每次做完免費占卜，我得到嘅感覺都係「下次唔好再做」。 因為一次又一次做免費占卜book嘅時候，換來嘅都係不被尊重嘅感覺，無論幾用心去做到好。
對方多數都係「唔使錢咪玩吓囉」嘅心態。有時候真係唔該都冇聲。
平時唔識嘅人咁樣做，會有唔開心。 但係原來識人咁樣做，會更多嘅唔開心。 做咗一個免費占卜，唔開心咗整整一日 🥹

其實做得免費都唔好介意人地點諗,出於本心去做一件事其實個答案真係唔重要

或者你好睇人地點對待你既行為,但係當初做依件事果陣唔係已經有目標架啦咩？

目標已經完成左果陣做咩要去睇過程？

幫人占卜都做咗好幾年，陌生人真係冇問題，handle到。因為陌生人唔知佢哋嘅背景，I just give them the benefit of doubt. problem sorted.
而當係一個識嘅人，已經唔係免費占卜嘅角度，而係嗰種「連朋友都唔尊重我」嘅感覺。 （雖然呢個人已經好多年冇聯絡⋯⋯）所以先有呢個唔開心。

咁你放心啦喺靈性方面 我都有免費幫朋友做過但係我發現 都係吃力不討好

最搞笑係幫完之後冇一句多謝不但只仲要抱住執嘢狀態唔相信等等
人類好多時會將免費固之言當成係應份嘅嘢

但其實好多時啲人都唔明白 係基於友誼或者基於信任先會 冇條件幫佢

當然我嘅心態唔係為咗賺錢, 所以基本上就算出面有人委託我做我都未必會接