📌 每次做完免費占卜，我
共 67 條紀錄
每次做完免費占卜，我得到嘅感覺都係「下次唔好再做」。 因為一次又一次做免費占卜book嘅時候，換來嘅都係不被尊重嘅感覺，無論幾用心去做到好。
對方多數都係「唔使錢咪玩吓囉」嘅心態。有時候真係唔該都冇聲。
平時唔識嘅人咁樣做，會有唔開心。 但係原來識人咁樣做，會更多嘅唔開心。 做咗一個免費占卜，唔開心咗整整一日 🥹
所以我不嬲都唔主張大眾占卜或免費抽牌。每樣野都應該係一對一，有頭有尾。
就算人哋唔信我嘅能力，我都會體諒，比個機會大家結緣，如果抽一張牌，係連結唔到，我情願唔做生意，都唔想客人勉強去做，呢樣野係大家互動嘅基礎。
其次搵人練習就應該搵返自己行內或者本身識占卜嘅人（有人只係因為貪免費叫人開牌就自己攞嚟衰），因為交流心得係為咗進步，有所不足而去幫人解，其實係幫唔到自己又害咗人。
希望唔好因為咁令妳影響對占卜嘅體驗。我做占卜係幫有需要嘅人，收錢係互相尊重，尤其是對我自己嘅尊重。其次係唔好欠人情債，一次交易就一次解決，無手尾。
有需要就PM，唔想你因為咁留下不好驗體。
經過回覆：除非視為練習，否則一律收費（一齊 • 企硬🫸🏻
就算練習，對方應該都要有基本禮貌同尊重。
真係唔係收唔收錢嘅問題，我介意嘅係對方嘅態度
我以前會喺酒吧搵好多唔識嘅人免費幫佢哋塔羅牌
但係我喺占卜之前會同佢講，一係俾兩蚊 一係請我飲杯嘢，多數佢哋都會請我飲嘢
同埋緊記，千祈唔好上心
唔好提供免費服務，玩謝自己，玩謝埋個行業，對案主亦唔好
有緣得到姐姐你幫我占卜，我會請你食麥當勞，再加杯雪糕新地👀
自己覺得吾開心就吾好再做
自己潛意式/高我抗拒
何況免費D人係吾珍惜的
叫對方捐錢啦 有單再做
你無得益 對方亦有付出 大家都好👍
次次做完免費占卜都病咗😂 心情上當然都唔開心（部份嘅人影響緊自己，雖然唔係全部）但係身體上已經係講到明受唔住，能量真係好緊要，要識得保護自己
雖然個背景係講緊占卜，但係其實我唔開心嘅原因係一個舊同學對我嘅態度令我唔開心🥺
我正職唔係做占卜，副業先係，不過正職都曾經有舊同學當我係老馮（本身就係做諮詢行業）😂😂 呢啲人只可以講就算幾朋友，係自己嘅專業上係要識得分界線😮💨😮💨 唯有當認清一個人囉，冇任何人可以因為本身大家關係親密而因此對自己更加差👋🏻
其實做得免費都唔好介意人地點諗,出於本心去做一件事其實個答案真係唔重要
或者你好睇人地點對待你既行為,但係當初做依件事果陣唔係已經有目標架啦咩？
目標已經完成左果陣做咩要去睇過程？
幫人占卜都做咗好幾年，陌生人真係冇問題，handle到。因為陌生人唔知佢哋嘅背景，I just give them the benefit of doubt. problem sorted.
而當係一個識嘅人，已經唔係免費占卜嘅角度，而係嗰種「連朋友都唔尊重我」嘅感覺。 （雖然呢個人已經好多年冇聯絡⋯⋯）所以先有呢個唔開心。
咁你放心啦喺靈性方面 我都有免費幫朋友做過但係我發現 都係吃力不討好
最搞笑係幫完之後冇一句多謝不但只仲要抱住執嘢狀態唔相信等等
人類好多時會將免費固之言當成係應份嘅嘢
但其實好多時啲人都唔明白 係基於友誼或者基於信任先會 冇條件幫佢
當然我嘅心態唔係為咗賺錢, 所以基本上就算出面有人委託我做我都未必會接
有時收錢唔係話一定要以增加收入為主, 但可以隔絕一啲怪人, kamL通常連小錢都唔肯付出
我亦試過同都係玩命卜嘅人互睇, 感覺真係幾好, 大家有禮貌, 可以練習又可以由人地用另一個工具幫自己算, 大家都係冇錢收但識到朋友又算到命好滿足！兩個幾鐘一陣就過咗😝
真，肯付費嘅人起碼覺得占卜係有價值，所以先會付費。 以後真係朋友都應該要收少少錢。
初初我對朋友係有啲唔識點handle, 可以簡單啲講請食飯或飲野, 我覺得底線一定要請飲野
我有試過叫朋友下次請我食飯，然後就沒有然後
可能朋友覺得叫佢請食飯，即係唔使俾😂
係 次次一開post 仲會有人催我點解未覆佢…大佬啊 我打字都有時間架…
我給人做靈異求助都係，本身我會承受對方業力，最近就連續發燒7日，冇收錢，講好求祈食碗雲吞麵算數，結果係送你去火車站，講拜拜。車錢都蝕埋
你唔係因為「免費」而唔開心，而係你用咗心、用咗時間、用咗專業去幫人，但對方冇當一回事。
呢種「被輕視」嘅感覺，先係最傷。
但有一樣嘢你要記住——
問題唔喺你價值低，而係你將有價值嘅嘢，放咗喺唔識珍惜嘅人面前。
免費，本身就容易吸引「試玩心態」嘅人，佢哋唔係真係想被幫助，只係「有就用、冇就算」。
而真正會尊重你、欣賞你嘅人，
反而通常係願意付出代價嗰一班。
Yes 🙌🏻
就係嗰種，你放咗個心落去解個盤，但係對方唔覺得係一回事。 嗰種你都係講幾句啫嘅感覺。
係陌生人嘅，我已經免疫咗。
只係嗰個係一個舊同學，雖然多年冇聯絡，但係有嗰種：連朋友都唔value我嘅失落
一向都講唔應該免費做，咁會好大鑊，日後妳真係要收錢的話，妳會一蚊都收唔到，仲反過來俾人話妳見錢開眼。
你都唔尊重自己技術
人地點會尊重你
自己既疑惑困擾
要搵免費黎解
尊重極都有限
你有幫到人既建議
要免費俾人
你對自己尊重極都有限
所以你會發現
你既客群對你心態
唔係咩好質素
我都幾有信心
絕不贊成做免費占卜，這是宇宙能量的交換，就算你自己唔收錢，都要叫佢捐錢做善事，要佢自己承擔返，唔捐係佢自己違反承諾，自己背負返因果！
有機會是當事人拒绝你對牌的分式，同埋有些老師說如果心理有疑問或者不相信，就叫當事人考慮其他方法解決疑問，不要占卜。
呢個世界總會有人會令你唔開心，如果唔開心改變唔到事實，下一次就做好啲❣️🤎✨ 唔使放喺心上✨
能量交換，捐錢/利是都要
仲要佢唔感恩，你做㗎兩會受番
免費既話，會吸到好多啲貪小便宜既人，佢地未必係對你做既野有興趣，只係因爲免費所以“玩下”,而果啲人會唔會尊重你，可以自己諗諗。無野作為交換，你既能量只會不斷流失 。
下次試試，費用全用作慈善用途，先要求對方過數給你(至少HKD 500)，然後你save and po 捐款record
如果咁都肯搵你，對方應該唔會份人好差？
Energy philanthropy係未來趨勢，但係香港暫時要循序漸進，完全免費真係唔識用。
不被尊重嘅感覺背後的含意是什麼？對方根本不在意你的說話嗎？！因為覺得占卜沒有意義，等於你會問米，香港人有多少個會信這套方法！
另外，是否收錢就可以不用被尊重？到底免費與收費是否存在一種不同的價值觀念頭！
互助本係大家好並尊重為前題，試左幾次都令自己唔開心，咁不如拎啲時間去做開心的事🥳
用心令自己開心，用心分享開心的事，用心對左自己好先🫶🏻❣️
以前有個朋友帮人做心靈療癒，她是收費的，但將所得的都全捐獻善事。您可以向每位想占卜的人先嚴正聲明，問事者于占卜後，需自願做一件善事，以作積善。這樣，可能會減少現嘢的人
免費可以有助練手，開始時會面對各類人，便要有被無視的覺悟。
君平賣卜：「益我貨者損我神，生我名者殺我身。」
免費係浪費大家時間，佢又唔會有進步，你做左又唔會點幫到佢…
免費嘅，你不如用嚟幫啲有經濟困難，但又好想改變嘅人，出面搵師父，閒閒地一千幾百，唔係個個負擔得起，幾百蚊，對經濟困難嘅人嚟講，可能係一星期嘅買餸錢，你可以比佢免費問下幾個問題，又或者隨心利是10蚊廿蚊，其他有經濟能力嘅，一律定額收費。
只係提議。我自己經歷緊困難，都希望同我一樣有困難嘅人，可以得到被人扶一把嘅機會，世態炎涼，社會越嚟越冷漠。
我幾年前就係呢個原因先做免費占卜/療癒。 咁我都有問幾句，個案有講下自己失業之類⋯⋯然後大部分呢D免費個案都 🛫，再message佢地就已讀不回😅
咁我都明白呢種失落感，遇到呢啲唔識感恩嘅人，仲要利用你，有時我自己整啲嘢出嚟賺錢，都比人話我，大佬呀！我都要食飯架，我唔係食空氣的，我搵方法賺錢有乜錯？仲要比人話我利用我隻狗狗喺YouTube 賺錢😅😅😅啲人以為YouTube 賺錢好容易，唔通我坐喺度，等個天跌比我咩？😅😅
呢個世界好多批判，只要你認為你做嘅嘢係啱嘅，就繼續啦🫶🏻
人性就是這樣，不用付出所獲得的好意，永遠不懂珍惜。
咁你有無尊重你自己。通常自己都唔尊重自己，人地先唔尊重你。 真係唔關錢唔錢事。
如果開牌後/問卜前 ，感覺到對方沒有釋出善意
即時終止問卜。
我覺得呢種係保護自己能量嘅一種方法。
從來都係， 免費的東西， 係用家唔會珍惜。所以， 真係唔好咁做。點都要佢有付出。例如，可以叫佢捐錢。
我之前都做過一啲免費的推廣的事。目的都係想在我的服務上多一點ａｄｄ ｖａｌｕｅ，自己試過都好有效果。
而結果好肯定話你知，贈品就會放埋了一邊。
免貴既野永遠係最貴，個貴係講緊個成本，人有私心，有著數一定係拎左先，其他野係之後再算
我以前都會唔開心 但唔知點解做做下都係忍唔住會繼續做 再習慣咗大家嘅已讀不回 反而感恩個啲會回覆我嘅 會話比我知 我解得好岩同幫到佢個啲人🫱🏽🫲🏾改變咗心態會唔同啲🥹因為係我想做多過佢地想做 係有少少犯賤嘅🙈
完全理解你嘅感受，仲要識嘅人多數都好老馮。好奇想知，你舊同學講咗啲乜/做咗啲乜令你唔開心同不被尊重？