母親有病2.0
大家講,廁所真係咁核突咩？
話說有一日去食放題,安排咗一個廁所位（嚴格唔係,只係佢隔離嘅通道通往廁所）我阿媽就好唔滿意,要求換位,當時我個樣係咁樣：「😅😅😑」真係好無奈同埋好尷尬,唔明廁所位有咩咁核突？
佢想唔坐就唔坐,關我咩事？真係好尷尬😑😑
大家好,呢篇文重點唔係廁所位問題（雖然都係一啲重點）（仲有個廁所是要行一條好長嘅走廊,我哋原本坐嘅位就係走廊起點隔離嗰個位）,我想講嘅係,咁樣就叫人掉位真係好尷尬。
@kowloon_city_federation ,你頭先講嘢我好贊同,雖然今次真係有啲係我嘅問題,但係我嘅重點就係太尷尬。
同埋我唔係咩不孝嘅人,我開呢個帳號都係想發洩下我嘅負能量,雖然一定有觀點會錯,但係發洩我心情已經算好。
唔想坐廁所附近而周圍有吉枱，咁問下換枱都合理嘅🧐
第一，隨時有味(你可能聞唔到，但對嗅覺過份伶敏嘅人嚟講係好辛苦🥹）
第二，近廁所多人出入，容易俾人撞到/hi跌枱面野
第三，唔知其他人衛生係點，洗完手冇抹乾，出門口求其fing下手，你都俾佢整烏糟埋🫣（如果個個咁乖，就唔會成日餐廳廁所門口都濕立立啦）
我有得揀都唔想坐，我覺得係人之常情。開門閂門，啲人來來往往咁樣，有得揀都唔想坐。
小小事你都擺埋上網鬧你母親，係因為你覺得你既需要比佢既重要。即係你尷尬五分鐘係大件事過你阿媽坐喺一個唔舒服既位置食個幾兩個鐘野。
以前既廁所衛生情況都比較差
坐係附近都會聞到廁所味
所以會比較抗拒
但依家監管好左
你呢個可以理解，我奶奶仲勁，有次買咗盒泡芙返去大家食，佢因為間鋪轉彎係商場廁所以佢唔食🤟🏻🤟🏻
你咁樣就話你阿媽有病？
wtf咁你咪同你阿媽掉位囉，唔可以對廁所位唔滿意呀？大佬咁多人出出入入，講真係難頂㗎，如果成間餐廳唔係冇位，唔明點解唔要坐廁所位都有病囉😓你淨係顧住你尷尬，點解你唔可以喺你阿媽角度諗？食放題一坐要坐兩個鐘喎。
如果有人突然間屙屎好臭 洗廁所啲漂白水味
成餐飯就唔駛食
呢個就係因人而異,正常嚟講可以揀唔坐,但係你先十幾歲（見到你的簡介)咁樣諗亦都好正常,因為而家係青春期,咁樣諗真係冇咩所謂,純粹因人而異
下次book位嗰時講埋唔要廁所位
佢安排唔到就去第度