊行 咩關係？
老豆：同個女出街咪一齊行
差佬：（睇住兩張身份證）咦 同姓架喎！
老豆：我個女緊係跟我姓啦😑
差佬：哦….
之後就放左我地走